Vikatan.com

www.vikatan.com would like to send you push notifications.

Notifications can be turned off anytime from browser settings.

மியூச்சுவல் ஃபண்ட் வகை : பாண்டு ஃபண்ட்கள்...!


பெரும்பாலான தொகையை பாண்டுகள்ல முதலீடு செய்யற ஃபண்ட் வகை இது. ரிஸ்க் கிட்டத்தட்ட இல்லைன்னே சொல்லிடலாம். அதேசமயம் வருமானமும் சுமாராத்தான் இருக்கும்.

கில்ட் ஃபண்டு..!

அரசின் கடன் பத்திரங்கள்ல மட்டுமே முதலீடு செய்யற திட்டம் இது! ரிஸ்க் குறைவுங்கிறதால, வருமானமும் குறைவுதான்.

இன்கம் ஃபண்டு..!

இதுவும் கடன் பத்திரங்கள்ல முதலீடு செய்யற திட்டம்தான். கில்ட் ஃபண்டுக்கும், இதுக்கும் உள்ள ஒரே வித்தியாசம், அதுல பணத்தை அரசாங்க கடன் பத்திரங்கள்ல மட்டும் போடுவாங்க... இன்கம் ஃபண்டுல தனியார் கடன் பத்திரங்கள்லயும் முதலீடு பண்ணுவாங்க.

சிறப்பு வகை ஃபண்ட்கள்..!

சிறப்புத் தன்மைகளைக் கொண்ட பல மியூச்சுவல் ஃபண்ட் திட்டங்கள் இருக்கு. அதுல எக்ஸ்சேஞ்ச் டிரேடட் ஃபண்ட், பிக்ஸட் மெச்சூரிட்டி பிளான், மன்த்லி இன்கம் பிளான், ரியல் எஸ்டேட் ஃபண்டுகள், ஃபண்ட் ஆஃப் ஃபண்டுகள் இதெல்லாம் முக்கியமான ஃபண்டுகள்தான். அதை ஒவ்வொண்ணாப் பார்க்கலாம்.

எக்ஸ்சேஞ்ச் டிரேடட் ஃபண்ட்


இதுக்கு முன்னாடி பார்த்தோமே, இண்டெக்ஸ் ஃபண்ட்... அதே மாதிரிதான் இந்த ஃபண்டும். ஆனா இந்த ஃபண்டோட யூனிட்டுகள், வர்த்தகமாகற முறையிலதான் வித்தியாசப்படுது. வழக்கமா மியூச்சுவல் ஃபண்ட் திட்டங்கள்ல யூனிட்களை விற்கிறதா இருந்தாலும், வாங்கறதா இருந்தாலும் அந்தத் திட்டத்தை நடத்துற நிறுவனங்களைத்தான் தேடிப்போகணும்.

ஆனா, இந்தத் திட்டத்தோட யூனிட்டுகளை என்.எஃப்.ஓ-வுக்குப் பிறகு பங்குச் சந்தையிலேயே நேரடியாக வாங்கலாம் அல்லது விற்கலாம்! ஒரே ஒரு யூனிட் கூட வாங்கலாம்ங்கிறது இதனோட ஸ்பெஷாலிட்டி. பங்குச் சந்தையோட செயல்பாட்டுக்கு ஏத்த மாதிரி இதோட வருமானம் இருக்கும்.

மத்த சில ஃபண்டுகளை விட இதைப் பணமாக்குறது சுலபம். ஐ.சி.ஐ.சி.ஐ. புரூடென்ஷியல் மியூச்சுவல் ஃபண்ட் நிறுவனத்தின் ஸ்பைஸ் திட்டம் இ.டி.எஃப். வகையைச் சேர்ந்தது. இது சென்செக்ஸ் குறியீட்டை அடிப்படையாகக் கொண்டது. யூ.டி.ஐ. மியூச்சுவல் ஃபண்டின் 'சுந்தர் திட்டம்', நிஃப்டி குறியீட்டை அடிப்படையாகக் கொண்டது.

யாருக்கு ஏற்றது?:

புதிய முதலீட்டாளர்களுக்கு.

 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ