Vikatan.com

www.vikatan.com would like to send you push notifications.

Notifications can be turned off anytime from browser settings.

ஃப்யூச்சர் அண்ட் ஆப்ஷன் - 6

- எம்.பி. பாண்டிகுமார், இணை பேராசிரியர், LIBA

 

டெரிவேட்டிவ் கான்ட்ராக்ட்டின் லிக்யுடிட்டி  ரிஸ்க்! 

 

டெரிவேட்டிவ் ஒப்பந்தமிடுவதால் எந்த வகையில் லிக்விடிட்டி ரிஸ்க் ஏற்படுகிறது? அது எவ்வாறு ஒப்பந்தத்தில் பங்கெடுக்கும் வாங்குபவரையும் மற்றும் விற்பவரையும் பாதிக்கிறது என்று பார்ப்போம். டெரிவேட்டிவ் ஒப்பந்தம் செய்வதால், இந்த வகையான லிக்விடிட்டி ரிஸ்க் ஏற்படுகிறது. ஏன் ஏற்படுகிறது? எதனால் ஏற்படுகிறது?
எந்தவொரு டெரிவேட்டிவ் ஒப்பந்தமும் பங்கெடுக்கும் ஒவ்வொருவரின் தேவையைப் பூர்த்தி செய்ய பிரத்யேகமாக உருவாக்குவதால் ஏற்படக்கூடிய ரிஸ்க் ஆகும். குறிப்பாக, இந்த வகையான ரிஸ்க் மிகவும் அதிகமாக மற்றும் தவிர்க்க முடியாததாக ஃபார்வர்ட் ஒப்பந்தத்தில் காணலாம். ஏனெனில், ஒவ்வொரு ஃபார்வர்ட் ஒப்பந்தமும் அவரவர் தேவைக்காக வடிவமைக்கப்படுவதால், இவற்றில் இந்த ரிஸ்கின் தாக்கம் மற்ற எக்ஸ்சேஞ்ச் டெரிவேட்டிவ் ஒப்பந்தங்களில் இருப்பதைக் காட்டிலும் மிக அதிகமாக இருக்கும். 
 
   
 
எக்ஸ்சேஞ்ச் டெரிவேட்டிவ் ஒப்பந்தங்களில் கீழ்க்கண்டவாறு விவரங்களை வரையறுக்கபடுவதால், லிக்விடிட்டி ரிஸ்க் மிகக் குறைவாக உள்ளது என்று சொல்வதை காட்டிலும் இல்லை என்று சொல்வதே சாலச் சிறந்தது.
செட்டில்மென்ட்டை பொறுத்தவரையில், குறிப்பிட்ட தேதியில்தான் பணப்பட்டுவாடா மற்றும் டெலிவரி நடக்கும். 
 
 
 
 
மேற்கோள் காட்டிய எஸ்பிஐ டெரிவேட்டிவ் எக்ஸ்சேஞ்ச் ஒப்பந்தத்தில் 30 ஜூலை, 27 ஆகஸ்ட் மற்றும் 24 செப்டம்பர் தேதிகளில் செட்டில்மென்ட் வாங்குபவர் மற்றும் விற்பவருக்கும் இடையில் நடக்கும் என்று முன்கூட்டியே தெரிவதால், அன்று உறுதியாக கேஷ் செட்டில்மென்ட் நடந்துவிடும்.
 
எக்ஸ்சேஞ்ச் வாயிலாக போடப்படும் ஒப்பந்தத்தில் வாங்குபவரோ அல்லது விற்பவரோ தங்களால் எளிதாக ஒப்பந்தம் போடப்பட்ட நோக்கத்தை எந்தச் சூழ்நிலையிலும் எட்டமுடியும் என்பது அவர்களுடைய கான்ட்ராக்ட்டுக்கான லிக்விடிட்டியை எடுத்துக் காட்டுகிறது. 
 
இது மட்டுமல்லாமல், டெரிவேட்டிவ் ஒப்பந்தத்தின் தேவை முடிவுறும்போது ஒருவருக்கு ஒருவர் எளிதாக மாற்றிக் கொள்ள வழிவகை செய்கிறது. இது எவ்வாறு எக்ஸ்சேஞ்ச் டெரிவேட்டிவ் ஒப்பந்தங்களில் சாத்தியமாகிறது. ஆனால், ஃபார்வர்ட் கான்ட்ராக்டில் இதற்கு வழியில்லை. ஏனென்றால், பார்வர்ட் கான்ட்ராக்ட்டை பொறுத்தவரையில், அவ்வளவு எளிதில் ஒருவருக்கு தேவையில்லை எனில் அவற்றிலிருந்து மாற்றவோ அல்லது வெளியேறவோ முடிவதில்லை. 
 
இரண்டாவதாக, இந்த லிக்விடிட்டி ரிஸ்க் தோன்றுவதற்கு மற்றொரு காரணம், செட்டில்மென்ட் வாய்ப்புகளேயாகும். ஏன் மற்றும் எதனால் செட்டில்மென்ட் வாய்ப்புகள் மிக முக்கியமாக லிக்விடிட்டி ரிஸ்க்கை நிர்ணயம் செய்வதில் காரணியாக அமைகிறது. செட்டில்மென்ட் வாய்ப்புகள் பலவகையாக மிகச் சிறப்பாக எக்ஸ்சேஞ்ச்-ல் வகுக்கப்படுவதால் மற்றும் வெளிப்படையாக எல்லோருக்கும் தெரிவதாக இருப்பதால், லிக்விடிட்டி ரிஸ்க் இல்லாமல் இருக்கிறது. 
 
ஆனால், ஃபார்வர்ட் கான்ட்ராக்டில் செட்டில்மென்ட் என்பது பொதுவாக அனைவருக்கும் கிடைக்கக்கூடிய தகவலாக இல்லாமல் மற்றும் அவை பிரத்யோகமாக வாங்குபவருக்கும் விற்பவருக்கு இடையில் ஏற்படுவதால், அநேக நேரங்களில் ஒப்பந்தம் யாராவது ஒருவருக்கு பயனளிக்காமல் போகும்பட்சத்தில் வேறு ஒருவருக்கு மாற்ற முயலும்போது அதுவே மிகப் பெரிய தடங்கலாகிறது.
 
உதாரணம்-1
 
உதாரணமாக, கிட்டு என்ற விவசாயி ஐஆர்-20 வகை நெல்லை சாகுபடி செய்துள்ளார். சரியான நேரத்தில் பருவ மழை பெய்ததின் காரணத்தினால், அவர் விளைச்சல் அமோகமாக இருக்கும் என்று அனுமானிக்கிறார். தன் தேவைக்கு போக மீதம் 200 முட்டை நெல் இருக்கும் என்று எதிர்பார்த்து, அவற்றை நல்ல லாபத்துக்கு விற்க முனைகிறார். இந்தத் தருணத்தில் அவர், கரீம் என்ற அரிசி ஆலை வியாபாரியிடம் 200 முட்டை சாகுபடி செய்த நெல்லை விற்க, ரூ.2,25,000-க்கு ஒப்பந்தம் செய்கிறார்.
 
நெற்பயிரானது அறுவடைக்கு மூன்று வார கால அளவு இருக்கும் தருவாயில் ஆற்றில் ஏற்பட்ட பெருத்த வெள்ளத்தில் அடித்து செல்லப்பட்டதால் அவரால்தான் முன்னர் கூறியவாறு ஜனவரி 16 அன்று கரீமிடம் ஒப்பந்தத்தின்படி ஐஆர்-20 நெல்லை சப்ளை செய்ய முடியவில்லை. வெள்ளத்தின் பாதிப்பிலிருந்து மீண்ட விவசாயி, முடிவில் தன்னுடைய கையிருப்பை பார்க்கும்போது, அவரிடம் மொத்தம் 100 மூட்டைகளே இருப்பது தெரிய வருகிறது. ஆனால், கரீமோ விவசாயியை நம்பியிருந்ததால், விவசாயியை ஒப்பந்தத்தின் மூலம் நிர்பந்தம் செய்கிறார். ஆனால், விவசாயியோ தன்னால் 100 மூட்டைகள்தான் கொடுக்க முடியும் என்ற தருணத்தில், வேறு யாராவது இந்த ஒப்பந்தத்தின் சாராம்சங்களுக்கு ஏற்றவாறு குறிப்பிட்ட நேரத்தில் சப்ளை செய்ய கிடைத்தால், அவர்களிடம் மாற்றிவிடலாம் என்று வெவ்வேறு ஊர்களில் உள்ள விவசாயிகளிடம் கேட்டுப் பார்த்ததில் ஒருவர்கூட ஒப்புக்கொள்ள முன் வரவில்லை.
ஏன் மற்றும் எதனால் ஒரு விவசாயிகூட கிட்டுவை தர்மசங்கடமான ஒப்பந்தத்திலிருந்து மீட்க முன் வரவில்லை? இதைதான் குறிப்பாக, லிக்விடிட்டி ரிஸ்க் என்று சொல்வார்கள். இந்த வகை ரிஸ்க்கால் விவசாயி கிட்டு நஷ்டமடைகிறார். நஷ்டமடைவதற்கான காரணங்கள் மிக மிக ஃபார்வர்ட் ஒப்பந்தத்தில் அதிகமுள்ளதால், அவை யாவை என்பதை பின்வருமாறு தெரிந்துகொள்வோம்.
 
முதலாவதாக, அவரால் நெல் பயிரிட்ட விவசாயியை சந்திக்க முடிந்தது. ஆனால், ஐஆர் 20 வகை நெல் பயிரிட்ட மற்றும் 200 மூட்டைகளை சப்ளை செய்யக்கூடிய விவசாயியை சந்திக்க இயலவில்லை. இந்த நிலையில் கிட்டு இறுதியாக கரீமுடைய நஷ்டத்தை ஈடுகட்டுவதற்கான கட்டாயத்துக்குத் தள்ளப்படுகிறார். 
 
இரண்டாவதாக, அவ்வாறு ஒரு விவசாயி கிடைத்தாலும் அவரால் மேற்கூறிய விலைக்கும் மற்றும் ஒப்பந்தத்தில் கூறிய ஜனவரி 16-ம் தேதிக்கு சப்ளை செய்ய யாரும் கிடைக்கவில்லை.
 
ஆனால், எக்ஸ்சேஞ்ச் டெரிவேட்டிவ் ஒப்பந்தத்தில், இந்த வகையான ரிஸ்க் குறைவோ குறைவு என்று சொல்வதை காட்டிலும், இல்லை என்றே தீர்மானமாக கூறலாம். 
எதனால் எக்ஸ்சேஞ்ச் டெரிவேடிவ் ஒப்பந்தத்தில் லிக்விடிட்டி ரிஸ்க் இல்லை என்பதற்கு அதன் வரையறுக்கப்பட்ட ஒப்பந்த விவரக் குறிப்பு (Contract Specification) ஒன்றேவாகும். ஒப்பந்த விவரக் குறிப்பில் கீழ்க்கண்ட தகவல்களை ஒவ்வொரு எக்ஸ்சேஞ்சும் மிகவும் விளக்கமாக கொடுப்பதால், இந்த வகையான ரிஸ்க் முற்றிலுமாக இல்லாமல் போகிறது.
முதலில், கமாடிட்டி எக்ஸ்சேஞ்ச் டெரிவேட்டிவ் ஒப்பந்தத்தின் விவர குறிப்புகளை  எம்சிஎக்ஸ்-ன்  கோல்ட் ஃப்யூச்சர்ஸ் கான்ட்ராக்ட் மூலம் தெரிந்துகொள்ளலாம்.
 
மேலே எடுத்து கூறப்பட்ட விவர குறிப்பு படி ஒரு ஒப்பந்தத்தின் அளவு 1.கி.கி -995 அளவு தூய்மையான தங்கம் வாங்குபவர் மற்றும் விற்பவருக்கிடையில் ஏற்படுகிறது.
 
உதாரணம்-2
 
உதாரணமாக, சங்கர் என்பவர் 10 கி கி - 995 அளவு தூய்மை தங்கத்தை தனது தேவைக்காக வாங்குவதற்கு எம்சிஎக்ஸ்-ன் அக்டோபர்-2015 10 கோல்ட் ஃப்யூச்சர்ஸ் கான்ராக்ட்களை (லாங்)  வாங்குகிறார். ஆகஸ்ட் மாத கான்ட்ராக்ட்டை வாங்குவது லாபகரமாக இருக்காது என்பதை அறிந்துகொண்டு ஒப்பந்தத்திலிருந்து வெளியேற முடிவு செய்கிறார் சங்கர். ஆகஸ்ட் 16-ம் தேதி அன்று தனது மொத்த கான்ட்ராக்ட்களையும் (Short position) எடுப்பதன் மூலம் எக்ஸ்சேஞ்ச் வாயிலாக மாற்றுகிறார். அவ்வாறு மாற்றும்போது அவருடைய மொத்த கான்ட்ராக்ட்களை மூன்று நபர்கள் வாங்கினர் என்பதை தனது விற்பனை அல்லது சேல் கான்ட்ராக்ட் நோட்டின் மூலம் தெரிந்துகொள்கிறார்.
ஏன் சங்கரால் முடிந்தது விவசாயி கிட்டுவால் முடியவில்லை?
ஒன்று , ஃபார்வர்ட் ஒப்பந்தம் எக்ஸ்சேஞ்ச்சின் டெரிவேட்டிவ் ஒப்பந்தத்தை போல் வரையறுக்கப்படாததாக இருப்பதால், கிட்டுவுக்கு முடியாமல் போனது சங்கரால் முடிந்தது. 
 
உதாரணம்:3
 
விக்னேஷ் என்பவர் ஜூன் 8-ம் தேதி அன்று இந்திய வங்கிகளின் பங்கு விலை ஏறும் என்று அனுமானித்து , 2000 எஸ்பிஐ பங்குகளை வாங்க ரூ .280-க்கு  ஒரு பங்கு என முடிவு செய்ததோடு மட்டுமல்லாமல் , எஸ்பிஐ ஜூலை மாத ஸ்டாக் ஃப்யூச்சர்ஸ் கான்ட்ராக்டில் அன்றே வாங்கி (லாங்கில்)  நுழைகிறார். ஜூலை 13 ம் தேதி, சர்வேதச சந்தைப் போக்கின் மாற்றத்தை கணக்கில் கொண்டு விலை உடனடியாக ஏறாது என்று தீர்மானித்து மற்றும் ஒப்பந்தத்தின் வாயிலாக நஷ்டம் ஏற்படாமல் ஷார்ட் பொசிஷன் எடுப்பதன் மூலம் வெளியேறுகிறார்.
 
 
செட்டில் செய்த அவருடைய கான்ட்ராக்ட் தற்போது இரண்டு வேறு நபர்களால் ஒவ்வொரு காண்ட்ராக்ட்டுக்கு 1000 பங்குகள வீதம் வாங்கப்பட்டிருக்கிறது. இதிலிருந்து நாம் தெரிந்துகொள்வது என்னவென்றால் எக்ஸ்சேஞ்ச்சின் மூலம் போடப்படும் எந்த ஒரு டெரிவேடிவ் ஒப்பந்தமும் எளிதில் மாற்றகூடியது என்பதால் அவ்வகையான ஒப்பந்தங்கள் பங்கெடுப்பவரின் நோக்கதிற்கு  பாதுகாப்பானது மட்டுமல்லாமல் , வரையறுக்கப்பட்ட விவரக் குறிப்பினால் லிக்விடிட்டி  ரிஸ்க் இல்லாமல் இருக்கிறது. 
கீழ்வரும் வாய்ப்புகளில் நாம் எதை தேர்ந்தெடுக்கலாம்?
 
முதல் வாய்ப்பு: 
 
சங்கருக்கு அக்டோபர் 2015-ல் 1.கி.கி தங்கம் அவருடைய சொந்த தேவைக்கு வாங்க நினைக்கிறார். இந்த நிலையில் அவர் தங்களுடைய வீட்டு பெண்மணிகளுக்கு நகை வாங்கித் தரமுடியுமா என நகை வியாபாரியிடம் கேட்டார். உடனே அவர், தரமுடியும் என்றார். இதன்பிறகு மீதா நகைக் கடை உரிமையாளர் ஒரு ஒப்பந்தம் செய்துகொள்ளலாமே என்று கூறியதுடன்ம, இவற்றுக்கு முன்பணம் எதுவும் செலுத்தத் தேவையில்லை என்று கூறினார். கடை உரிமையாளர் சங்கரிடம் ஒரு நல்ல நாள் பார்த்து இதற்கான ஒப்பந்தத்தை நாம் கையெழுத்திட்டு கொள்வோம் என்று கூறினார்.
 
இரண்டாம் வாய்ப்பு:
 
சங்கர் சேமிப்புக் கணக்கு வைத்து இருக்கும் வங்கி மேலாளர் அவருடைய வங்கியில் கணக்கு வைத்து இருக்கும் கஸ்டமர்களுக்கு கமாடிட்டி ட்ரேடிங் செய்ய எதுவாக வசதி வாய்ப்புகள் இருக்கிறது என்று தெரிவித்தார். இந்த நிலையில் ,சங்கர் தன்னுடைய அக்டோபர் மாத கோல்ட் தேவையை கூறியபோது, வங்கி மேலாளர் கமாடிட்டி எக்ஸ்சேஞ்ச் மூலம் தாங்கள் நினைத்த விலையில் கொள்முதல் செய்யலாம் என்று வழிகாட்டினார். அந்தத் தருணத்தில் ,சங்கர் அவர்கள் தனக்கும் மற்றும் நகைக்கடை உரிமையாளரிடம் நடந்த சம்பாசனைகளை விவரித்தோடு, எது சிறந்தது என்று வினவினார். அந்தச் சமயத்தில் வங்கி மேலாளர் எக்ஸ்சேஞ்ச் வாயிலாக வாங்க முயற்சி எடுக்கும்போது தொடக்கத்தில் 5 சதவிகிதம் முன்பணம் மார்ஜினாக அதாவது, தொடக்க மார்ஜின் (Initial margin) செலுத்த வேண்டிய கட்டாயம் உள்ளது என்று சொன்னார். 
இப்படி இருக்கும்போது, நீங்கள் சங்கராக இருந்தால் எந்த வாய்ப்பை தேர்ந்தெடுப்பீர்கள்? இதற்கான சரியான விளக்கத்தை அடுத்த வாரத் தொடரில் விவாதிக்கலாம்.
விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ