வலைபாயுதே V 2.0

சைபர் ஸ்பைடர்

facebook.com/palaapattarai:  ``அப்பா, சண்டே என்னையும் அண்ணாவையும் மாலுக்குக் கூட்டிட்டுப் போறீங்களா?’’ பள்ளி திறந்த சோகத்தில் சின்னவன் என்னிடம் கேட்டான்.

``இல்ல கண்ணு, சென்னை பூரா மழை பேஞ்சு கழுத்தளவு தண்ணி நிக்குது. சாப்பாடு, தண்ணி எதுவுமே கிடைக்கலை. நியூஸ் பார்க்கலியா நீ?’’ என்று கேட்டுவிட்டு, ஆதாரம் காட்ட, கலைஞர் செய்திகள் வைத்துக் காண்பித்தேன். இடுப்பளவு நீரில் சென்னை மக்கள் அங்கும் இங்கும் துன்பப்படும் செய்திகளைப் பார்த்ததும், என்னிடமிருந்து ரிமோட்டைப் பிடுங்கி, ``இந்த சானல் பாருங்கப்பா...’’ என்று ஜெயா நியூஸ் வைத்தான்.

அம்மா படத்தை வைத்துக்கொண்டு அமைச்சர்கள் உட்கார்ந்திருக்க, `இதைவிட எவ்வளவு பெரிய மழை வந்தாலும் சென்னைக்கு ஒரு துளிகூட பாதிப்பே இல்லை. தமிழ்நாடு அரசு தயார் நிலையில் இருக்கிறது’ எனச் செய்தி சொல்லி சென்னை சாலை களைக் காண்பித்தார்கள், படுசுத்தமாக காய்ந்துபோய், பரபரப்பாக இயங்கிக் கொண்டிருந்தது சிங்காரச் சென்னை.

``எந்த மாலுக்குப் போகலாம்னு டிசைட் பண்ணி வைங்க. ஈவினிங் ஸ்கூல்லேர்ந்து வந்த உடனே எனக்கு சொல்லணும்’’ என்று கட்டளையிட்டுச் சென்றிருக்கிறான்.

கார்ட்டூன் மட்டும் பார்த்திட்டிருந்த புள்ளப்பூச்சிங்களுக்கெல்லாம் கொடுக்கு முளைக்க வெச்சிட்டீங்க ளேய்யா!

facebook.com/saravana karthikeyanc:

தேசிய கீதத்துக்கு எழுந்து நிற்பது என்பது தேசத்துக்கான அடையாள மரியாதை. அதைச் செய்வதால் மட்டுமே தேசப்பற்று என்றோ, அதைச் செய்யாவிடில் தேசப்பற்றே இல்லை என்றோ பொருளில்லைதான். ஆனால், அந்தக் குறைந்தபட்ச மரியாதையை சிரமேற்கொள்வதில் என்ன சிக்கல்? அதைக் கேள்வி கேட்டு ஏன் விதண்டாவாதம் செய்ய வேண்டும்? கிட்டத்தட்ட எல்லாவற்றையும் எதிர்க்கும் நோய்க்கூறு மனநிலையே இது. சமூக வலைதளங்களில் கொஞ்ச காலம் இருந்தால், இந்த நோய் பீடிக்கும் போலிருக்கிறது.

facebook.com/jill.kamatchirajan: என் பிள்ளைக்கும் என் அப்பாவுக்கும் இடையே, நான் ஒரு கால ஊஞ்சல். என்னை ஒரு கலைடாஸ்கோப்பாக மாற்றி இருவரும் ஒருவரை ஒருவர் பார்த்துக்கொள்கிறார்களா?

ஒரு வட்டத்தின் இரண்டு முனைகளில் ஒவ்வொருவர் நிற்கின்றனர். நான் ஒருவரில் தொடங்கி மற்றொருவரை அடைய பாதி தூரம் ஓடியபோது இருவரும் ஒரே புள்ளியில்...
இதுதான் கால சூத்திரமா? இதுதான் பிரபஞ்ச ரகசியமா?

twitter.com/kiramaththan: டுபாக்கூர் ஏஜென்ட்கிட்ட சிக்கி துபாய்க்குப் போக முடியாத பார்த்திபன், வெற்றிகரமா துபாய்க்குப் போய்ட்டு வந்த வடிவேலுவை ஓட்டுறதுதான் முரண்.

twitter.com/chevazhagan1: ஒரு கிணற்றுத்தவளையின் அதிகபட்சக் கனவு, பாம்புகளற்ற கிணறு!

twitter.com/IamRajmuthu: ஒரு பக்கத்தில் தன் பிரச்னைகளை எழுதிவிடுபவர்கள்தான், அதிகமாக தற்கொலை செய்கிறார்கள்.

twitter.com/SATHRIYAN_:  சிங்கப்பூர்காரன் பில்டிங் மேல வயல் கட்டுறான். இந்தியாக்காரன் வயல் மேல பில்டிங் கட்டுறான்!

 twitter.com/Ohmslaw_: ``மச்சி டேய்... தென்னைமரத்துல ஏறிப் பார்த்தா, லேடீஸ் காலேஜ் தெரியுதுடா.’’

``அப்படியே ரெண்டு கையும் விட்டுப்பாரு... மெடிக்கல் காலேஜ் தெரியும்.’’

twitter.com/jeranjit:  தூரத்தில் ரயிலொன்று கூவிச் செல்கிறது. ‘சின்னத்தாயவள் தந்த ராசாவே...' அனிச்சையாக மனதில் ஒலிக்கிறது.

twitter.com/Raj_leaks:  நோயுடன் கடக்கும் இரவைவிட நோயாளியுடன் கடக்கும் இரவு மிக நீண்டது.

twitter.com/teakkadai: அர்னால்ட் `எந்திரன் -2’-ல நடிக்கிறதுகூட பரவாயில்லை. ஆனா, விஜய் அவார்ட்ஸுக்கு கூட்டிவந்து பெஸ்ட் வில்லன் அவார்டெல்லாம் கொடுப்பாங்களே... செத்தோம்.

twitter.com/jeranjit: என்ன பேசப்போகிறோம் என்பதைக் கேட்காமலேயே `சில்றை இல்லப்பா' என்றுவிடுகிறார்கள் இந்தப் பெண்கள்.

twitter.com/i_Soruba: `நீ ரொம்ப ஒழுங்கா?' எனக் கேட்பவர் கடந்துவிடுகிறார். நமக்குத்தான் முன்ஜென்மத் தவறுகள்வரை ஞாபகம் வந்து தொலைக்கிறது.

twitter.com/BoopatyMurugesh:  நண்பருக்கு அமெரிக்காவில் இருக்கும் ஃபேஸ்புக் தோழி 'Iphone6' அனுப்பியிருக்கு. என் லிஸ்ட்ல உள்ள பக்கிக Candy Crush ரெக்வஸ்ட் தான் அனுப்புதுங்க :-(

twitter.com/ashokcommonman:  சிஸ்டம் பாஸ்வேர்டு, லேப்டாப் பாஸ்வேர்டு, மொபைல் பாஸ்வேர்டு்னு நான் லவ் பண்ண எல்லாருக்கும் கல்யாணம் ஆயிடுச்சு. கையறு நிலை!

twitter.com/iVenpu:  தொடர்ந்து இரண்டாவது நாளாக வெயில். அதிர்ச்சியில் சென்னை மாணவர்கள் :)

Do you like the story?

Please Appreciate the Author by clapping!

Editor’s Pick