Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'நியூ யார்க் மீது அணு குண்டு போடப்படும்..!'- மிரட்டல் விடுக்கும் வட கொரியா

அமெரிக்கா - வட கொரியா பிரச்னைக்கு முடிவு தெரியாமல் இருக்கும் நிலையில், வட கொரிய தரப்பு, 'நியூ யார்க் மீது அணு குண்டு போடுவது தங்களுக்கு சிரமமான காரியம் இல்லை' என்று மிரட்டல் விடுத்துள்ளது.

வட கொரியாவின் அணு ஆயுதங்கள் சோதனைகுறித்து அமெரிக்கா, தொடக்க காலம் முதலே ஆட்சேபனை தெரிவித்துவந்தது. ஆனால், 'எங்கள் தற்காப்புக்கு நாங்கள் அணு ஆயுதச் சோதனை செய்வதை கேட்கும் அதிகாரம் யாருக்கும் கிடையாது' என்று பதிலடி கொடுத்தது வட கொரியா. அவ்வளவுதான், அன்று பற்றிக் கொண்டது இரு நாடுகளுக்கும் இடையிலான பிரச்னை. அது இன்று வரை ஓய்ந்தபாடில்லை.

அமெரிக்கா, கொரிய தீபகற்பத்துக்கு கடந்த சில நாள்களாக அதிக ராணுவத் துருப்புகளை அனுப்பிவருகிறது. இந்த நிலையில், வட கொரிய அரசின் செய்தித்தாளான 'ரோடங் சின்மன்' (Rodong Sinmun), 'ட்ரம்ப் இந்த ஆண்டு தொடக்கத்தில், வட கொரியா என்னதான் அணு ஆயுதச் சோதனை நடத்தினாலும், அணு குண்டை அமெரிக்காவுக்கு எதிராகப் பயன்படுத்தாது என்று அலட்சியமாகத் தெரிவித்துள்ளார். ஆனால், வட கொரியாவிலிருந்து நியூயார்க் நகரத்துக்கு அணு ஆயுதம்மூலம் தாக்குதல் நடத்துவது ஒன்றும் சாத்தியமில்லாத காரியம் இல்லை.' என்று மிரட்டல் விடுக்கும் தொனியில் செய்தி வெளியிட்டுள்ளது.

ட்ரம்ப், இந்த ஆண்டு தொடக்கத்தில் சொன்ன கருத்துக்கு, இப்போது வட கொரியா பதிலளித்திருப்பது பலரை ஆச்சர்யப்பட வைத்துள்ளது. ட்ரம்ப், சமீபத்தில் தனது ஜப்பான் பயணத்தை அடுத்து, 'வட கொரியாவுக்கு எதிராக எந்தவித நடவடிக்கைக்கும் தயாராக இருங்கள்' என்று ஜப்பானிய பிரதமரிடம் கூறியிருந்தார். 

அதேநேரம், இது அணு ஆயுதம் சம்பந்தப்பட்ட விஷயம் என்பதால், உலக நாடுகள் அச்சத்தில் உள்ளன. 
 

Stay Updated with Tamil Flash News - Facebook's 'FbStart' Tamil APP

உலகம் சார்ந்த செய்திகளை உடனுக்குடன் தெரிந்துகொள்ள... தமிழ் ஃப்ளாஷ் நியூஸ் அப்ளிகேஷன்! ஃபேஸ்புக்குக்கே பிடித்த நம்பர் 1 தமிழ் நியூஸ் ஆப்... Tamil Flash News..!

பதிவிறக்க... க்ளிக் http://bit.ly/FreeTFN

Advertisement
Advertisement
Advertisement
Advertisement
Advertisement

எடிட்டர் சாய்ஸ்

என்ன செய்தார்கள் தமிழ்நாட்டின் 39 எம்.பி-க்கள்? - முழுமையான பெர்ஃபாமன்ஸ் ரிப்போர்ட்
Advertisement

MUST READ

Advertisement
[X] Close