தாயை மரணத்திலிருந்து காப்பாற்றிய சிறுவன்... உதவியது ஆப்பிள் Siri..!



Sponsored



லண்டனில் உள்ள கென்லே பகுதியில் வசிக்கும் நான்கு வயது சிறுவன் ரோமன். அவன் செய்த விஷயம் அனைவரையும் ஆச்சர்யப்பட வைத்துள்ளது. மரணத்தின் பிடியில் இருந்த தனது தாயை  ஐபோனின் வாய்ஸ் அசிஸ்டென்ட்டான சிரியின் உதவியுடன் காப்பாற்றி அனைவரையும் நெகிழ வைத்துள்ளான் ரோமன். 

நான்கு வயது சிறுவன் ரோமன் தனது தாய் மயங்கிய நிலையில் இருப்பதை அறிந்து எழுப்பியுள்ளான். தனது தாய் எழுந்திருக்காமல் இருந்ததையடுத்து பதறிய ரோமன். தனது தாயின் ஐபோனை எடுத்து அவரது கட்டைவிரலை வைத்து சிரியை ஆன் செய்துளான். அதன் மூலம் தனது தாய் மயங்கிய நிலையில் இருப்பதை தெரிவிக்க சிரி ஆம்புலன்ஸுக்கான எண்ணான 999- ஐ அழைத்துள்ளது. அதில் போலிஸ் உங்களது அவசர தேவை என்ன என கேட்க? 

Sponsored


''நான் ரோமன், என் தாய் வீட்டில் மயங்கிய நிலையில் இருக்கிறார். எனக்கு ஒரு உதவி செய்வீர்களா? அவரை வீட்டில் வந்து அழைத்து செல்ல முடியுமா என கேட்டுள்ளான். அவர் இறந்துவிட்டார் என நினைக்கிறேன் என்றும் கூறியுள்ளான்.  மீண்டும் 999 எண்ணில் தொடர்பில் இருந்தவர்கள் தெளிவாக ரோமனிடம் கேட்க அவர் கண்களை மூடிய நிலையில் நீண்ட நேரமாக இருக்கிறார். அவர் மூச்சுவிடவில்லை என்று மழலை மாறாமல் கூறியுள்ளான். 

Sponsored


நிலையை புரிந்து கொண்ட அவசர அழைப்பில் இருந்தவர்கள் ரோமனிடம் வீட்டு முகவரியை கேட்டுள்ளார்கள். அவனும் முகவரியை அளிக்க 13 நிமிடத்தில் ஆம்புலன்ஸ் வந்து மயக்கத்தில் இருந்த ரோமனின் தாயை காப்பாற்றியுள்ளது. அவர் சரியான நேரத்தில் அளிக்கப்பட்ட சிகிச்சையால் உயிர்பிழைத்துள்ளார். இதற்கு காரணம் ரோமன் சரியான நேரத்தில் சிரியை கையாண்டு 999க்கு அழைத்தது தான் என்று அப்பகுதியில் உள்ளவர்கள் நெகிழ்ந்துள்ளனர். 

இது குறித்து கருத்து தெரிவித்துள்ள போலீஸ் அதிகாரி ''குழந்தைகள் இன்றைய தொழில்நுட்பத்தை நன்கு அறிந்துள்ளனர். அவசர நேரங்களில் சமயோஜிதமாக யோசித்து சிரியை அழைத்து தனது தாயை காப்பாற்றியிருப்பது உண்மையாலுமே பெருமைப்பட வேண்டிய விஷயம் என்று கூறியுள்ளார்.

சிரி மூலம் இதேபோல் நிறைய பேர் காப்பாற்றப்பட்டுள்ளனர். தனது ஒரு வயது குழந்தை மூச்சுவிடமுடியாமல் தவித்த போது சிரி மூலம் ஆம்புலன்ஸை அழைத்து தனது மகளை தாய் ஒருவர் காப்பாற்றியுள்ளார். ஒருவரது ட்ரக் கவிழ்ந்து அதிலிருந்து தப்பிக்க முடியாமல் இருந்த போதும் சிரி உதவியால் உயிர்பிழைத்துள்ளார். 


 ஐபோனில் இருக்கும் சிரி வாய்ஸ் யாரோடது(VoiceofSIRI). இத எப்படி பதிவு பண்ணாங்கங்கறதுதான் சுவாரஸ்யமான விஷயம்.  2011ம் ஆண்டுதான் ஐபோன்களில் சிரி அறிமுகமானது. அதற்கான வாய்ஸ்  சுசான் பென்னட் எனும் வாய்ஸ் ஆர்ட்டிஸ்ட்டுடையதுதான். இதில் ஹைலைட் என்னவென்றால் சுசான் ஐபோன் சிரிக்காகத்தான் தனது குரலைப் பதிவு செய்தார் என்பது அவருக்கே தெரியாதாம். 

2005ம் ஆண்டு பாடகியாக விளம்பரங்களுக்கு ஜிங்கில்கள் பாடும் வேலையைச் செய்து வந்து சுசான். அவர் பணியாற்றிய ஸ்டுடியோவில் ஒருநாள் சுசான் உங்கள் குரல் தொனி பாடல்களுக்கு ஏற்றதாக இல்லை. சில வாசகங்களைப் படித்துப் பதிவு செய்யும் வேலை இருக்கிறது பார்க்கிறீர்களா எனக் கேட்க சுசானும் சம்மதித்திருக்கிறார். ஒரு மாதம் முழுவதும், தினமும் 4 மணி நேரத்துக்கும் மேலாக ரெக்கார்டிங் நடந்துள்ளது. அதில் வாக்கியங்களும், அதனை தனித்தனி உச்சரிப்புகளாகவும் பிரித்து பதிவு செய்துள்ளனர். ஆரம்பத்தில் சுசான் ”என்ன இது... இப்படி ஒரு ரெக்கார்டிங்... இதனை வைத்து என்ன செய்யப்போகிறார்கள்” என்று நினைத்திருக்கிறார். 2011ம் ஆண்டில் ஐபோனில் சிரி அமைப்பு உருவாக்கப்பட்டு விற்பனைக்கு வந்தது. ஆனால் சுசானுக்கு அதில் இருப்பது அவரது குரல்தான் என்பது தெரியாது. காரணம் அவர் ஐபோன் யூஸர் இல்லை. ஒருநாள் சுசான் பென்னட்டின் சக வாய்ஸ் ஆர்ட்டிஸ்ட் ஒருவர் போன் செய்து ஐபோனில் வருவது உன் குரலா எனக் கேட்க, பின்பு விசாரித்ததில் ஆம் அது சிரிக்காகப் பதிவு செய்யப்பட்ட குரல்தான். அதனை ஒரு ஸ்டுடியோவிடம் கொடுத்துச் செய்யச் சொல்லியிருக்கிறார்கள். 


- ச.ஸ்ரீராம்



Trending Articles

Sponsored