’தென்னாப்பிரிக்காவுக்கு அடுத்த அடி’ - காயம் காரணமாகத் தொடரிலிருந்து டு ப்ளசிஸ் விலகல்



Sponsored



கை விரலில் ஏற்பட்ட காயம் காரணமாக, இந்திய அணிக்கெதிரான ஒருநாள் மற்றும் டி20 தொடர்களிலிருந்து தென்னாப்பிரிக்க அணியின் கேப்டன் டு  ப்ளசிஸ் விலகியுள்ளார். 

Photo Courtesy: Twitter/OfficialCSA

Sponsored



தென்னாப்பிரிக்கா சென்றுள்ள இந்திய அணி, 3 டெஸ்ட், 6 ஒருநாள் மற்றும் 3 டி 20 போட்டிகள்கொண்ட தொடர்களில் விளையாடுகிறது. டெஸ்ட் தொடரை 2-1 என்ற கணக்கில் இந்திய அணி இழந்திருந்தாலும், டர்பனில் நடந்த முதல் ஒருநாள் போட்டியில் 6 விக்கெட்டுகள் வித்தியாசத்தில் வென்று, ஒருநாள் தொடரை வெற்றிகரமாகத் தொடங்கியிருக்கிறது. இந்த நிலையில், முதல் ஒருநாள் போட்டியின் போது, கை விரலில் காயமடைந்த தென்னாப்பிரிக்க அணியின் கேப்டன் டு ப்ளசிஸ், இந்திய அணிக்கெதிரான தொடரிலிருந்து விலகியுள்ளார். வலது ஆள்காட்டி விரலில் எலும்பு முறிவு ஏற்பட்டுள்ளதாகவும், காயத்திலிருந்து அவர் மீண்டுவர 4 முதல் 6 வார காலம் ஆகும் என்றும் தென்னாப்பிரிக்க கிரிக்கெட் வாரியம் சார்பில் தெரிவிக்கப்பட்டுள்ளது. 

Sponsored


அவருக்குப் பதிலாக ஃபர்ஹான் பகார்டியன் மாற்றுவீரராக அறிவிக்கப்பட்டுள்ளார். அதேபோல, மாற்று விக்கெட் கீப்பராக ஹெயின்ரிச் கிளாசின் தென்னாப்பிரிக்க அணியில் சேர்க்கப்பட்டுள்ளார். இந்திய அணிக்கெதிரான தொடரில், தென்னாப்பிரிக்க அணியின் கேப்டனாக யார் செயல்படுவார் என்பதுகுறித்து இன்று (3.2.2018) அறிவிக்கப்படும் என்று தெரிகிறது. ஏற்கெனவே, காயம் காரணமாக நட்சத்திர வீரர் டிவிலியர்ஸ் முதல் மூன்று போட்டிகளிலிருந்து விலகிய நிலையில், டு  ப்ளசிஸுக்கு ஏற்பட்ட காயம், தென்னாப்பிரிக்க அணிக்கு பெரும் பின்னடைவாகக் கருதப்படுகிறது. 



Trending Articles

Sponsored