கட்சியின் வங்கிக் கணக்கை முடக்க ஓ.பி.எஸ் கடிதம் #OPSVsSasikala #Ops



தமிழக முதலமைச்சராக நீடிக்கும் ஓ.பன்னீர்செல்வம் கட்சித் தலைமை மீது நேற்று இரவு கடும் விமர்சனங்களை முன்வைத்தார். இதனால் அ.தி.மு.க-வின் பொருளாளர் பொறுப்பில் இருந்து அவர் நீக்கப்பட்டார். இந்நிலையில் "யாரும் என்னை நீக்க முடியாது" என்று தெரிவித்திருந்தார் ஓ.பன்னீர்செல்வம். இந்நிலையில் கட்சி வங்கிக் கணக்கை முடக்கி வைக்க கோரியுள்ளார். இதில் கட்சி கணக்கு வைத்துள்ள வங்கி கிளைகளான மயிலாப்பூர் உள்ள கரூர் வைஸ்யா மற்றும் போங்க் ஆப் இந்தியா ஆகிய வங்கி கிளைகளுக்கு கணக்கை முடக்க கோரி வங்கிக் கிளைகளுக்கு கடிதம் அளித்துள்ளார்.

Sponsored


அக்கடிதத்தில், "அ.தி.மு.க-வின் விதி எண் 20, துணைப்பிரிவு 2-ன் படி, கட்சியின் முக்கியத் தலைவர்கள், பொதுச்செயலாளரைத் தேர்ந்தெடுக்க வேண்டும். புரட்சித்தலைவி அம்மாவின் மறைவிற்குப் பிறகு, கட்சியின் பொதுச்செயலாளர் பதவி வெற்றிடமாகத்தான் உள்ளது. இந்த விதியின் படி, இனிதான் பொதுச்செயலாளர் முறைப்படி தேர்ந்தெடுக்கப்பட வேண்டும். கட்சியின் பொதுச்செயலாளர் பதவி வெற்றிடமாக உள்ளதால், விதி எண் 20, துணைப்பிரிவு 5-ன் படி, மத்திய நிர்வாகிகள் குழுவின் உறுப்பினர்கள், துணைப் பொதுச்செயலாளர், பொருளாளர் ஆகியோர் புதிய பொதுச்செயலாளர் நியமிக்கப்படும் வரை, கட்சியின் நிர்வாகத்தை கவனித்துக்கொள்ள முடியும். புரட்சித்தலைவி அம்மா அவர்களால் நியமிக்கப்பட்டு, இன்னும் நான் பொருளாளராக நீடிப்பதால், எனது உத்தரவின்றி வங்கிக் கணக்கில் எந்த பணப் பரிமாற்றமும் மேற்கொள்ளக்கூடாது" எனத் தெரிவித்துள்ளார்.

Sponsored


Sponsored




Trending Articles

Sponsored