Vikatan.com

www.vikatan.com would like to send you push notifications.

Notifications can be turned off anytime from browser settings.

வீட்டுக் கடன் வாங்கியேதான் தீர வேண்டுமா?

ஊர் முழுக்க நாம சுத்தித் திரிஞ்சாலும் நினைப்பு மட்டும் எப்பவும் வீட்டைச் சுத்தியேதான் இருக்கும். எங்க போனாலும், எவ்வளவு சம்பாதிச்சாலும் கடைசியா வீட்டுக்கு வந்து சேர்ந்தாதான் நிம்மதி. வீடுங்கிறது வாழ்க்கையோட அங்கம். அந்த அளவுக்கு வீட்டை நாம நேசிக்கிறோம். அதனாலதான் சொந்த வீடுங்கிறது எல்லோருடைய கனவாக இருக்கிறது.

ஆனா, இப்போ இருக்கிற நிலைமையில ஒரு சாதாரண நடுத்தர வர்க்கக் குடும்பம் வாங்குற அளவுக்கா வீட்டோட விலை இருக்கு..? யானை விலை, குதிரை விலையைக் கூட உதாரணம் சொல்ல முடியாத அளவுக்கு விலை எகிறிக் கிடக்கு. வாடகை வேற ஒவ்வொரு வருஷமும் தாறுமாறா ஏறுது. கொஞ்சம், கொஞ்சமா பணத்தைச் சேர்த்து சொந்தமா ஒரு வீடு வாங்கலாம்னா, பிராக்டிக்-கலா அதுவும் முடியலை. ஏறிக்கிட்டே போற விலைவாசியில எங்கே-யிருந்து சேர்த்து வைக்கிறது? மொத்தமா பணத்தைப் போட்டு வீட்டை வாங்குறது! பிறகு எப்படித்தான் கனவை நிறைவேத்தறது? கடன்தான். வீட்டுக் -கடன்தான்!

வீட்டுக் கடன் தப்பில்லை!

‘மொத்தப் பணத்தையும் சேர்த்தப் பிறகுதான் வீடு வாங்குவேன்’னு நினைச்சிருந்தா இன்னைக்குச் சொந்த வீட்டுல இருக்குறதுல பெரும்பாலானோர் வாடகை வீட்டுலதான் இருந்திருக்கணும். யாரும் பணத்தைக் கையில வச்சுகிட்டு எதையும் ஆரம்பிக்கிறதில்லை. சரியான நோக்கம், திட்டமிடல்... இது இருந்தா கடன் வாங்குறதுல தப்பு இல்லை.

வீட்டுக் கடனும் அப்படித்தான்! இப்போதைக்கு சுலப வழி இது ஒண்ணுதான்.

கடன் வாங்கும் முன்பு ஒரு நிமிஷம்...

வீட்டுக் கடன் வாங்குறதுக்கு முன்னாடி சில அவசியமான, அடிப்படை விஷயங்களைத் தெரிஞ்சுக்கணும். அதாவது, வேற ஏதாவது தனிநபர் கடன், நகைக் கடன், கிரெடிட் கார்டு கடன்னு இருந்தா அதையெல்லாம் அடைச்சிட்டு வீட்டுக் கடன் பக்கம் வர்றது நல்லது. அப்பத்தான் கடன்ல வாங்குன வீட்டுல நிம்மதியா வாழமுடியும். மேலும் கிடைக்கும் கடன் அதிகரிக்க வாய்ப்புள்ளது.

வீட்டோட மதிப்புக்கு 100% கடன் தர்றாங்கன்னா, ‘சிக்கிட்டாய்ங்-கடா’ன்னு நினைச்சு பூராத்தையும் வாங்கிடக்கூடாது. அது வட்டிச் செலவை அதிக-மாக்கிடும். அப்புறம், முத்திரைத்தாள் கட்டணம், கடனுக்கான இன்ஷூரன்ஸ் எடுக்கும்போது கூடுதல் செலவுன்னு வரிசையா செலவுகள் வந்து நிக்கும். அதனால நம்மோட வருமானம், தேவை இதுக்குத் தகுந்தமாதிரி கடன் வாங்கணும்.

வீட்டுக் கடனுக்கான வட்டி விகிதம் 1995-வது வருஷத்துல 17 சதவிகிதமா இருந்துச்சு. அது இடையில 7.5 வரைக்கும் குறைஞ்சு, இப்போ 10 முதல் 12.5 சதவிகிதம்ங்கிற அளவுல இருக்குது. பத்து வருஷத்துக்கு முன்னாடி இருந்ததைவிட, இப்போ கடனுக்குக் கட்ட வேண்டிய மாதத் தவணை குறைஞ்சிருக்கு. 17% வட்டி இருந்தக் காலத்துல 10 லட்ச ரூபாய் கடனை 15 வருஷத்-துல திருப்பிக் கட்டுறதா இருந்தா... மாதத் தவணை 15,390 ரூபாய். இதுவே 11% வட்டின்னா, மாதத் தவணை 11,370 ரூபாய்தான்.

(நாணயம் விகடன் எல்.கே.ஜி. இணைப்பு புத்தகத்திலிருந்து..!)
 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

MUST READ