`இது அம்பேத்கரை அவமதிக்கும் செயல்!' - ராகுலை விமர்சித்த அமித்ஷா



`நீதித்துறையில் மோடி அரசு தலையிடுவதை ஏற்றுக்கொள்ள முடியாது' என்று கண்டனம் தெரிவித்த ராகுல் காந்திக்கு, `அரசியலமைப்பின் புனிதத் தன்மையைக் காங்கிரஸ் அழித்துவிட்டது' எனப் பதில் கொடுத்திருக்கிறார் அமித்ஷா. 

Sponsored


டெல்லி, டக்கடோரா மைதானத்தில் `அரசியலமைப்புச் சட்டத்தைக் காப்போம்' என்ற முழக்கத்தோடு நாடு தழுவிய பிரசாரப் பேரணியை இன்று தொடங்கி வைத்தார் காங்கிரஸ் தலைவர் ராகுல்காந்தி. பேரணியில், மோடி அரசைக் கடுமையாக விமர்சித்தார். பேரணிக்கு முன்னதாக, ட்விட்டரில் பதிவிட்ட பா.ஜ.க தேசிய தலைவர் அமித்ஷா, `அரசியலமைப்பின் புனிதத்தன்மையை அழித்தது காங்கிரஸ் கட்சிதான். அவர்கள் ஜனநாயக ஆட்சியை விரும்பவில்லை. வம்சாவழி ஆட்சியைத்தான் விரும்புகிறார்கள். ஆகையால்தான், ராகுல் காந்தி கட்சியின் தலைவராக பிரவேசம் எடுத்துள்ளார்' எனக் குறிப்பிட்டிருந்தார். 

Sponsored


Sponsored


அமித்ஷாவின் கருத்துக்குப் பேரணியில் பதில் அளித்த ராகுல், `அரசியல் அமைப்புச் சட்டத்தை டாக்டர் அம்பேத்கர் மற்றும் காங்கிரஸ் கட்சி இணைந்து வழங்கியது. அதைப் பா.ஜ.க மற்றும் ஆர்.எஸ்.எஸ் கட்சியினர் சீர்குலைக்கின்றனர்' எனப் பேசினார். 

இந்தக் கருத்துக்கு அமித்ஷாவிடமிருந்து உடனடியாகப் பதில் வந்தது. இதுகுறித்து ட்விட்டரில் பதிவிட்ட அமித்ஷா, `அரசியலமைப்பை நாங்கள்தான் இயற்றினோம் எனத் தொடர்ந்து காங்கிரஸ் கூறி வருகிறது. இது, அம்பேத்கரை அவமதிக்கும் செயல். காந்தி மற்றும் நேரு குடும்பத்தினர் அம்பேத்கரை அவமதிக்கின்றனர். அவர் உயிருடன் இருந்திருந்தால் இன்னும் அவமானமாகக் கருதியிருப்பார்' எனப் பதிவிட்டிருக்கிறார்.



Trending Articles

Sponsored