`இங்கிலாந்து மண்ணில் விளையாடுவது சவாலானது!’ - டெஸ்ட் தொடரை எதிர்நோக்கும் தினேஷ் கார்த்திக்



Sponsored



இங்கிலாந்து மண்ணில் விளையாடுவது சவாலானது என இந்திய அணியின் விக்கெட் கீப்பர் - பேட்ஸ்மேன் தினேஷ் கார்த்திக் கருத்துத் தெரிவித்திருக்கிறார். 

Photo Credit: BCCI

Sponsored


இங்கிலாந்து சென்றுள்ள விராட் கோலி தலைமையிலான இந்திய அணி டி20 மற்றும் ஒருநாள் தொடர்களை முடித்துவிட்டு, டெஸ்ட் தொடருக்குத் தயாராகி வருகிறது. இவ்விரு அணிகள் இடையிலான முதல் டெஸ்ட் போட்டி எட்ஜ்பாஸ்டன் மைதானத்தில் ஆகஸ்ட் 1ம் தேதி தொடங்குகிறது. கடந்த 2007ம் ஆண்டுக்குப் பின்னர் இங்கிலாந்து மண்ணில் டெஸ்ட் தொடரை வென்றதில்லை என்ற நிலையை மாற்ற விராட் கோலி படைத் தீவிரமாகத் தயாராகி வருகிறது. 

Sponsored


இந்தநிலையில், டெஸ்ட் தொடர் குறித்து இந்திய அணியின் விக்கெட் கீப்பர் - பேட்ஸ்மேன் தினேஷ் கார்த்திக் மனம் திறந்துள்ளார். ராகுல் டிராவிட் தலைமையிலான இந்திய அணி, கடந்த 2007ம் ஆண்டில் 1-0 என்ற கணக்கில் டெஸ்ட் தொடரை வென்றது. அந்த அணியில் இடம்பெற்றிருந்த வீரர்களில் தினேஷ் கார்த்திக் மட்டுமே தற்போதைய இந்திய அணியில் இடம்பிடித்திருக்கிறார். அவர் கூறுகையில், ``டெஸ்ட் தொடர் குறித்து எண்ணுகையில் பதற்றமும், உற்சாகத்தையும் நான் உணர்கிறேன். நீண்ட நாள்களுக்குப் பின்னர் டெஸ்ட் போட்டிகளில் விளையாட இருக்கிறேன். அந்த அனுபவத்தை எதிர்நோக்கி இருக்கிறேன். இங்கிலாந்து மண்ணில் விளையாடுவது மிகப்பெரிய சவால். அணியின் மற்ற வீரர்களைப் போலவே, நானும் உற்சாகத்துடன் அதை எதிர்க்கொள்ளத் தயாராக இருக்கிறேன்’’என்று கருத்துத் தெரிவித்திருக்கிறார்.  

கேப்டன்  விராட் கோலி மற்றும் பயிற்சியாளர் ரவி சாஸ்திரி ஆகியோரைப் புகழ்ந்துள்ள தினேஷ் கார்த்தில், ஒரு அணியாக இங்கிலாந்து டெஸ்ட் தொடரை நாங்கள் எதிர்க்கொள்ள ஆயத்தமாகி விட்டோம். நேர்மறை எண்ணங்களுடன் கேப்டன் மற்றும் பயிற்சியாளர் ஆகியோர் முன்னின்று வழிநடத்தத் தயாராகி இருக்கின்றன. வீரர்களிடம் நம்பிக்கை தெரிகிறது’’ என்று கூறினார். 



Trending Articles

Sponsored