Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'24 மில்லியன் கறுப்பினப் பெண்களுக்காக இதை எழுதுகிறேன்'- செரினா ஆவேசம்

கருப்பினப்

'கறுப்பினப் பெண்களுக்கு சம ஊதியம் வேண்டும்' என்று டென்னிஸ் வீராங்கனை செரினா வில்லியம்ஸ் கட்டுரை எழுதியுள்ளார். அதில், ‘‘ஊதிய இடைவெளி, கறுப்பினப் பெண்களை மிகவும் மோசமாகப் பாதிக்கிறது. 'நான் வளரும்போது, நான் ஒரு பெண் என்பதாலும் என் தோலின் நிறத்தாலும் என் கனவுகளை என்னால் அடைய முடியாது என்று என்னிடம் கூறப்பட்டது. அமைப்பு ரீதியிலான சமநிலையின்மை, எல்லா வகையான வேலைகளையும் செய்யும் கறுப்பினப் பெண்களைப் பாதிக்கிறது. இதற்குக் காரணம், கறுப்பினப் பெண்கள் குறைந்த ஊதியம் மட்டுமே வழங்கப்படும் வேலைகளைச் செய்கிறார்கள் என்பதல்ல. தொழில்நுட்பம், நிதி, பொழுதுபோக்கு, சட்டம், மருத்துவம் ஆகிய துறைகளிலும் அவர்கள் குறைந்த ஊதியமே பெறுகின்றனர். பட்டப்படிப்பு முடித்துள்ள கறுப்பினப் பெண்களும், எல்லா நிலையிலும் குறைந்த ஊதியமே பெறுகின்றனர். 

சிலிக்கான் பள்ளத்தாக்கில் இருப்பது போன்ற நிலையே, பிற நகரங்களிலும் நிலவுகிறது. என் கற்பனைக்கு அப்பாற்பட்ட, அரிதானதொரு பொருளாதார வெற்றியை நான் அடைந்துள்ளேன். ஆனால், அமெரிக்காவில் உள்ள 24 மில்லியன் கறுப்பினப் பெண்களுக்காக நான் இதை எழுதுகிறேன். டென்னிஸ் ராக்கெட்டை கைகளில் எடுத்திருக்காவிட்டால், நானும் அந்தப் பெண்களில் ஒருத்தியாகவே இருந்திருப்பேன். வறுமை, பாகுபாடு, பாலின பேதம் ஆகிய சுழல்களை நொறுக்குவது, கிராண்ட் ஸ்லாம் பட்டங்களை வெல்வதைவிடக் கடினமானது. 

இந்நிலையைப் போக்க, அர்ப்பணிப்புடன் கூடிய செயல்பாடு, சட்டங்கள், பணியமர்த்துபவரின் அங்கீகாரம் மற்றும் அதிக ஊதியம் கேட்பதற்கான பணியாளரின் துணிச்சல் ஆகியவை வேண்டும். சுருக்கமாகச் சொன்னால், இதை நாம் அனைவரும் முன்னெடுத்துச் செல்ல வேண்டும். நிறம், இனம், மதம் ஆகிய வேறுபாடுகளைக் கடந்து, ஆண்களும் பெண்களும் இதை ஒரு அநீதி என்பதை உணர வேண்டும். கறுப்பினப் பெண்களே, துணிச்சல் மிக்கவர்களாக இருங்கள். சம ஊதியத்துக்காக வெளிப்படையாகக் குரல் கொடுங்கள். ஒவ்வொரு முறையும் நீங்கள் அதைச் செய்யும் போது, உங்களுக்குப் பின்னால் வரும் பெண்களின் போராட்டம் சுலபமாகும். எல்லாவற்றுக்கும் மேலாக, நீங்கள் அந்த ஊதியத்தைப் பெறத் தகுதியானவர்கள் என்பதைத் தெரிந்துகொள்ளுங்கள்’’ என்று கூறியுள்ளார். 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close