Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அதிபரின் எதிர்ப்பையும் மீறி இந்த நாட்டில் சட்டபூர்வமாகிறது ஓரினச் சேர்க்கைத் திருமணம்!

ஓரினச் சேர்க்கைத் திருமணங்களைச் சட்டபூர்வமாக்க ஜெர்மனி நாடாளுமன்றத்தில் அனைத்து உறுப்பினர்களும் ஆதரவு தெரிவித்துள்ளனர். எனவே ஜெர்மனியில் விரைவில் ஓரினச் சேர்க்கைத் திருமணம் சட்டபூர்வமாக்கப்படும் என்று எதிர்பார்க்கப்படுகிறது.


same sex marriage

ஜெர்மனி நாடாளுமன்றத்தில் (Bundestag) ஓரினச் சேர்க்கைத் திருமணத்தைச் சட்டபூர்வமாக்குவது குறித்த வாக்கெடுப்பு நடைபெற்றது. அந்த வாக்கெடுப்பில் மெஜாரிட்டி உறுப்பினர்கள் ஓரினச் சேர்க்கைத் திருமணத்துக்கு ஆதரவாக வாக்களித்தனர். இதையடுத்து ஓரினச் சேர்க்கைத் திருமணத்தைச் சட்டபூர்வமாக்கும் மசோதா (Same-sex marriage bill) இன்று ஜெர்மன் நாடாளுமன்றத்தில் தாக்கல் செய்யப்பட்டது. அதன்படி ஒரே பாலினத்தைச் சேர்ந்த இருவர் திருமணம் செய்துகொள்ள சட்டம் அனுமதிக்கும். மேலும், அந்த ஜோடி குழந்தையைத் தத்தெடுத்து வளர்க்கவும் அனுமதிக்கும். ஓரினச் சேர்க்கைத் திருமணத்துக்கு வாக்குகள் குவிந்ததைத் தொடர்ந்து நாடாளுமன்றத்தில் கேக் வெட்டி கொண்டாடப்பட்டது. 

german same sex marriage
 

ஜெர்மனி அதிபர் ஏஞ்சலா மெர்க்கல், ஆரம்பத்திலிருந்தே ஓரினச் சேர்க்கைத் திருமணங்களுக்கு எதிராகக் கருத்துகள் கூறிவந்தார். இன்றைய நாடாளுமன்ற நிகழ்வு நிறைவுபெற்றதும் செய்தியாளர்களைச் சந்தித்த மெர்க்கல், தான் ஓரினச் சேர்க்கைத் திருமணத்துக்கு எதிராக வாக்களித்ததாக அதிரடியாகத் தெரிவித்தார். ஆனால், மற்ற உறுப்பினர்களின் விருப்பத்துக்கு ஏற்ப முடிவெடுக்க விரும்புவதாகவும் தெரிவித்தார்.

ஏற்கெனவே பிரான்ஸ், பிரிட்டன், ஸ்பெயின் உள்ளிட்ட  ஐரோப்பிய நாடுகள் same sex marriage திருமணத்தைச் சட்டபூர்வமாக்கியுள்ள நிலையில் ஜெர்மனியும் இந்தப் பட்டியலில் இணைந்துள்ளது. 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close