Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கண்ணீர் மல்க அறிவித்த செய்தி வாசிப்பாளர்! இதுதான் காரணம்

தன்னுடைய சேனலின் கடைசி நிகழ்ச்சி இதுதான் என்பதை நேரலையின் போது அறிந்துகொண்ட செய்தி வாசிப்பாளரின் நெஞ்சுறுக்கும் அறிவிப்பு சமூக வலைதளங்களில் வைரலாகப் பரவி பலரையும் கண்கலங்க வைத்துள்ளது.

செய்தி வாசிப்பாளர்

இஸ்ரேலிய செய்தி வாசிப்பாளர் கீலா தன்னுடைய சேனல் மூடப்படுவதை நேரலையின் போதே கண்ணீர் மல்க வாசித்த காட்சியினை சேனல்-1 தன்னுடைய அதிகாரபூர்வ ஃபேஸ்புக் பக்கத்தில் வெளியிட்டுள்ளது. 55 விநாடிகள் மட்டுமே ஓடும் இந்த வீடியோ க்ளிப்பிங்கில் உணர்ச்சி பொங்க சேனலின் கடைசி நேரலையை வாசிக்கிறார் கீலா.

இஸ்ரேல் அரசின் புதிய நடவடிக்கையால் சேனல் மூடப்படும் நிலை ஏற்பட்டுள்ளது. அதனை செய்தி வாசிப்பாளர் கீலா, ‘இன்றைய இந்த நிகழ்ச்சிதான் நம்முடைய கடைசி நிகழ்ச்சியாகும். இதற்குப் பின்னர் இந்நிகழ்ச்சியைப் பார்ப்பது பொருத்தமற்றதாகிவிடும். இன்றைய தினத்தின் முடிவில் பலரும் வேலை இழக்கவுள்ளோம். அனைவருக்கும் சிறப்பானதொரு வேலை கிடைக்கும் என நம்புகிறேன்’ என செய்தி வாசித்துக்கொண்டே குரல் உடைந்து அழுதுவிட்டார்.

தற்போது வரை சமூக வலைதளங்களில் வைரலாகப் பரவி வரும் இந்த வீடியோ இதுவரையில் 3,45,000 முறை பார்க்கப்பட்டுள்ளது. இஸ்ரேல் அரசின் புதிய மாற்று நிறுவனங்கள் அமைக்கும் முயற்சியில் இந்தச் சேனல் முடக்கப்பட்டாலும், ஊடகத்துறையினைக் கட்டுப்படுத்தவே அரசு இம்முடிவினை அறிவித்துள்ளதாகவும் கூறப்படுகிறது.
 

 

 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close