Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அன்று ஆதவற்ற சிறுவன்... இன்று பள்ளி மாணவன்..! - நைஜீரிய நெகிழ்ச்சி!

நைஜீரிய  சிறுவன்

சி, பட்டினியால் வாடி துடிக்கும் அந்த சிறுவனுக்கு தண்ணீர் கொடுத்துக்கொண்டிருக்கும் இந்த புகைப்படம் மனிதாபிமானத்துக்கு சிறந்த எடுத்துக்காட்டு. சென்ற வருடம் மெலிந்து, உடலில் ஒட்டுத் துணிக்கூட இல்லாமல், ஆதரிக்க யாரும் இல்லாத நிலையில்... தெருக்களில் அனாதையாக சுற்றித் திரிந்துகொண்டிருந்த அந்த நைஜீரிய சிறுவனுக்கு மனிதாபிமானம் உள்ள ஒரு பெண் ஆதரவு கொடுத்தார். தற்போது அந்த சிறுவன், நல்ல ஆரோக்கியத்துடன் பள்ளிக்கு சென்று கொண்டிருக்கிறான்.

மூன்று வயது கூட ஆகாத அந்த நைஜீரிய சிறுவன் மீது 'மந்திரவாதி' என்று பழியை அவ்வூர் மக்கள் சுமத்தியதன் பலன், அவனுக்கு தண்ணீர் கூட தரக்கூடாது, பேசக்கூடாது என்று ஊர்க்கூட்டத்தில் கூட்டி செய்தி அறிவிக்கப்பட்டது. தனக்கு என்ன நேர்ந்தது என்று அறியாத வயதுடைய அந்த பிஞ்சு குழந்தை சாப்பாடு, தண்ணீர் இல்லாமல் வெயிலிலும், மழையிலும் அவதிப்பட்டு கையில் கிடைத்ததை சாப்பிட்டுக்கொண்டிருந்தான். பசிக்கும் தனக்கு யாரும் சாப்பிட எதுவும் தரமாட்டார்களா என்று ஏங்கிய அவனுக்கு, எதிர்பாராத தேவதை போல வந்திறங்கினார் டென்மார்க்கைச் சேர்ந்த சமூக சேவகி அன்ஜா ரிங்ரேன் லோவேன் (Anja Ringgren Lovén).

கடந்தாண்டு ஜனவரி 30-ம் தேதி அன்ஜா, உதவிக் குழுவுடன் அங்கு சென்றுள்ளார். அப்போது அதரவற்ற நிலையில் உடலில் ஒட்டுத் துணிக்கூட இல்லாத அந்த குழந்தையை நிலைமையைக் கண்டதும் மனம் உடைந்தார். முதலில் குடிக்கத் தண்ணீர் தந்து, உடனே தன்னோடு அழைத்துச் சென்று அச்சிறுவனை மருத்துவமனையில் சேர்த்தார். சிகிச்சை அளிக்கப்பட்டு நல்ல நிலைமைக்கு திரும்பியதும், அவனுக்கு 'ஹோப்' என்று பெயரை சூட்டினார். அவனுக்கு தேவையான எல்லா விஷயங்களை தானே பார்த்துக்கொண்டார்.

ஹோப்பை தத்தெடுத்த அன்ஜா

இந்த சம்பவம் நடந்து ஓர் ஆண்டு முடிவடைந்த நிலையில், தற்போது 'ஹோப்' நல்ல நிலையில் இருக்கிறான். பள்ளிக்கு செல்கிறான். 2016-ஆம் ஆண்டு ஜனவரி 30-ம் தேதி ஹோப்பை, தான் மீட்ட போது எடுத்தப் புகைப்படத்தையும் (அப்போது அந்த புகைப்படம் வைரல் ஆனானது), முதல் முறையாக ஹோப் பள்ளிக்கு செல்கிற புகைப்படத்தையும் சேர்த்து தனது ஃபேஸ்புக் பக்கத்தில் வெளியிட்டார் அன்ஜா. தற்போது 'ஹோப்' புகைப்படம் வைரலாக பரவி, அன்ஜாவின் செயலை மெச்சி, முகம் தெரியாதவர்களிடம் இருந்தெல்லாம் அன்ஜனாவுக்கு வாழ்த்துக்கள் குவிந்து வருகிறதாம்.

-என்.மல்லிகார்ஜுனா

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close