ஒயின் பேஷியல், ஒயின் தெரபி, ஒயின் ஸ்பா... என்ன ஸ்பெஷல்?! #Beauty



Sponsored



பேஷியல் செய்துகொண்டால் சருமத்தின் இறந்த செல்கள் உதிர்ந்து, முகம் புத்துணர்வுடனும் பளபளப்புடன் இருக்கும் என, மாதம் இருமுறை ஃபேஷியல் செய்துகொள்வது பல பெண்களின் வாடிக்கை. கோல்டன் ஃபேஷியல், ஃப்ரூட் ஃபேஷியல் வரிசையில், ஒயின் ஃபேஷியல் என்பது, பெண்களின் பியூட்டி உலகின் லேட்டஸ்ட் டிரெண்ட். ஒயினால் செய்யப்படும் பேஷியல், ஸ்பா, தெரெபி என அழகு சார்ந்து செய்யப்படும் சிகிச்சைகள் பற்றிய அடிப்படைத் தகவலைப் பகிர்கிறார், அழகுக்கலை நிபுணர் வசுந்தரா.

திராட்சையின் விதை, இலை, சதை, தோல் என எல்லாமே ஆரோக்கியமானது. திராட்சையில் வைட்டமின் ஏ,சி,டி இருக்கின்றன. அமினோ அமிலம், மினரல்கள், அதிகம் உள்ளதால் சருமத்துக்கு ஆரோக்கியம் தருகிறது. முன்பு ஆரோக்கியத்துக்காக மட்டுமே பயன்படுத்தப்பட்ட திராட்சை, தற்போது அழகுக்காகவும் பயன்படுகிறது. பன்னீர் திராட்சை எனப்படும் கறுப்பு திராட்சையே உண்மையில் ஆரோக்கியமானது. திராட்சையிலிருந்து தயாரிக்கப்படும் சிகப்பு, ரோஸ், வெள்ளை நிற ஒயின்கள், அழகியல் சார்ந்த சிகிச்சைக்குப் பயன்படுகிறது. அதில் உள்ள ஆன்டிஆக்சிடன்ட், சருமத்தில் உள்ள எலாஸ்டிக் ஃபைபர்களை மீட்டு சருமச் சுருக்கங்களைக் குறைக்க உதவுகிறது. இதனால், வயதான தோற்றத்தை மறைக்க முடியும்.

ஒயின் ஃபேஷியல்:

Sponsored


Sponsored


வெயிலினால் முகம் கறுத்துக் காணப்படுகிறது, சருமத்தின் உண்மையான நிறம் மங்கி சருமம் பொலிவிழந்து இருக்கிறது என்பவர்களுக்கு, ஒயின் ஃபேஷியல் பெஸ்ட் சாய்ஸ். முகத்தை கிளென்சிங், டோனிங் செய்ததும், வழக்கமான ஃபேஷியல் போன்றே ஸ்க்ரப்பர், மசாஜ் செய்யப்பட்டு, சுத்தம் செய்யப்படும். வழக்கமான ஃபேஷியலைவிட ஒயின் ஃபேஷியல் கூடுதல் நிறம் மற்றும் உடனடி அழகைக் கொடுக்கும். 2500 ரூபாய் முதல் சருமத்துக்கு ஏற்ப விலை மாறுபாடுகளுடன் ஒயின் ஃபேஷியல் செய்துகொள்ளலாம்.

ஒயின் தெரப்பி:

புத்துணர்வுக்கும் உடல் பொலிவுக்கும், உடலில் உள்ள சுருக்கங்கள் நீங்கவும் உடல் முழுவதும் ஒயினால் செய்துகொள்ளப்படும் சிகிச்சையே, ஒயின் தெரப்பி. வயது முதிர்வால் தோலில் சுருக்கங்கள் காணப்படுகிறது என்பவர்களுக்கு, ஒயின் தெரப்பி பெஸ்ட் சாய்ஸ். கறுப்புத் திராட்சையின் விதை மற்றும் தோலை அரைத்து, உடல் முழுவதும் அப்ளை செய்து ஸ்க்ரபராகப் பயன்படுத்தப்படும். இதனால், சரும துவாரங்கள் திறந்துகொள்ளும். அதன்பின், வெதுவெதுப்பான நீரில் 10 நிமிடம் குளிக்க வேண்டும். இதன்மூலம் உடலின் இறந்த செல்கள் உதிர்ந்துவிடும். அதன்பின் ஒயின் கலக்கப்பட்ட ஜெல் மற்றும் க்ரீம்களால் உடல் முழுவதும் அப்ளை செய்யப்படும். இறுதியாக, ஒயின் சீரம் அப்ளை செய்யப்படும்போது, மீண்டும் சரும துவாரங்கள் மூடிக்கொள்ளும். இது, இளமையான தோற்றத்தையும் உடல் பளபளப்பையும் கொடுக்கும். ஒயின் தெரபிக்கான கட்டணம் 4000 ரூபாயிலிருந்து தொடங்குகிறது.

ஒயின் ஸ்பா:

ஒரு பெரிய பாத்டப்பில் 2 கிலோ கறுப்புத் திராட்சை சேர்த்து 10 லிட்டர் தண்ணீர் ஊற்றி, திராட்சையை லேசாகப் பிசைந்துவிடவும். அந்தத் தண்ணீரில் அரை மணி நேரம் உட்கார்ந்து ஓய்வு எடுப்பதே, ஒயின் ஸ்பா. இதன்மூலம் சருமத்தில் உள்ள இறந்த செல்கள் நீங்கி, புத்துணர்வும் இளமையான தோற்றமும் கிடைக்கும். இதற்கான சிகிச்சை கட்டணம், 3000 ரூபாயிலிருந்து ஆரம்பிக்கிறது. உங்கள் சருமத்தின் தன்மையைப் பொறுத்து கட்டணம் மாறுபடும்.

ஒயின் சோப்:

ஒயின் ஸ்பா, ஒயின் தெரப்பி போன்றவை செய்துகொள்ள நேரமில்லை அல்லது, கட்டணம் அதிகம் என நினைப்பவர்கள், ஒயின் சோப் பயன்படுத்தலாம். இதுவும் நல்ல பலனைக் கொடுக்கும். ஒயின் சோப்பைத் தேர்வு செய்கிறீர்கள் எனில், முகத்துக்கு ரோஸ் ஒயின் சோப், உடலுக்கு ரெட் ஒயின் சோப் எனப் பயன்படுத்துவது நல்லது.

உங்கள் சருமத்துக்கான ஒயின் தேர்வுசெய்யும் முன்பு கவனிக்கவேண்டியவை...

டிரை ஸ்கின் உடையவர்கள், ஸ்வீட் ஒயினைப் பயன்படுத்தவும்.

சென்சிட்டீவ் ஸ்கின் உடையவர்களுக்கு, ரெட் ஒயின் பெஸ்ட் சாய்ஸ். இது, சருமத்தின் ஆழ்துவாரங்கள் வரை சென்று, பருக்கள் மற்றும் கட்டிகள் வருவதைக் குறைக்கும்.

நார்மல் ஸ்கின் எனில், டிரை ஒயினைத் தேர்வுசெய்யலாம். இதில் உள்ள டார்டாரிக் அமிலம் மற்றும் மாலிக் அமிலம், சருமத்தில் உள்ள எண்ணெய் பசையைத் தக்கவைத்துக் கூடுதல் அழகில் காண்பிக்கும்.

டிரை ஸ்கின் எனில், ரெட் ஒயின், தேன், கற்றாழையின் சதைப் பகுதி என மூன்றையும் சேர்த்துப் பயன்படுத்திப் பலன் பெறலாம்.

எண்ணெய் பசை சருமம் எனில், ரெட் ஒயினுடன் சம அளவு தயிர் கலந்து பயன்படுத்துவதன் மூலம் அழகான தோற்றத்தைப் பெறமுடியும்.



Trending Articles

Sponsored