ஆரோக்கியம், குடும்பம்: உடல் நலம் சீராகவே இருந்து வரும். குடும்பத்தில் அமைதி காண்பது அரிது. மக்களாலும், வாழ்க்கைத்துணைவராலும், தந்தையாலும் அளவோடு நலம் உண்டாகும். முக்கியஸ்தர்கள் உங்களுக்கு உதவுவார்கள். நண்பர்களாலும் உறவினர்களாலும் ஓரளவு அனுகூலம் உண்டாகும்.

பொருளாதார நிலை: பண வரவு சாதாரணமாகவே இருந்து வரும். கொடுக்கல்-வாங்கலில் விழிப்புத் தேவை. டிசம்பர் 9-ஆம் தேதி முதல் குரு 2-ஆமிடம் மாறுவதால் பண வரவு கூடும். அதிர்ஷ்ட வாய்ப்புக்களும் கூடிவரும். புதிய துறைகளில் முதலீடு செய்ய வாய்ப்புக் கூடிவரும்.

நிலபுலங்கள்: 4-ஆம் வீட்டோன் குரு சொந்த வீட்டில் இருப்பதால் நிலபுலங்களின் சேர்க்கையோ, அவற்றால் ஆதாயமோ கிடைத்து வரும். ஆகஸ்ட் 9 முதல் நவம்பர் 6 வரையிலும் உள்ள காலத்தில் புதிய சொத்துக்கள் சேரும்.
மார்ச் 7-ம் தேதிக்குப் பிறகும் செவ்வாய் பலம் காரணமாக சொத்துக்கள் சம்பந்தப்பட்ட காரியங்கள் ஈடேறும்.

தொழில்: கலைஞர்களது நிலை உயரும். அரசாங்கத்தில் பணிபுரிபவர்கள், அரசியல்வாதிகள், மருத்துவர்கள் ஆகியோர் தங்கள் எண்ணம் ஈடேறப் பெறுவார்கள். வெளிநாட்டுத் தொடர்புடன் தொழில் புரிபவர்கள் விழிப்புடன் இருப்பது நல்லது. தொழிலாளர்களுக்கும் விவசாயிகளுக்கும் ஓரளவு நலம் உண்டாகும். டிசம்பர் 9-ஆம் தேதி முதல் செய்தொழிலில் விசேடமான வளர்ச்சியைக் காணலாம். உத்தியோகஸ்தர்களது நிலை உயரும். பொருளாதாரம் சம்பந்தப்பட்ட இனங்களைச் சேர்ந்தவர்கள் வளர்ச்சி காண்பார்கள்.

மாணவர்களுக்கு: முன்னேற்றமான சூழ்நிலை நிலவிவரும். டிசம்பர் 9 முதல் வெற்றி வாய்ப்புக்கள் கூடும்.

மாதர்களுக்கு: மன உற்சாகம் கூடும். புதிய ஆடை, அணிமணிகள் சேரும். கேளிக்கை, உல்லாசங்களிலும்; விருந்து, உபசாரங்களிலும் கலந்து கொள்வீர்கள். வேலைக்குச் செல்லும் மாதர்கள் பதவிச் சிறப்புப் பெறுவார்கள்.

அதிர்ஷ்டக் குறிப்புக்கள்:

திசைகள்: தெற்கு, தென்கிழக்கு, கிழக்கு, மேற்கு.

நிறங்கள்: செந்நிறம், வெண்மை, பொன் நிறம்.

எண்கள்: 1, 3, 6, 8, 9.

தெய்வம்: ருத்திரன்.

பரிகாரம்: ராகு, கேது ஆகியோருக்குப் பிரீதி, பரிகாரங்களைச் செய்யவும். ராகுவுக்காகத் துர்க்கையையும் கேதுவுக்காக விநாயகரையும் வழிபடுவது நல்லது.