ஆரோக்கியம், குடும்பம்: உடல் நலம் சீராக இருந்து வரும். ஏப்ரல் 30-ஆம் தேதி முதல் உணவுப் பழக்கத்தில் கட்டுப்பாடு தேவை. டிசம்பர் 9 முதல் மறைமுக நோய்நொடி உபாதைகள் ஏற்படும். குடும்ப நலனில் கவனம் தேவை. மக்களாலும் வாழ்க்கைத்துணைவராலும் வேலையாட்களாலும் அனுகூலம் உண்டாகும். டிசம்பர் 9 முதல் மக்களாலும் வாழ்க்கைத்துணைவராலும் மன அமைதி குறையும்.

பொருளாதார நிலை: குரு பலம் இருப்பதால் பண வரவு கூடும். திடீர் அதிர்ஷ்ட வாய்ப்புக்களும் கூடிவரும். கொடுக்கல்-வாங்கல், ஸ்பெகுலேஷன் துறைகள் லாபம் தரும். புதிய துறைகளில் முதலீடு செய்யலாம். டிசம்பர் 9 முதல் குரு 8-ஆமிடம் மாறுவதால் பண நடமாட்டம் குறையும். பொருளாதாரப் பிரச்னைகளும் ஏற்படும். புதிய துறைகளில் அதிகம் முதலீடு செய்யவேண்டாம். கைப்பொருளைப் பத்திரப்படுத்தி வைத்துக் கொள்வது நல்லது.

நிலபுலங்கள்: சொத்துக்கள் சேரும். சொத்துக்களால் ஆதாயமும் கிடைத்து வரும். ஏப்ரல் 30 முதல் 8-ல் உள்ள ராகுவுக்குப் பிரீதி செய்வது நல்லது.

தொழில்: செய்து வரும் தொழிலில் அபிவிருத்தி காணலாம். பதவி உயர்வு, இடமாற்றம், ஊதிய உயர்வு ஆகியவை கிடைக்கும். உத்தியோகஸ்தர்களும் தொழிலாளர்களும் சுபிட்சம் காண்பார்கள். வெளிநாட்டுத் தொடர்புடன் தொழில் புரிபவர்கள் விழிப்புடன் இருப்பது நல்லது. டிசம்பர் 9 முதல் தொழில் ரீதியான பிரச்னைகள் ஏற்படும். பக்குவமாகச் சமாளிப்பது நல்லது. விரும்பத்தகாத இடமாற்றம், நிலைமாற்றம் ஆகியவை ஏற்படும்.

மாணவர்களுக்கு: குரு பலத்தால் புத்திசாலித்தனம் பளிச்சிடும். வெற்றி வாய்ப்புக்கள் கூடும். டிசம்பர் 9 முதல் குரு பலம் குறைவதால் படிப்பில் முழுக்கவனம் செலுத்துவது அவசியமாகும். கெட்டவர்களின் தொடர்பு கூடாது.

மாதர்களுக்கு: முக்கியமான எண்ணங்கள் ஈடேறும். சுப காரியங்கள் நிகழும். வேலைக்குச் செல்லும் மாதர்கள் முன்னேற்றமான சூழ்நிலையைக் காண்பார்கள்.

அதிர்ஷ்டக் குறிப்புக்கள்:

திசைகள்: வடக்கு, தென்கிழக்கு, வடகிழக்கு, மேற்கு.

நிறங்கள்: வெண்மை, இளநீலம், கரு நீலம், பொன் நிறம், பச்சை, சாம்பல் நிறம்.

எண்கள்: 3, 5, 6, 8.

தெய்வம்: திருமால், மகாலட்சுமி.

பரிகாரம்: ராகுவுக்காகத் துர்க்கையையும், கேதுவுக்காக விநாயகரையும் தினமும் வழிபடுவது நல்லது.