Vikatan.com

www.vikatan.com would like to send you push notifications.

Notifications can be turned off anytime from browser settings.

"ரிங்கா ரிங்கா ரோஸஸ்" ரைம்ஸ் அல்ல...ஒரு வரலாற்று சோகம்!

ரிங்கா ரிங்கா ரோஸஸ்

" ரிங்கா ரிங்கா ரோஸஸ்..." என சின்ன வயதில் நாம் விளையாடிய விளையாட்டுக்கும், சமீபத்தில் இங்கிலாந்தில் கண்டெடுக்கப்பட்ட 13-ம் நூற்றாண்டைச் சேர்ந்த எலும்புக் கூடுகளுக்கும் ஓர் நெருங்கிய தொடர்பு இருக்கிறது என்பது எத்தனை பேருக்குத் தெரியும் ? அந்தத் தொடர்பை தெரிந்து கொள்வதற்கு முன்னர்... மனித இனத்தின் ஒரு பேரழிவு நிகழ்வினை, வரலாற்றுத் துயரத்தை தெரிந்து கொள்ள வேண்டிய அவசியம் இருக்கிறது...

1300 களின் காலகட்டம்... சீனாவின் பல பகுதிகளிலும் மக்கள் ஒரு விசித்திர நோயால் பாதிக்கப்பட்டு கொத்து கொத்தாய்  உயிரிழந்தனர் . அது "பிளேக்" நோய் என்று அவர்கள் கண்டுபிடித்து முடிப்பதற்குள், அது வட இந்தியா வரை பரவி விட்டிருந்தது. எலிகளிடமிருந்து, ஃப்ளீ (Flea) என்ற பூச்சியினம் இந்த நோயை மனிதர்களுக்கு கடத்தியது . சீனா மற்றும் வட இந்தியக்  கடற் பகுதிகளில் வர்த்தகங்களை முடித்துவிட்டு தங்கள் நாடுகளுக்கு கப்பல்களில் கிளம்பினர் ஐரோப்பியர்கள். அவர்களின் கப்பல்களில் பிளேக்கால் பாதிக்கப்பட்ட எலிகள் இருந்ததை  அவர்கள் சரியாக கவனிக்கவில்லை. அதே நேரத்தில், ஒரு பெரிய மங்கோலியப் படையும் ஐரோப்பாவை நோக்கி கப்பல்களில் பயணப்பட்டுக் கொண்டிருந்தது. 

ஐரோப்பாவில் இவர்கள் சென்றடைந்த இடம், இத்தாலிய கடற் பகுதியில் இருக்கும் கஃப்ஃபா (Kaffa) நகரம் . மங்கோலிய படையிலிருந்த பலரும் அந்தப் பயணத்திலேயே பிளேக்கால் பாதிக்கப்பட்டனர். தரையிறங்கிய அந்தப் படை... பாதிக்கப்பட்ட நோயாளிகளை கலன்களில் கட்டி, கோட்டைச் சுவற்றைத் தாண்டி, கஃப்ஃபா நகரத்துக்குள் தூக்கியெறிந்தனர். என்ன ஏதென்று தெரியாமல் பக்கம் வந்த மக்களுக்கும் நோய் தொற்றியது . கஃப்ஃபா நகர மக்கள் பயந்து போய் ஊரை காலி செய்து கொண்டு பல்வேறு இடங்களுக்கு குடி பெயரத் தொடங்கினர். போகுமிடமெல்லாம் நோய் பரவத் தொடங்கியது. அதே சமயம் ஆசியாவில் இருந்து  ஐரோப்பாவின் பல்வேறு இடங்களுக்கு சென்றடைந்த வர்த்தக கப்பல்களில் இருந்த எலிகளும் நோய் பரவ முக்கிய காரணமாக இருந்தன. 

ரிங்கா ரிங்கா ரோஸஸ்

இந்த இழப்புகள் இதுவரை மனித  இனம் சந்தித்திராத அளவுக்கு இருந்தது. ஐரோப்பாவின் மக்கள் தொகையில் 60% வரை இந்த நோயால் உயிரிழந்தனர். உலகம் முழுக்க கிட்டத்தட்ட 20 கோடி பேர் உயிரிழந்தனர். இந்தப் பேரழிவை ஆங்கிலத்தில் "பிளாக் டெத்" (Black Death) என்று குறிப்பிடுகிறார்கள். நோய் தாக்குதலுக்கு முன்னிருந்த உலக மக்கள் தொகையை மீண்டும் எட்டுவதற்கு கிட்டத்தட்ட 300 ஆண்டுகள் ஆனது. இந்த பெரும் சோக நிகழ்வை உலகின் பல நாட்டு ஆராய்ச்சியாளர்களும், பல தடயங்களைக் கொண்டு ஆராய்ந்து வந்துள்ளனர். அதன் ஒரு பகுதியாக இந்த வாரத் தொடக்கத்தில், இங்கிலாந்தின் லிங்கன்ஷைர் பகுதியில் 13-ம் நூற்றாண்டைச் சேர்ந்த 48 எலும்புக் கூடுகளைக் கண்டெடுத்துள்ளனர். அதில் 27 எலும்புக் கூடுகள் குழந்தைகளுடையது. 

எலும்புக் கூடுகளில் இருந்த பற்களை கனடாவிலிருக்கும் ஆராய்ச்சி மையத்துக்கு அனுப்பி வைத்தனர். இவர்கள் அனைவரும் "பிளேக்" நோயால் இறந்தது உறுதி செய்யப்பட்டுள்ளது . உலகின் பல்வேறு பகுதிகளிலும் இது போன்ற பிணக் குழிகளை கண்டு பிடித்திருந்தாலும், ஒரே குழியில் இத்தனை எலும்புக் கூடுகளை இப்போது தான் கண்டுள்ளனர். மேலும், இந்த எலும்புக் கூடுகள் குவியலாய் இல்லாமல் சீராக, பக்கம் பக்கமாக அடக்கம் செய்யப்பட்டுள்ளது. இதைக் கொண்டு இவர்கள் நோய் தொற்று ஆரம்பித்த காலத்தில் இறந்தவர்களாக இருக்கலாம் என்று சொல்லப்படுகிறது. காரணம் ஆரம்பக் கட்டத்தில் இறந்தவர்களை, மக்கள் மரியாதையுடன் இறுதிச் சடங்குகளை செய்து புதைத்தனர். பின்பு, பலி எண்ணிக்கை அதிகரிக்க, அதிகரிக்க பிணங்களை குழியில் குவியலாய் கொட்ட ஆரம்பித்தனர் என்கிறார்கள் ஆராய்ச்சியாளர்கள். 

தற்போது கிடைத்திருக்கும் இந்த ஆதாரங்களைக் கொண்டு, இவர்கள் இறந்த காரணங்களைக் கண்டறிவது எளிது. ஆனால், இறப்பதற்கு முன்னரான இவர்களின் வாழ்க்கையைத் தேடுவதே மிக முக்கியம் என்று சொல்லியிருக்கிறார்கள் இங்கிலந்து ஆராய்ச்சியாளர்கள். அது நடந்தால் மனித இனத்தின் மிக முக்கிய வரலாற்றுப் பக்கங்கள் காணக் கிடைக்கும்... சரி இந்தக் கதைக்கும் "ரிங்கா ரிங்கா ரோஸஸ்..." விளையாட்டுக்கும் என்ன சம்பந்தம் ??? 

ரிங்கா ரிங்கா ரோஸஸ்

பிளேக்கால் பாதிக்கப்பட்ட மக்களுக்கு உடலில் வட்ட வட்டமாக கொப்புளங்கள் வரும். அதற்கு அவர்கள் "Posies"" என்ற ஒரு நாட்டு மருந்தை உண்பார்கள். அது கைகொடுக்காத நிலையில் டிஷூம், டிஷூம் என்று தொடர் தும்மலால் பாதிக்கப்பட்டு, இறுதியில் இறந்து போவார்கள். இப்படி இறப்பவர்களுக்கான ஒப்பாரி பாடல் தான்..

" Ring of Ring of Rashes,
  Pocket full of Posies,
  Ai - tishoo, Ai - tishoo,
  All for down..." அழுது கொண்டே அவர்கள் பாடிய அந்த ஒப்பாரிப் பாடல் தான், கால மாற்றத்தில் குழந்தைகள் சிரித்து விளையாடும் ரைம்ஸ் பாடலாக மாறிப் போனது என்பது ஒரு சாராரின் கருத்து. இல்லை...ஆனால், பிளேக் நோயில் தும்மல் ஏற்படாது; அதனால் இது குழந்தைகளின் விளையாட்டுப் பாடல்தான் என்று வாதாடுபவர்களும் உண்டு !!!

                                                                                                                                         - இரா. கலைச் செல்வன்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ