Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'வட கொரியாவுடன் மிகப்பெரும் பிரச்னைக்கு வாய்ப்பிருக்கிறது! ஆனால்...' - மனம் திறந்த ட்ரம்ப்

Donald trump

அமெரிக்கா - வட கொரியா இடையே நடக்கும் பனிப்போர், உச்சக்கட்டத்தை எட்டியுள்ளது. அமெரிக்க அரசு, அதன் ராணுவத் துருப்புகளை கொரிய தீபகற்பத்துக்குப் பக்கத்தில் அனுப்புவதும்... வட கொரிய அரசு, அமெரிக்காவை அச்சுறுத்துவதுபோல அணு ஆயுதச் சோதனை நடத்தி எச்சிரிக்கை விடுவதும்,  இரு நாடுகளுக்கும் இடையே பதற்றமான சூழலை உருவாக்கிவருகிறது.

இந்த நிலையில், அமெரிக்க ஜனாதிபதி டொனால்டு ட்ரம்ப், 'வட கொரியாவுடன் மிகப் பெரும் பிரச்னை வருவதற்கு வாய்ப்பு இருக்கிறது. ஆனால், இரு நாடுகளுக்கும் இடையே உள்ள பிரச்னைக்கு, பேச்சுவார்த்தைமூலம் தீர்வு காணத் தயாராகவே இருக்கிறோம்.' என்று கூறியுள்ளார்.

மேலும், சீன அதிபர் ஜி ஜின்பிங் இந்த விஷயத்தையும் அணுகுவதுபற்றி ட்ரம்ப், 'எனக்குத் தெரிந்த இரு நாட்டு சச்சரவைத் தீர்ப்பதற்கு, சீன அதிபர் ஜின்பிங் அதிக சிரத்தையுடன் முயல்கிறார். கண்டிப்பாக, அவர் இரு நாட்டுக்கும் இடையில் கொந்தளிப்பை விரும்பவில்லை.' என்றுள்ளார்.

ட்ரம்ப் நிர்வாகம், நேற்று வட கொரியாவின் நிலையை, 'அவசர நிலையில் இருக்கும் தேசிய பாதுகாப்புக்கான அச்சுறுத்தல் மற்றும் வெளியுறவு விஷயத்தில் உச்சக்கட்ட முன்னுரிமை கொடுக்கப்படவேண்டிய விஷயம்' என்று சுட்டியுள்ளது குறிப்பிடத்தக்கது.

தொடர்ந்து, இரு நாடுகளுக்கும் இடையே மோதல் போக்கு நீடித்துவருவதால், வட கொரியாவைச் சுற்றியுள்ள அனைத்து பகுதிகளிலும் பதற்றமான சூழ்நிலையே நிலவிவருகிறது. 

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close