ஆரோக்கியம், குடும்பம்: உடல் நலம் சீராக இருந்து வரும். குடும்ப நலம் திருப்தி தரும். மக்களால் மன மகிழ்ச்சி கூடும். வாழ்க்கைத்துணைவரால் அனுகூலம் உண்டாகும். உடன் பிறந்தவர்கள் உதவுவார்கள். பெற்றோரால் நலம் கூடும். டிசம்பர் 9-ஆம் தேதி முதல் மக்கள் நலம் கவனிக்கப்பட வேண்டிவரும். குடும்பத்தில் சலசலப்பு உண்டாகும். குடும்பத்தை விட்டுப் பிரிந்து வாழவேண்டிய நிலை சிலருக்கு ஏற்படும்.

பொருளாதார நிலை: டிசம்பர் 9 வரையிலும் குரு 11-ல் இருப்பதால் பொருளாதார சுபிட்சம் உண்டாகும். அதன் பிறகு குரு 12-ஆமிடம் மாறுவதால் பொருள்வரவு குறைந்து செலவுகள் கூடும். கொடுக்கல்-வாங்கலில் விழிப்புத் தேவை. ஸ்பெகுலேஷன் துறைகளைத் தவிர்ப்பது நல்லது.

நிலபுலங்கள்: சுக்கிரன் பலத்தால் சொத்துக்கள் சேரும். சொத்துக்களால் வருவாயும் கிடைத்து வரும். 12-ல் உள்ள ராகுவுக்குப் பிரீதி செய்வது நல்லது.

தொழில்: வியாபாரத்தில் வளர்ச்சி காண வழிபிறக்கும். கலைஞர்கள் சுபிட்சம் காண்பார்கள். ஜோதிடம், ஆன்மிகம், மாந்திரீகம் போன்ற துறைகளைச் சேர்ந்தவர்கள் வளர்ச்சி காண்பார்கள். உத்தியோகஸ்தர்களது நிலை உயரும். மருத்துவர்கள் புகழ் பெறுவார்கள். விஞ்ஞானிகளுக்கு வரவேற்பு கூடும். அரசியல், நிர்வாகம் போன்ற துறைகளைச் சேர்ந்தவர்கள் தங்கள் நிலை உயரப் பெறுவார்கள். டிசம்பர் 9-ஆம் தேதி முதல் உத்தியோகஸ்தர்களும் ஆசிரியர்களும் பொறுப்புடன் காரியமாற்றுவது அவசியமாகும். பண நடமாட்டமுள்ள இனங்களில் தொடர்பு கொண்டு தொழில் புரிபவர்களுக்குப் பிரச்னைகள் கூடும். போக்குவரத்துச் சாதனங்களில் தொழில் புரிபவர்களுக்குச் சோதனைகள் சூழும். ஏற்றுமதி- இறக்குமதி இனங்களைச் சேர்ந்தவர்கள் நஷ்டப்பட நேரலாம்; விழிப்புத் தேவை.

மாணவர்களுக்கு: குரு பலத்தால் முன்னேற்றமான சூழ்நிலை நிலவி வரும்.

மாதர்களுக்கு: சிறுசிறு சங்கடங்கள் ஏற்பட்டு விலகும். சனிக்கும் ராகுவுக்கும் பிரீதி, பரிகாரங்களைச் செய்வது நல்லது.

அதிர்ஷ்டக் குறிப்புக்கள்:

திசைகள்: தென்கிழக்கு, வடக்கு, வடகிழக்கு, வடமேற்கு.

நிறங்கள்: பச்சை, வெண்மை, நீலம், மெரூன்.

எண்கள்: 3, 5, 6, 7.

தெய்வம்: மகாலட்சுமி, மகாவிஷ்ணு, ஆஞ்சநேயர்.

பரிகாரம்: சனிக்கிழமை ராகு காலத்தில் துர்க்கையை வழிபடவும். உளுந்து தானம் கொடுப்பது நல்லது. டிசம்பர் 9-ஆம் தேதி முதல் குருப் பிரீதி செய்யவும்.