ஆரோக்கியம், குடும்பம்: நரம்பு சம்பந்தப்பட்ட உபாதைகள் ஏற்படும். வாயு உபத்திரவம் உண்டாகும். குடும்பத்தில் அமைதி காண அரும்பாடுபட வேண்டிவரும். குடும்பத்தை விட்டுப் பிரிந்திருக்கவும் நேரலாம். உடன் பிறந்தவர்கள் ஓரளவு உதவுவார்கள். கணவன் மனைவி உறவு நிலை சீராக இராது. மக்கள் நலனில் கவனம் தேவைப்படும். வேலையாட்களால் தொல்லைகள் கூடும். நெருங்கிய நண்பர்கள் உதவுவார்கள்.

பொருளாதார நிலை: சாதாரணமாகவே காணப்படும். அதிர்ஷ்ட வாய்ப்புக்களை எண்ணி ஏமாற வேண்டாம். உழைப்புக்குப் பின்வாங்காமல் கடுமையாகப் பாடுபடுபவர்களுக்கு ஓரளவு பயன் கிடைத்து வரும்.

நிலபுலங்கள்: செவ்வாய் வலுத்திருப்பதாலும், 4-ஆம் இடத்தைக் குரு பார்ப்பதாலும் சொத்துக்கள் சேரும். சொத்துக்களால் ஆதாயமும் கிடைத்து வரும்.

தொழில்: கலைத்துறைகளைச் சேர்ந்தவர்கள் வெற்றி நடைபோடுவார்கள். இயந்திரப் பணிகள் லாபம் தரும். இஞ்சினீயர்களது நிலை உயரும். தொழிலாளர்கள் அதிகம் பாடுபட வேண்டிவரும். உத்தியோகஸ்தர்களுக்கு முன்னேற்றம் தடைப்படும். விரும்பத்தகாத இடமாற்றம், நிலைமாற்றம் ஆகியவை ஏற்படும். செய்து வரும் தொழில் எதுவானாலும் அதில் முழு அக்கறை செலுத்தி, அயராது பாடுபட்டால்தான் ஓரளவாவது வளர்ச்சி காணமுடியும். புதிய தொழில் துறைகளில் ஈடுபட இந்த நேரம் சிறப்பானதாகாது.

மாணவர்களுக்கு: அளவோடு வளர்ச்சி தெரியவரும். படிப்பில் முழு அக்கறை தேவை.

மாதர்களுக்கு: 7-ல் கேது இருப்பது குறையாகும். இதனால் சங்கடங்கள் சூழும். பக்குவமாகச் சமாளிப்பது நல்லது. விநாயகரை வழிபடவும். கணவரிடம் கோபப்படாமல் சுமுகமாகப் பேசிப் பழகுவது நல்லது. வேலைக்குச் செல்லும் பெண்களுக்கும் சோதனையான நேரமிது; விழிப்புத் தேவை.

அதிர்ஷ்டக் குறிப்புக்கள்:

திசைகள்: வடக்கு, தென்கிழக்கு.

நிறங்கள்: பச்சை, இளநீலம், சாம்பல் நிறம்.

எண்கள்: 5, 6.

தெய்வம்: மகாலட்சுமி, மகாவிஷ்ணு.

பரிகாரம்: ராகு, கேதுவுக்காக, சர்ப்ப சாந்தி செய்வது நல்லது. துர்க்கையையும், விநாயகரையும் வழிபடவும்.