Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இந்தியரின் காரில் செல்ஃப் டிரைவிங்கில் பிரிட்டன் ராணி!

பிரிட்டன் நிறுவனத் தயாரிப்பு கார்களை இந்தியர்கள் விரும்பி ஓட்டிய காலம் மாறி, இந்திய நிறுவனம் தயாரிக்கும் காரை பிரிட்டன் ராணியே ஓட்டிச் செல்ல, இந்தியர்கள் காலரைத் தூக்கி விட்டுக் கொண்டுள்ளனர்.  

இந்திய காரை ஓட்டும் பிரிட்டன் ராணி(Photo credits : Jim Bennett)

இளவரசி டயானாவோடு,  பிரிட்டன் அரச குடும்பத்தினர் மீதான வசீகரம் போய் விட்டது என்றுதானே நினைத்திருந்தோம். பிரிட்டன் ராணி இரண்டாம் எலிசபெத், சமீபத்தில் தானே காரை ஓட்டிச் செல்ல, அது இணையத்தில் வைரல்.

பிரிட்டன் அரச குடும்பத்தில் உலக மக்கள் கவனத்தை அதிகம் ஈர்த்தவர் இளவரசி டயானா. 'பாண்டிய நாடே என் பாட்டுக்கு அடிமை' என்கிற மாதிரி ஒரு காலத்தில் டயானாவின் வசீகரத்துக்கு உலகமே அடிமையாக இருந்தது.  இளவரசி டயானா எங்கு சென்றாலும் பின்னல் பெரும் கூட்டமே திரளும். பாப்பரசிகளும் விடாமல் துரத்துவார்கள்.

அரச பூர்விகம் கொண்ட குடும்பத்தில் இருந்து பிரிட்டன் இளவரசியாக உயர்ந்தவர் டயானா. தற்போதைய இளவரசர் வில்லியம்ஸின் மனைவி கேத் மிடில்டனும் சாதாரணக் குடும்பத்தில் இருந்து பிரிட்டன் இளவரசியானவர்தான்., ஆனால், அத்தை டயனா போல, பிரபலமடைய முடியவில்லை. இளவரசி டயானா உயிருடன் இருந்த வரை, அவர் என்ன செய்தாலும் செய்திதான். டயானா மறைந்த பிறகு, பிரிட்டன் மக்களுக்கே பிரிட்டன் அரச குடும்பத்தினர் மீது ஆர்வம் குறைந்து விட்டது என்கிற தோற்றம் உருவானது. 

சமீபத்தில் பிரிட்டன் இளவரசர் 95 வயது பிலிஃப் பொறுப்பில் இருந்து விலகுவதாக அறிவித்தார். இந்த செய்தி கொஞ்சம் பரபரப்பை ஏற்படுத்தியிருந்தது. பிலிஃப்பின் இந்த அறிவிப்பையடுத்து, கடந்த ஞாயிற்றுக்கிழமை காலையில் ராணி எலிசபெத், ராயல் சேப்பல்ஸ் ஆலயத்துக்கு சென்று பிரார்த்தனையில் ஈடுபட்டார். வழிபாடு முடிந்ததும் டிரைவர் இல்லாமல் ராணியே, தனது ஜாகுவார் காரை ஓட்டிக் கொண்டு அரண்மனைக்குத் திரும்பினார். 

ராணி

பாதுகாவலர்கள் முன்னால் செல்ல, 91 வயது ராணி காரை ஓட்டி செல்லும் புகைப்படங்கள் வெளியாகி வைரலானது. பிரிட்டன் அரசி எலிசபெத்துக்கு கார்கள் பிடித்தமானது. வித விதமான கார்களை வைத்துள்ளார். அபாரமான டிரைவிங் திறமை கொண்டவர். இரண்டாம் உலகப் போரின் போது, பிரிட்டன் ராணுவத்தில் பெண்கள் படையில் கார் மெக்கானிக்காகவும் பணியாற்றியுள்ளார். பிரிட்டனைப் பொறுத்த வரை , கார் ஓட்டும் யாராக இருந்தாலும் நிச்சயம் லைசென்ஸ் தேவை. அந்த நாட்டில் லைசென்ஸ் இல்லாமல் கார் ஓட்டும் உரிமை கொண்ட ஒரே ஒருவர் உண்டென்றால் அது... பிரிட்டன் ராணி மட்டும்தான். 

இரண்டாம் எலிசபெத் கார் ஓட்டும் புகைப்படம் வைரலாக, இந்தியர்கள் வேறுவிதத்தில் பெருமைப்பட்டுக் கொள்கின்றனர். பிரிட்டன் ஆட்சிக் காலத்தில், இந்திய சாலைகளை பிரிட்டன் தயாரிப்பு கார்கள்தான் ஆக்கிரமித்துக் கொண்டிருந்தன. அம்பாசிடர் கார் கூட பிரிட்டன் தயாரிப்பு காரை மூலமாக கொண்டுதான் வடிவமைக்கப்பட்டது; தயாரிக்கப்பட்டது. பிரிட்டன் தயாரிப்பான ரோல்ஸ் ராய்ஸ் கார் மீது  இப்போதும் , இந்தியர்களுக்கு  பெரும் காதல் இருக்கிறது. இத்தகைய சூழலில் பிரிட்டன் ராணியே இந்திய நிறுவனம் தயாரிக்கும் காரில்தான் செல்கிறார் என இந்தியர்கள் ட்வீட்டியுள்ளனர்.

பிரிட்டன் ராணி ஓட்டிச் சென்ற ஜாகுவார் கார்களை தயாரிக்கும் லேண்ட் ரோவர் நிறுவனத்தை அண்மையில் டாடா நிறுவனம் வாங்கியது. இந்த நிறுவனம்தான்,  ராணி இரண்டாம் எலிசபெத்துக்கு பிரத்யேகமான கார்களை தயாரித்தும் வழங்குகிறது. ஒரு காலத்தில் பிரிட்டன் கார்களில் செல்ல இந்தியர்கள் செல்ல ஆசைப்பட்டனர். இப்போது பிரிட்டன் ராணியே இந்தியகாரில் செல்கிறார்.  
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close