Vikatan.com

www.vikatan.com would like to send you push notifications.

Notifications can be turned off anytime from browser settings.

மியூச்சுவல் ஃபண்ட் வகை : செக்டோரல் ஃபண்டுகள்..!

இந்த ஃபண்டோட முதலீட்டு ஸ்டைல் என்ன தெரியுமா? குறிப்பிட்ட ஒரு துறையில இருக்குற நிறுவனங்களோட பங்குகள்ல மட்டுமே முதலீடு செய்யறதுதான்!

ஆனா, ரிஸ்க் அதிகம்.. வருமானமும் அதிகம்! மருந்துப் பொருட்கள் தயாரிக்கிற நிறுவனப் பங்குகள்ல முதலீடு செய்யற 'ஃபார்மா ஃபண்ட்', பெட்ரோலியத் துறை நிறுவனங்களா பார்த்துத் தேர்ந்தெடுத்து முதலீடு செய்யற 'பெட்ரோ ஃபண்ட்', கம்ப்-யூட்டர் சாஃப்ட்வேர், ஹார்டுவேர் மாதிரி-யான ஐ.டி. நிறுவனப் பங்குகளைத் தேர்வு செய்து முதலீடு செய்யும் 'டெக்னாலஜி ஃபண்ட்', வங்கிப் பங்குகள்ல மட்டுமே முதலீடு செய்யக்-கூடிய 'பேங்க்கிங் ஃபண்ட்', ஃபாஸ்ட் மூவிங் கன்ஸ்-யூமர் குட்ஸ்'னு சொல்லப்படுற 'நுகர்வோர் பொருட்கள்' நிறுவனப் பங்குகள்ல முதலீடு செய்யற 'எஃப்.எம்.சி.ஜி. ஃபண்ட்...' இப்படி நிறைய இருக்கு.

எல்லாத்துக்கும் பெயர் செக்டோரல் ஃபண்டு-தான்.

ஒரு குறிப்பிட்ட துறை நல்ல வளர்ச்சிப் பாதையில இருக்கும்போது இந்த வகை ஃபண்டுகளைக் கொண்டு வருவாங்க.

அதே துறை டல்லடிக்க ஆரம்பிச்சிடுச்சுன்னா போட்ட பணத்தை எடுக்கவேண்டிய நேரம் வந்தாச்சுனு அர்த்தம். இந்த செக்டோரல் ஃபண்டுகள்ல முதலீடு செய்யறவங்க, சம்பந்தப்பட்ட துறையைத் தொடர்ந்து நல்லா கவனிச்சுக்கிட்டே வரணும். மியூச்சுவல் ஃபண்டுல நல்ல ஞானம் கிடைக்கிற வரைக்கும் இந்த ஃபண்டுல இருந்து ஒதுங்கியிருக்கறது நல்லது.

யாருக்கு ஏற்றது?:

ரிஸ்க் எடுக்கத் தயாராக இருப்பவர்களுக்கு.

 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ