ஆரோக்கியம், குடும்பம்: வயிறு சம்பந்தப்பட்ட உபாதைகள் ஏற்படும். பெண்களுக்குக் கர்ப்பக் கோளாறுகள் உண்டாகும். குடும்ப நலம் சீராகவே இருந்து வரும். நண்பர்களும் உறவினர்களும் உதவுவார்கள். மக்கள் நலனில் கவனம் தேவை. பிற மொழி, மதக்காரர்கள் உதவுவார்கள்.

பொருளாதாரநிலை: பண வரவு சாதாரணமாகவே இருந்து வரும். ஸ்பெகுலேஷன் துறைகளில் ஈடுபட வேண்டாம். டிசம்பர் 9-ஆம் தேதி முதல் குரு 11-ஆமிடம் மாறி, ராகுவுடன் கூடுவதால் பணவரவு கூடும். திடீர் அதிர்ஷ்ட வாய்ப்புக்களும் கூடிவரும்.

நிலபுலங்கள்: டிசம்பர் 9-ஆம் தேதிக்குள் சொத்துக்கள் சேரும். சொத்துக்களால் ஆதாயமும் கிடைக்கும்.

தொழில்: கலைஞர்களுக்கு வரவேற்பு கூடும். தொழிலாளர்கள் வளர்ச்சி காண்பார்கள். விவசாயிகளுக்கு லாபம் கூடும். வெளிநாட்டுத் தொடர்புடன் தொழில் புரிபவர்கள் ஆதாயம் கூடப் பெறுவார்கள். போக்குவரத்துச் சாதனங்களால் அனுகூலம் உண்டாகும். தோல் பொருட்கள் லாபம் தரும். ஏற்றுமதி-இறக்குமதி இனங்களில் வளர்ச்சி காணலாம். டிசம்பர் 9-ஆம் தேதி முதல் உத்தியோகஸ்தர்களுக்கும் ஆசிரியர்களுக்கும் முன்னேற்றமான பாதை தெரியவரும். சமுதாய நலப்பணிகளில் ஈடுபாடு உள்ளவர்கள் வரவேற்பு கூடப் பெறுவார்கள். தோட்டங்கள், சுரங்கங்கள், ஆலைகள், தொழிற்சாலைகள் ஆகியவற்றில் பணிபுரிபவர்கள் விசேடமான நன்மைகளைப் பெறுவார்கள்.

மாணவர்களுக்கு: முன்னேற்றமான சூழ்நிலை உருவாகும்.

மாதர்களுக்கு: மன உற்சாகம் கூடும். சுப காரியங்கள் நிகழும். கேளிக்கை, உல்லாசங்களில் ஈடுபாடு அதிகரிக்கும்.

அதிர்ஷ்டக் குறிப்புக்கள்:

திசைகள்: வடகிழக்கு, தென்கிழக்கு, தென்மேற்கு, தெற்கு.

நிறங்கள்: பொன் நிறம், வெண்மை, நீலம், .கறுப்பு.

எண்கள்: 3, 4, 6, 8.

தெய்வம்: முருகன், சிவன்.

பரிகாரம்: கேதுவுக்குப் பிரீதியாக விநாயகரை வழிபடவும். கணபதி ஜப, ஹோமம் செய்வது நல்லது. தினமும் காலையில் சிறிது நேரம் த்யானம் செய்வதன் மூலம் மன அமைதி காணலாம்.