Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஐ.பி.ஓ. தரக் குறியீடு

புதுசா ஐ.பி.ஐ. வர்ற நிறுவனங்களைப்பத்தி முதலீட்டாளர்கள் தெரிஞ்சுக்கணும்ங்குறதுக்காக, செபி சில கட்டுப்பாடுகள் வச்சிருக்கு. அதாவது இந்த மாதிரி கம்பெனி-களோட தரத்தை அலசி ஆராயவே சில நிறுவனங்கள் இருக்கு.

அவங்ககிட்ட, ஐ.பி.ஓ-க்கு வர்ற ஒவ்-வொரு நிறுவனமும் கட்டாயம் தரக்குறியீடு வாங்கியாகணும். இந்த தரக்குறியீட்டை வச்சு நாம ஓரளவுக்கு அந்த நிறு-வனத்தைப்பத்தி முடிவுக்கு வரமுடியும்.

இந்த தரக் குறியீடு, க்ரைசில், இக்ரா, கேர், ஃபிட்ச் போன்ற நிறுவனங்களால வழங்கப்படுது. மொத்தம் 5 மார்க். அதுல ஒவ்வொரு நிறுவனமும் எவ்வளவு மார்க் வாங்குதுங்குறதைப் பொறுத்து அதோட தரத்தை முடிவு செஞ்சுக்கலாம்.

1 / 5- ஃபெயில் மார்க். அடிப்படையே சரியில்லாத கம்பெனின்னு அர்த்தம்.

2 / 5- தத்தி தத்தி நடக்குற வகை. சராசரிக்கும் கம்மியா அடிப்படை கொண்ட நிறுவனம்.

3 / 5- ஓகே. பரவாயில்லை ரகம். சராசரியான அடிப்படை கொண்ட நிறுவனம்.

4 / 5- குட். இந்த வகை கம்பெனிக்கு சராசரிக்கு மேலான அடிப்படை இருக்குன்னு அர்த்தம்.

5 / 5- வெரிகுட். அடிப்படை வலிமையான நிறுவனம்.

ஒரு முக்கியமான விஷயம்.. இந்த தரக் குறியீடுங்குறது ஒரு நிறுவனம் அடிப்படையா நல்லாயிருக்கா, இல்லை-யாங்குறதைப் பத்தினது மட்டும்-தான். நிறுவனம் நல்லா-யிருந்தா, அதோட வளர்ச்சி நல்லா-யிருக்கும், அதன்மூலமா அந்த நிறு-வனத்தோட பங்கு விலை ஏறி, பணம் போட்டவங்களுக்கு லாபம் தரும்.. அப்படிங்குறதுதான் இந்த தரக்-குறியீட்டைப் பார்க்குறதுக்கான நோக்-கம். ஆனால், இந்த குறியீட்டுக்கும், ஐ.பி.ஓ-வுக்கு வர்ற நிறுவனத்தோட பங்கு விலைக்கும் நேரடி சம்பந்தம் எதுவும் இல்லைங்குறதைப் புரிஞ்சுக்கணும். ஐ.பி.ஓ-க்கு வந்த பின்னாடி அந்த நிறுவனத்தோட பங்கு விலைங்குறது, அதோட எதிர்காலச் செயல்பாடுகளைப் பொறுத்துதான் இருக்கு.

(நாணயம் விகடன் எல்.கே.ஜி இணைப்பு புத்தகத்தில் இருந்து)
 

உங்கள் கருத்தைப் பதிவு செய்யுங்கள்

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP
Advertisement
Advertisement

MUST READ

Advertisement
Advertisement
[X] Close