Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

புதிய பர்தா ஸ்டேட்மென்ட்! - ஃபேஷனில் அசத்தும் சம்மர் அல் பார்சா

சம்மர் அல் பார்சா

பர்தா உடையிலும், ஃபேஷன் டிரெண்ட் செய்ய முடியும் என நிருபித்திருக்கிறார் சம்மர் அல் பார்சா (Summer Al Barcha). சிரியா நாட்டை சேர்ந்தவர். பர்தாவில் டிரெண்டியான ஸ்டைல் மற்றும் கலாச்சாரப் பின்ணனி கொண்டவர்களை, பிரெஞ்ச் மொழியில் Bourgeois-Bohemian என்றும், ஆங்கிலத்தில் Hipster எனவும் சொல்கிறார்கள். இவர்களுக்கு எந்தெந்த இடங்களுக்கு, எப்படிப்பட்ட காஸ்ட்யூமில் போகலாம் என்பது அப்டேட்டாக தெரியும். Hipster-களின் முக்கிய நோக்கமே, இன்றைய  டிரெண்டைப் பின்பற்றாமல், புதிதாக ஸ்டைல் ஒன்றை உருவாக்கி கெத்து காட்டுவதுதான்.

இணையத்தில் டிரெண்டி ஃபேஷன் இளவரசிகள் பலர் வலம் வருவதால், பட்டென இந்த ஸ்டைல் வைரலாகப் பரவுகிறது. உண்மையில் பலருக்கு ஆடை என்பது, தங்கள் குணாதிசியத்தையும், எனர்ஜி லெவலையும் காட்டுவதற்கு ஏற்ற வழியாகக் கருதுகிறார்கள். ஒருவர் அணிந்த உடை வாயிலாக ஒருவர் அளவிடப்படுவது/அறியப்படுவதுதான் இன்றைய உலகம். அதனால், இதை எல்லாம் மனதில் வைத்து கலாச்சாரத்தையும் விட்டுக்கொடுக்காமல், அதே சமயம் டிரெண்டையும் பிடித்து கவனிக்க வைத்துவிட்டார் சம்மர் அல் பார்சா, 'Hijabi Hipster' எனப்படும் அமைப்பின் நிறுவனர்.

சம்மர் அல் பார்சாவின் பிளாக்கையும், இன்ஸ்டாகிராம் பக்கங்களையும் புரட்டியபடி வலம் வந்தால், ஃபேஷன் டிப்ஸ் மற்றும் போட்டோவுக்குள் போட்டோ கொட்டிக்கிடக்கின்றன. இவர் பயன்படுத்தும் ஒவ்வொரு பேன்ட் மற்றும் ஸ்கர்ட் ஆகியவை சிம்பிளாக இருந்தாலும், ரஜினி போல சின்ன ஸ்டைலையும் அதில் புகுத்தி இருக்கிறார். முஸ்லீம் பெண்கள் கட்டாயம் உடுத்தக்கூடிய ஹிஜாப் (Hijab) எனப்படும் தலையைச் சுற்றி மூடும் துணியிலும் வித்தியாசம் காட்டி இருப்பதுதான் ஆச்சரியம்.

சரி, யார் இந்த சம்மர் அல் பார்சா?

சிரியா நகரில் பிறந்து, அமெரிக்காவில் வளர்ந்தவர். எனவே இரு நாட்டும் கலாச்சாரத்திலும்,உடையிலும் இவருக்கு நல்ல புரிதல் உண்டு. சிறுவயதிலேயே அவர் வைத்திருந்த பார்பி பொம்மைகளுக்கான உடைகளை அவரே பலவிதமாக டிசைன் செய்து அசத்துவார். சின்ன வயதில் எற்பட்ட இந்த ஆர்வம்தான் இவரை பேஷன் துறைக்கு இழுத்து வந்திருக்கிறது. பிஸினஸ் மேனேஜ்மென்ட் படித்துள்ளவர் என்பதால், மார்க்கெட்டை வசப்படுத்தும் யுக்தியையும் தெரிந்து வைத்து இருக்கிறார். இவர் வளர்ந்ததும், ஹிஜாப் உடுத்தவேண்டிய நிலை ஏற்பட்டு இருக்கிறது. ஆனால், அவருக்கு பழைய ஸ்டைலில் பர்தா அணிய இஷ்டமில்லை. ஆனால், கடவுள் மீதான பக்தி அவரை அணிய தூண்டியது. அதற்கான தீர்வுதான் இந்த புதிய பர்தா ஸ்டேடென்ட். 'இன்றைய ஃபேஷனுடன் சேர்த்து, ஹிஜாப்பைக் கட்டாயம் பின்பற்ற முடியும் என்பதை உறுதியாக நம்பியதன் வெளிப்பாடே நான் உடுத்தும் எளிமையான உடைகள்' என அடக்கமாகவே சொல்கிறார். ஒரு உடையை முழுமைப் படுத்துவது, ஒருவர் அணியும்வாட்ச் என்பது இவரது கருத்து.

Hijabi Hipster :

சாதாரணமான, ஆனால் மாடர்ன்னான, எளிதான உடையுடன் அணிய கூடிய பர்தா தான் இந்த ஹிஜாப். நாள் முழுக்க இந்த பர்தாவை உடுத்தினாலும், அது அணிவதற்க வசதியாவும் மாடர்னாகவும் இருந்ததால்தான் இவரது பேஷன் ஹிட் அடித்திருக்கிறது. இதற்காக, பார்சிலோனா, ஸ்பெயின், மிலன், இத்தாலி, ஜகார்த்தா, இந்தோனேஷியா எனப் பல நகரங்களை சுற்றி வந்திருக்கிறார். அங்கேயும் இந்த ஹிப்ஸ்டர் டிரெண்டை உருவாக்கி இருக்கிறார். இவர் ஷாப்பிங்கிற்கு என தனியாக ஏதும் திட்டங்களை வைத்திருக்கமாட்டார். பெரும்பாலும் கடைகளுக்கு நேரடியாகச் சென்று, தனக்கு விருப்பமானதை செலக்ட் செய்து, தேவைப்படும் அளவுக்கு வாங்கிக் கொள்கிறார். உடைகளில் இவருக்குப் பிடித்த நிறம் க்ரீம். அதே சமயத்தில் முகத்தில் மேக்-அப் போடுவது அறவே பிடிக்காது. அதற்கான காரணம் கேட்டால், "அது டிசைன் செய்வதைவிட மிகவும் கடினமான வேலை" எனச் சொல்கிறார்.

பர்தாவில் அப்படி என்ன பேஷன் டிசைன் செய்திருக்கிறார்?

பர்தாவில் பேஷன் என்றதும் கலர்கலர் ஜிகினா போடுவதோ, சின்ன கண்ணாடிகளால் டிசைன் பொருத்துவதோ, எம்பிராய்டரி நூல் வேலைப்பாடுகள் மட்டும் இல்லை. ஸ்கர்ட்டுக்கு தகுந்த கலரில் பர்தா; வெவ்வேறு மெட்டிரியலில் கிராண்ட் லுக் காட்டுவது; கருப்பு கலரில் மட்டும் இல்லாமல், வயலெட், பிரவுன், ஆரஞ்சு, நீலம் எனப்பல வண்ணங்களில் பர்தா உருவாக்கி இருக்கிறார். தவிர அதை அணியும் விதத்திலும் ரிச் லுக் காட்டி அசத்துவது என இஞ்ச் பை இஞ்ச் பர்தாவை செதுக்கி இருக்கிறார் சம்மர் அல் பார்சா.

'இன்ஸ்டாகிராம் பக்கத்தில் இருக்கும் @ascia_akf, @somethingnavy, Chiarra Ferragni ஆகியோர்தான் என் ஸ்டைல் ஸ்டேட்மென்டுக்கு ரோல் மாடல்கள். இதுதவிர H&M உடன் சேர்ந்து பணியாற்ற விரும்புகிறேன். ஏனெனில் அவர்கள்ஃபேஷன் துறையில் முக்கியமானவர்கள் என்பதுடன், என்னைப் போன்ற இளம் பெண்களுக்குப் பிடித்தபடி கலெக்‌ஷன்கள் வடிவமைப்பதில் சிறந்தவர்கள். இன்னும் பலப் புதுமையான பேஷனை உருவாக்கணும். அதில் டிரெண்ட் செட்டராக இருக்கணும். அதுதான் என் ஆசை.' என கன்னத்தில் குழி விழுகச் சிரிக்கிறார் சம்மர் அல் பார்சா.

இனி என்ன சம்மர், விண்டர்னு; எல்லா நாளும் பேஷன் பர்தா அணிந்து அசத்துங்க லேடீஸ்! 

- ராகுல் சிவகுரு.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close