Vikatan.com

www.vikatan.com would like to send you push notifications.

Notifications can be turned off anytime from browser settings.

பிசினஸ் எனர்ஜி தரும் தி பாட்டர் ஸ்டோரி!

பர்த்டே என்றாலே முதலில் நினைவுக்கு வருவது கேக்தான். முன்பெல்லாம் வெண்ணிலா, ஸ்டிராபெரி சாக்லேட் என்று சில சாய்ஸ் தான் இருக்கும். இப்போ மெனுகார்டு ரொம்ப பெருசு. விதவிதமா சர்ப்ரைஸ் குடுக்கற மாதிரி கேக் வாங்கறதுதான் இப்போதைய டிரென்ட். போட்டோ கேக், குக்கி கேக், ஃபாண்டன்ட் கேக், கார்ட்டூன் கேக்ஸ், ஐஸ்கிரீம் கேக்ன்னு நிறைய வந்தாச்சு. மார்க்கெட்ல அதோட விலையும் கொஞ்சம் அதிகம். ஹோட்டல் & பெரிய பேக்கரிகள்ள செய்யுற கேக் எல்லாம் உடம்புக்கு நல்லது இல்ல, அதிகப்படியான ப்ரிசர்வேட்டிவ்ஸ் இருக்கும்ன்னு, நீங்க நினைச்சா  வீட்லயே செய்யற அதே சூப்பர் கேக்கை வாங்கிக்கலாம் “தி பாட்டர் ஸ்டோரி” ஆன்லைன் ஷாப்ல!

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
இந்த ஆன்லைன் பேக்கரிய நடத்தறதும் கேக் செய்யறதும் பெரிய குக் எல்லாம் இல்ல! ஸ்டெல்லா மேரிஸ் காலேஜ்’ல  இந்த வருஷம் பாஸ்-அவுட் ஆன  பி.ஏ.எக்கனாமிக்ஸ்  பொண்ணு நஜ்வா மக்பூல்தான்! பிரெண்ட்ஸ், தெரிஞ்சவங்கன்னு மட்டும் இல்லாம கடைக்கு மட்டும் இல்லாம கான்டிவென்டல் ஹோட்டலுக்கே கப் கேக்ஸ் விற்கறாங்க நஜ்வா என்கிற இளம் முதலாளி (பட் உண்மையில உழைப்பாளி பாஸ்)! உயர்தர சாக்லேட், ரெட் வெல்வெட் மட்டுமே பயன்படுத்தும் நஜ்வா, தன் “பாட்டர் ஸ்டோரி”யோட சக்சஸ் ஸ்டோரி சொல்றாங்க!  (The Batter story).
 
 
இப்போது ஒரு தனியார் நிறுவனத்தில் அனலிஸ்ட்டாக வேலை பார்த்துக் கொண்டிருக்கிறார் நஜ்வா.
“இப்போவே இந்த வேலையை விட்டுட்டு நீ முழு நேர பேக்கிங்கில் இறங்கிடு” என்கிறார்களாம் அலுவலக நண்பர்கள். அப்படிப் பட்ட ரீச் இவங்க கேக்.  
 
பிசினஸ் தொடங்கும் எண்ணம் எப்படி வந்தது ?
என் அம்மா கேக் தயாரிப்பாங்க. நானும் என் அக்கா நஃபீஸாவும் அவங்களுக்கு உதவி செய்யும்போது அப்படியே அம்மா கை பக்குவத்திலேயே கேக் செய்ய கத்துகிட்டோம்.  எப்போவாவது நான் செஞ்ச கேக்கை  காலேஜுக்கு  எடுத்துட்டு போகும்போது பிரண்ட்ஸ் எல்லாம் “சூப்பரா இருக்கு! நீ ஏன் பர்த்டேக்கு கேக் செஞ்சு தரக் கூடாது”ன்னு கேப்பாங்க. நான் பெருசா எடுத்துக்கல. ஆனா அவங்க திரும்ப திரும்ப சொல்லி உற்சாகம் கொடுத்தபோது ஏன் தொடங்கக் கூடாதுன்னு நினைச்சேன். வீட்ல எல்லாரும் ஆதரவு குடுத்தாங்க. என் அக்கா எனக்கு ஹெல்ப் பண்ண முன்வந்தாள்.  இந்த வருஷம் ஜனவரில தான் கேக் செய்யறத ஒரு பிசினஸ் மாதிரி ஸ்டார்ட் பண்ணினோம்   கொஞ்சம் கொஞ்சமா ஆரம்பிச்சு இன்னிக்கி எங்க கேக்குக்குன்னே ஸ்பெஷல் கஸ்டமர்கள் இருக்காங்க.  சோ, இப்படி வந்ததுதான் “தி பாட்டர் ஸ்டோரி”!
 
உங்கள் கேக் பற்றி எப்படி விளம்பரம் செய்யறீங்க ?
பேஸ்புக், ஸ்நாப்-சாட் , இன்ஸ்டாகிராம், வாட்ஸ்ஆப் போன்ற சமூக வலைதலங்கள்தான் என்னோட முக்கியமான விளம்பரம். அதிலே நான் செய்கிற கேக்கை எல்லாம் ஃபோட்டோ எடுத்து அப்லோட் பண்ணுவேன்.  எக் -கேக், எக்-லெஸ் கேக், சீஸ் கேக், கப் கேக், மூஸ் கேக், ஜம்போ கேக், ஃபான்டண்ட் கேக் என பல வெரைட்டி உள்ளது. அதை பார்த்துட்டு தெரிஞ்சவங்க அவங்க ஆர்டர்களைத் தருவாங்க. அப்படியே இது புடிச்சு போய் “யார் இந்த பொண்ணு?ன்னு”னு கேட்டு கேட்டு தான் பிசினஸ் டெவலப் ஆகிக்கிட்டிருக்கு. தனியா ஆர்டர் எடுத்து கஸ்டமருக்கு மட்டுமில்லாம ஒரு கான்ட்டிநெண்டல் ரெஸ்டாரன்டுக்கும் ரெகுலரா  சப்ளை செய்றேன். சேத்துப்பட்டு ஹாரிங்டன் ரோடில் உள்ள  "தி குக்கூ க்ளப் டைனா (The cuckoo club dyna) என்கிற ரேஸ்டரன்ட்டிற்கு நான் கப் கேக்குகள் சப்ளை செய்கிறேன்.
 
படிப்பையும் பிசினஸயும் எப்படி மேனேஜ் பண்றீ(ணீ )ங்க ?
இப்போ படிப்பை முடிச்சிட்டதுனால கொஞ்சம் ப்ரெஷர் கம்மி தான். ஆனா காலேஜ் அப்போ,  சில நேரங்கள்ல ஆர்டர்கள் அதிகமா வரும். அதுவும் எக்ஸாம் சமயத்துல ரெகுலர் கஸ்டமர் கேட்டா முடியாதுன்னும் சொல்ல முடியாது. ஒரு ஸ்பெஷல் கேக் செய்ய கொறஞ்சது மூணு மணி நேரமாவது ஆகும். அப்போ எல்லாம் என் தூக்கத்த குறைச்சுகிட்டு வேலை பார்த்ததுண்டு. அப்பப்போ எக்சாம்’ல மார்க்கு குறைஞ்சதும் உண்டு, என அவர் அம்மாவைப் பார்த்து கண் சிமிட்டியவாறு  நமக்கு ஒரு அசால்ட்டு சிரிப்பைத் தட்டி விடுகிறார்.
 
உங்களுடைய மாத டர்ன்-ஓவர் ?
இந்த பிசினஸ நான் ஸ்டார்ட் பண்ணினதே இந்த வருஷம் பிப்ரவரில இருந்து தாங்க. காலேஜ் கல்ச்சுரல்ஸ் மாதிரி ஃபன்க்ஷன்ஸ்’ல மூணு வாட்டி ஸ்டால் போட்டு நல்ல ஹிட் குடுத்துருக்கேன் . மத்தபடி இப்போ, கேக்கோட ப்ளேவர்/ அளவு  பொருத்து ரேட் இருக்கும். ஆனால் எனக்கு 100% ப்ராபிட் இருக்கும் என் பிசினஸில். ஒரு கப் கேக்கை கடைக்கு சப்பளை செய்யும் போது, அதன் விலை 30 முதல் 40 வரை இருக்கும். செய்வதற்கு ஆகும் செலவு ருபாய் 15-20 வரை. சோ, அது லேபர் சார்ஜ் என கண் சிமிட்டுகிறார். கடைக்காரர் அவருக்கு ஒரு விலையை வைத்துக் கொள்வார்.  நிறைய பேர் அவர்கள் கேக்குகள் நீண்ட நாட்கள் கடையில் தங்குவதற்காக ப்ராஸ்ட்டிங் செய்வார்கள். நான் அதை செய்வதில்லை. ரெட் வெல்வட் கேக் 1 கிலோ ரூ.600-700ற்கும், சாக்லேட் கேக் ரூ.700-800ற்கும் விற்கும். இந்த மாசம் ஒரே நாளில் 5 ஆயிரம் ரூபாய்க்கான ஆர்டர் ஒன்று உள்ளது. சில மாதங்கள் குறைவாக இருக்கும். ஆவரேஜா 5-10 ஆயிரம் வரைன்னு சொல்லலாம்.
 
மிகவும் சந்தோஷப்பட்ட தருணம் ?
எனக்கு ஜாரில் அடைக்கப் பட்டிருக்கும் உணவுப் பொருட்கள் என்றாலே ஒரு தனி காதல். அதனால் ஜார்  கேக் செய்ய பிடிக்கும். சீஸ் வைத்து செய்த முதல் ஜார் கேக் ஆவ்-ஸமா  வந்துது. அதை நான் வெளிநாட்டுல இருக்கற என் அப்பா கிட்ட  காட்டி ரொம்ப சந்தோஷப்பட்டேன்.
 
உங்க பிசினஸ எக்ஸ்பேன்ட் பண்ற ஐடியா ? 
இப்போவே நான் போற ஆபிஸ்ல’ எல்லாரும் வேலைய விட்டுட்டு கேக் பிசினஸ்ல இறங்கிடுங்கறாங்க. இன்னும் நான்  வேலைக்கு சேர்ந்து ஒரு மாச சம்பளம் கூட வாங்கலப்பா! ஒரு 6,7  மாசம் போல வேலைப் பார்த்துட்டு, அப்புறம் அந்தக் காசை வெச்சு ஒரு சொந்த பேக்கரி ஆரம்பிக்கலாம்னு ஒரு மாஸ்டர்-பிளான் இருக்கு. 
நஜ்வாவோட ஒரு ப்ரெண்ட்லி டாக்...
பேக் பண்ணிட்டு பாத்திரத்தை அப்படியே போட்டுவிட்டு போய்டுவோம். அம்மா தான் அதை வாஷ் செய்வார். அதனாலேயே 50% ப்ராபிட் அவர் எடுத்துக் கொள்கிறார் என அம்மாவை  செல்லப் பார்வை பார்க்கிறார்.  புதிதாக பிசினஸ் ஸ்டார்ட் பண்றவங்களுக்கு ஒன்னு சொல்லணும். “ரிஸ்க் எடுக்க தயாரா இருங்க. எல்லா நாளும் நல்லா இருக்கும்’னு சொல்ல முடியாது. ஒரு மாசம் சரியாப் போகலைன்னு சொர்ந்துட்டா அடுத்த மாசம் நல்லா வொர்க் பண்ண முடியாது.”
 
மு.சித்தார்த், தா.நந்திதா. (மாணவப் பத்திரிகையாளர்கள்)
படங்கள் :  அஷோக் குமார்.டி 
 
விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ