இனி மூளை நம் மனம் சொல்வதைக் கேட்குமாம்... எப்படி? #Brainternet



நம் உடலின் இயக்கங்கள் தமிழக அரசு என்றால், அதைக் கட்டுப்படுத்தும் பா.ஜ.க என்பது மூளைதான். பசி, தூக்கம், கோபம் போன்ற உணர்ச்சிகள், இந்த உணர்ச்சிகளால் செய்யப்படும் செயல்கள் என அனைத்தையும் கட்டுப்படுத்துவது மூளைதான். மூளையின் ஒவ்வொரு பகுதியும் ஒவ்வொரு இயக்கத்தை கட்டுப்படுத்துகிறது. பெரும்பாலும் மூளையின் இயக்கம், அவை எவ்வாறு செய்திளைக் கடத்துகிறது போன்ற தகவல்கள் இன்றளவும் ஆராய்ச்சிக்குரியதாக உள்ளது. தொழில்நுட்ப வளர்ச்சியின் அடுத்தக்கட்ட ஆராய்ச்சியில் மனித மூளையை இணையத்துடன் இணைக்கும் கருவியை விட்ஸில் (Witz School of Electrical and Information Engineering) உள்ள உயிரிமருத்துவ பொறியாளர்கள் கண்டுபிடித்துள்ளனர். இந்த ஆராய்ச்சியின் பெயர் Brainternet. கேட்கும்போதே ‘வாவ்’ என்றிருக்கிறதா?

Sponsored


Brainternet என்பது புதிதாக கண்டறியப்பட்ட மூளை - கணினி இடைமுக அமைப்பு (Interface). மூளையின் அலைவரிசைகளை இணையத்துடன் இணைப்பது இதன் வேலை. Brainternet திட்டத்தின் மூலம் ஒரு மனிதனால் எளிமையாக தன்னுடைய மூளையின் செயல்பாடுகளை கண்டறியமுடியும். என்கிறார் “பாண்டனோவிட்ஸ்" (Adam Pantanowitz) . மூளையை எலக்ட்ரோ என்செபலோகிராம் ( மூளை அலைகளை) மாற்றுவதன் மூலம் வேலை செய்கிறது  Brainternet .

Sponsored


மூளையிலுள்ள மோட்டார் புறணிகள் (Motor Cortex) மனிதனின் திட்டமிடுதல், கட்டுப்படுத்துதல், செயல்படுத்துதல் போன்ற செயல்களை கவனித்துக்கொள்கின்றன. மூளையிலிருந்து வரும் மின்தூண்டுதல்கள் மோட்டார் நரம்புகள் வழியாக தசைகளை குறிவைக்கின்றன. மூளையின் இடது அரைபகுதியிலிருந்து தகவல்கள் உடலின் வலது பக்கத்தில் இணைக்கப்பட்டுள்ள ராஸ்பெர்ரி பைக்கு (Rasberry pi) பதிலை தருகிறது.

Sponsored


இஇஜி (EEG)என்பது எலக்ட்ரோ என்செபலோகிராப். பாக்கெட் அளவிலான iwtha மொபைல் சாதனத்தில் எங்கும் எளிதில் எடுத்துக்செல்லலாம். இஇஜி (Emotiv EPOV ) 14 சேனல்களுடன் தொடர்புடைய14 மின்முனைகளை கொண்டு உச்சந்தலையில் பொருத்துவது போன்று வடிவமைக்கப்பட்டுள்ளது. தன் மூளையின் செயல்பாட்டை அறிய விரும்பும் ஒருவர் இந்த எமோட்டிவ் இஇஜி(Emotive EEG) எனும் மொபைல் சாதனத்தை நீண்ட நேரம் தலையில் அணிந்திருக்க வேண்டும். இந்த சமயத்தில் எமோட்டிவ் இஇஜி மூளையின் சமிக்ஞைகளை ராஸ்பெர்ரி பைக்கு கடத்துகிறது. ராஸ்பெர்ரி பை என்பது கிரெடிட் கார்ட் போன்ற சிறிய அளவிலான கணினி. இந்த லைவ் சமிக்ஞைகள் பயன்பாட்டு நிரலாக்க இடைமுகத்துக்கு காட்டப்படுகின்றன. இதன் மூலம் அந்த நபர் மூளையின் செயல்பாடுகளைக் கவனிக்கமுடியும்.

பயனர்களின் மூளையின் செயல்திறனை அறிந்துகொள்வதே இந்தத் திட்டத்தின் நோக்கமாகும். எனவே, இது பயன்பாட்டாளர்களுக்கு ஊக்கத்தை அளிப்பதோடு, பதிலை பார்க்கவும் உதவுகிறது என்கின்றனர் ஆராய்ச்சியாளர்கள்.

இந்த ஆராய்ச்சியின் இது ஆரம்பம் மட்டுமே என பாண்டோவிட்ஸ் கூறியுள்ளார். இந்த ஆராய்ச்சிக் குழுவின் அடுத்த நோக்கம், பயனாளர் மற்றும் அவர்கள் மூளையின் இடையே ஓர் ஊடாடும் அனுபவத்தை ஏற்படுத்துவதேயாகும். “மேற்கூறப்பட்ட இந்த அமைப்புகள் தற்போது கண்டுபிடிக்கப்பட்ட சாதனத்தில் இருந்தாலும் அவை குறுகிய வடிவமைப்புகளுடன் வரையறுக்கப்பட்டுள்ளன. ஸ்மார்ட்போன் பயன்பாட்டின்  மூலமாக பதிவுகளைப் பிரித்தெடுக்க மென்பொருளை மேலும் மேம்படுத்த வேண்டும்” என்றும் கூறியுள்ளனர்.

எதிர்காலத்தில் மூளையின் உள்ளீடு மற்றும் வெளியீடு என ஓர் உரையாடல் போல இருதிசைகளிலும் தகவல் பரிமாற்றம் செய்யமுடியும் என பாண்டனோவட்ஸ் கூறியுள்ளார். அதாவது, நாம் மூளைக்கே வேலை சொல்ல முடியும்.

இந்த ஆராய்ச்சியில் இருந்து சேகரிக்கப்பட்ட தகவல்கள் நம் மனதில் எவ்வாறு செயல்படுகின்றன என்பதையும், நம் மூளையின் சக்தியை அதிகரிப்பதற்கு அறிவை எப்படி பயன்படுத்தலாம் என்பதையும் நன்கு அறிந்துகொள்ளலாம்.

டெக்னாலஜி நம்மை எங்கு கொண்டு போய் நிறுத்தும் எனத் தெரியவில்லை. இதுபோன்ற ஆராய்ச்சிகள் பற்றி நீங்கள் என்ன நினைக்கறீர்கள்?

 
இது போன்ற ஆராய்ச்சிகள்...
 
 
 
 
 
 

.



Trending Articles

Sponsored