`சிங்கமென கர்ஜித்த செரீனா!’ - சரண்டரான செவஸ்டோவா



Sponsored



அமெரிக்க ஓபன் டென்னிஸ் தொடரின் இறுதிப்போட்டிக்கு அமெரிக்காவின் செரீனா வில்லியம்ஸ் முன்னேறியுள்ளார்.


கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க்கில் நடைபெற்று வருகிறது. இதில் பெண்களுக்கான ஒற்றையர் பிரிவில் அரையிறுதிப்போட்டிகள் இன்று நடைபெற்றன. இதில் அமெரிக்காவின் முன்னணி வீராங்கனை செரீனா வில்லியம்ஸ், லத்வியா வீராங்கனை செவஸ்டோவாவை எதிர்கொண்டார். இந்தத் தொடரின் காலிறுதிப்போட்டியில் செவஸ்டோவா நடப்பு சாம்பியன் ஸ்வோவன் ஸ்டீபன்சை வீழ்த்தி அரையிறுதிப்போட்டிக்கு முன்னேறி இருந்தார். இதனால் செரீனாவுக்கு இவர் கடுமையான சவால் அளிப்பார் என டென்னிஸ் வட்டாரங்களில் பேசப்பட்டது. கடந்த ஆண்டு செரீனாவுக்கு குழந்தை பிறந்து. மகப்பேறு முடிந்த சில மாதங்களிலே செரீனா களத்துக்கு திரும்பிவிட்டார். ஆனால், அவரது ஆட்டங்களில் முன்போல் அனல் பறக்கவில்லை. ஒவ்வொரு வெற்றிக்கும் கடுமையாக போராடிக்கொண்டிருந்தார். அமெரிக்க ஓபனில் தனது  சகோதரி வீனஸ்

வில்லியம்ஸ்-க்கு எதிரான போட்டியில் அவரது ராக்கெட்டுகள் மின்னல் வேகத்தில் பறந்தன. இது தனது சிறப்பான ஆட்டம் என செரீனாவே போட்டிக்குப் பின்னர் பேட்டியளித்தார்.

Sponsored


இந்த நிலையில்தான் பரபரப்பான அரையிறுதிப்போட்டி இன்று நடைபெற்றது. இதில் தொடக்கம் முதலே சிறப்பான ஆட்டத்தை வெளிப்படுத்திய செரீனா முதல் செட்டை 6-3 என்ற கணக்கில் கைப்பற்றினார். முதல் செட்டில் செவஸ்டோவா சற்று ஈடுகொடுத்து ஆடியதால் ஆட்டம் மூன்றாவது செட் வரை நகரும் எனப் பார்வையாளர்கள் நினைத்தனர். ஆனால், இரண்டாவது செட்டில் செரீனாவின் அதிரடியான ஆட்டத்தால் செவஸ்டோவா செய்வது அறியாமல் போனார். இரண்டாவது செட்டில் சற்றும் இரக்கம் கட்டாத செரீனா இந்த செட்டை 6-0 என்ற கணக்கில் கைப்பற்றினார். இதன்மூலம் 6-3, 6-0 என்ற நேர்செட்கணக்கில் வெற்றி பெற்று இறுதிப்போட்டிக்கு முன்னேறினார்.

Sponsored


அமெரிக்க ஓபனில் 9வது முறையாக இறுதிப்போட்டிக்கு முன்னேறுகிறார். இது அவரது 31-வது கிராண்ட்ஸ்லாம் இறுதிப் போட்டியாகும். இந்தப் பட்டத்தை வென்றால், அது செரீனாவின் 24-வது கிராண்ட்ஸ்லாம் பட்டமாக அமையும்.



Trending Articles

Sponsored