கோவணாண்டி முறையீடு திட்டம் போட்டுப் போட்டு, தூள் கிளப்புறதுல கில்லாடி, சங்கரன்கோவில் தொகுதியில சகல கட்சிகளுக்கும் சங்கு ஊதின சாதனைத் தலைவி, நாளைக்கு ஒரு திட்டம், வேளைக்கொரு சட்டம்னு பட்டையைக் கிளப்பற தங்கத் தாரகை, சசிகலாவின் நிரந்தர சகோதரி, தமிழக முதல்வர் ஜெயலலிதா அம்மாவுக்கு... வணக்கம் சொல்லிக்கறான் ஒங்க பாசக்கார கோவணாண்டி. அம்மா, ஆட்சியில உக்கார்ந்த நாள் முதலா எங்களுக்காக திட்டங்கள போட்டுத் தாக்கிட்டே இருக்கீங்க. சொட்டுநீர் மானியம், தானியக் கிடங்குகள், பல்லுயிர் பெருக்கம், 686 கோடியில் பசுமைத் திட்டம்... இப்படி நீங்க போடுற திட்டமெல்லாமே அருமையாத்தான் இருக்கு. ஆனா, வழக்கம்போல எல்லாமே அறிவிப்போட நிக்குதே தவிர, துளிகூட எங்க கைக்கு வந்து சேரமாட்டேங்குதே! தமிழ்நாட்டோட உணவு தானிய உற்பத்தியை 115 லட்சம் டன் அளவுக்கு உசத்தணும்னு சொல்லி, சொட்டுநீர்ப் பாசனத்துக்கு 100% மானியம்னு அறிவிச்சீங்க. ஆனா, இந்தத் திட்டத்தைக் கண்டு எங்காளுங்க பின்னங்கால் பிடரியில அடிபட ஓடிட்டிருக்காங்கம்மா! 'இலவசமா கொடுக்குறத,. . .