Vikatan.com

www.vikatan.com would like to send you push notifications.

Notifications can be turned off anytime from browser settings.

அதிரடி மாடல் இப்போது அமெரிக்காவின் முதல் பெண்மணி! வெல்கம் மிசஸ் ட்ரம்ப்! #flotus

திபராக இருப்பவரின் மனைவியை அமெரிக்காவின் முதல் பெண்மணி என்று அழைப்பது அமெரிக்கர்களின் மரபு. அதன்படி இதுவரை 'அமெரிக்காவின் முதல் பெண்மணி' என்ற கௌரவத்தில் இருந்த மிச்சல் ஒபாமாவின் ஸ்தானம், இனி புதிய அதிபரான டொனால்டு டிரம்பின் மனைவி மெலானியா டிரம்ப்க்கு !

அமெரிக்காவின் புதிய முதல் பெண்மணியான மெலானியா, ஒரு  மாடல். அதனாலோ என்னவோ அவர் மீது விமர்சனங்கள் எழுவது தொடர்கதை. 

மெலானியா தன் 16 வயதில் ஒரு மாடலாக தனது வாழ்க்கையைத் தொடங்கினார். பல ஏற்ற இறக்கங்கள் கொண்டதாக அமைந்தது அந்தப் பயணம். தடாலென பிரெஞ்ச் இதழில் நிர்வாண போஸ் கொடுத்து, தனது மார்கெட்டை பிடித்துக்கொண்டார். பொதுவாக ஒருமுறை நிர்வாண போஸ் கொடுத்துவிட்டால், 'ஆபாச நட்சத்திரம்' என்ற முத்திரை குத்தப்படும். ஆனால் மெலானியாவுக்கு அப்படி நடக்கவில்லை. அவர் மாடல் அழகியாகவே வலம்வந்தார். 

1998ல் அமெரிக்காவில் நடந்த ஒரு பார்ட்டியில், டிரம்பின் அறிமுகம் கிடைத்தது மெலானியாவுக்கு. விரைவில் அவரின் காதலியானார். இனி அவர் நிவாரண போஸ் கொடுக்கமாட்டார் என மாடல் உலகம் நினைத்துக்கொண்டு இருந்தபோது, பிரிட்டிஷ் இதழின் அட்டைப் படத்துக்கு நிர்வாண போஸ் கொடுத்தார் மெலானியா. 


'உங்களது பாய்ஃப்ரெண்ட் ஜனாதிபதியானால், உங்களது ரோல் என்னவாக இருக்கும்?' என்ற கேள்வியை மெலானியாவிடம்,  1999ல் ஒரு பிரபல பத்திரிகை கேட்டபோது அவரின் பதில்...
“அமெரிக்காவின் முன்னாள் 'முதல் பெண்மணி'களான ஜாக்கி கென்னடி, பெட்டி ஃபோர்டு போல, அந்த அந்தஸ்தின் பாரம்பர்யங்களைப் பின்பற்றுவேன்!” 

டிரம்பின் மூன்றாவது மனைவியாக பிரமாண்டாக திருமணம் செய்துகொண்ட மெலனியா, 2006ல் ஓர் ஆண்பிள்ளைக்குத் தாயானார்.  டிரம்ப் குறித்த மோசமான பாலியல் சர்ச்சை கேள்விகளுக்கு எல்லாம் பொறுமையாகவே பதிலளிப்பார் மெலானியா. 

''என் கணவருக்கு நான் பலமுறை அறிவுரை வழங்கியிருக்கிறேன். அவரின் பக்கம் இருப்பதால், அவர் சொல்வது அனைத்துக்கும் நான் சரி என்று சொல்லுவதில்லை. எனக்கு சரி என்று தோணுவதை மட்டுமே செய்வேன். காரணம், நான் எப்போதும் நானாகவே இருக்கிறேன். ஓர் உறவில் சுயத்தை இழக்காமல் இருப்பதுதான் முக்கியம் என நம்புகிறேன்" என்பார் மெலானியா.

தேர்தல் பிரச்சார நேரத்தில் ட்ரம்புக்கு மெலானியா தயாரித்த உரையில், மிச்சல் ஒபாமா பேசிய உரையின் வசனங்கள் இருக்க, 'மிச்சல் ஒபாமாவின் வசனங்களை காப்பி அடித்துவிட்டார் மெலானியா' என சமூக வலைதளங்களில் பெரிய விமர்சனங்களுக்கு ஆளானார். 



அமெரிக்காவின் முதல் பெண்மணியான மெலானியாவுக்கு பூர்விகம் அமெரிக்கா கிடையாது. ஸ்லோவேனியன் நாட்டைச் சேர்ந்தவர்.  அமெரிக்காவுக்கு டூரிஸ்ட் விசாவில் வந்து, பின்னர் அமெரிக்காவில் புரோஃபஷனல் மாடலாக வலம் வந்தவர், இனி அமெரிக்காவின் முதல் பெண்மணி அந்தஸ்துடன் வலம் வருவார்.

முன்னர் அமெரிக்காவின் முதல் பெண்மணிகளாக இருந்த பார்பரா புஷ், கல்வித் துறையில் ஆர்வம் காட்டினார் . ஹிலாரி கிளின்டன் சுகாதார அமைப்பை சீர்திருத்துவதில் கவனம் செலுத்தினார். மிச்சேல் ஒபாமா, வளரும் குழந்தைகளின் உடல் பருமன் தவிர்ப்பது, பெண்நல மேம்பாடு போன்ற செயல்களில் ஆர்வம் காட்டினார்.  இவர்களைப்போல் மெலானியா எதில் ஆர்வம் காட்டப் போகிறார் என்று உலகம் ஆர்வமாகக் காத்திருக்கிறது. 

அதற்கு முன், 'நிர்வாண போஸ் கொடுப்பவர் மற்றும் மிச்சல் ஒபாமாவின் உரையைத் திருடியவர்’ என, மெலானியாவின் மேல் இருக்கும் இரண்டு பெரிய விமர்சனங்களை அவர் தாண்டவேண்டிய கட்டாயம் அவருக்கு இருக்கிறது. அடுத்ததாக, முதல் பெண்மணி என்ற அந்தஸ்தை எவ்வாறு அவர் பயன்படுத்திக்கொள்ளப் போகிறார் என்ற எதிர்பார்ப்பும் நீள்கிறது..!


- கே. அபிநயா

எடிட்டர் சாய்ஸ்

MUST READ