Vikatan.com

www.vikatan.com would like to send you push notifications.

Notifications can be turned off anytime from browser settings.

மிச்செல் ஒபாமாவை பற்றி 'நிறவெறி' கருத்து கூறியதால் ஏற்பட்ட நிலைமை..!

அமெரிக்க அதிபர் பராக் ஒபாமாவின் மனைவி மிச்செல் ஒபாமாவை பற்றி, நிறவெறியுடன் ஃபேஸ்புக்கில் ஒருவர் பதிவிட்டிருந்தார். அதனை ஆமோதிப்பது போல், அமெரிக்காவின் வெஸ்ட் விர்ஜினியாவிலுள்ள ஒரு மேயர் கருத்திட்டிருந்தார். அவரின் செயலுக்கு பலத்த எதிர்ப்புகள் வரவே, மேயர் பதவியை ராஜினாமா செய்துவிட்டார்.


வெஸ்ட் விர்ஜினியா மாகாணத்தில் உள்ள, டவுன் ஆஃப் க்லேவில் வசித்து வரும் பமெலா ராம்சே டெய்லர்,'ஒரு மாற்றத்துக்கு அழகான, கண்ணியமான முதல் குடிமகள் வெள்ளை மாளிகைக்கு வருவது புத்துணர்வாக இருக்கும். ஒரு மனிதக்குரங்கை பார்ப்பது என்னை மிகவும் சோர்வடைய வைக்கிறது.' என்று அவரது ஃபேஸ்புக் பக்கத்தில் பதிவிட்டிருந்தார். இந்த போஸ்டை ஆமோதிப்பது போல், அந்த டவுனின் மேயர் பெவர்லி வாலிங்,'இந்த பதிவு எனது நாளை அர்த்தப்படுத்தியுள்ளது' என்று கமன்ட் செய்திருந்தார்.


இதற்கு பலத்த எதிர்ப்பு கிளம்பியது. இந்த சம்பவத்தை எதிர்த்த பெடிஷனுக்கு, 1,70,000 பேர் ஆதரவு தெரிவிக்கவே, வாலிங் அவர் வகித்து வந்த மேயர் பதவியில் இருந்து ராஜினாமா செய்துள்ளார்.

எடிட்டர் சாய்ஸ்

MUST READ