தோழா - சினிமா விமர்சனம்

பிஸி பிசினஸ்மேன் நாகார்ஜுனா. அவர் ஒரு விபத்தில், கழுத்துக்குக் கீழே எல்லா பாகங்களும் செயலிழந்து வீல் சேரில் முடங்க, அவருக்கு கேர்டேக்கர் ஆகிறார் சிறையில் இருந்து பரோலில் வந்திருக்கும் கார்த்தி. இந்த முதலாளி - தொழிலாளி காம்போவுக்கு இடையில் பூக்கும் நெகிழ்வான நட்புதான் `தோழா’.

கலகல பார்ட்டி நாகார்ஜுனாவை ஒரு கண்ணாடி பொம்மைபோல எல்லோரும் கவனமாகக் கையாள, கார்த்தியோ ஜஸ்ட் லைக் தட் டீல் செய்கிறார். மரத்துப்போன அவர் காலில் வெந்நீரை ஊற்றி, `ஒண்ணுமே ஆகலையா?’ எனச் சிரிக்கிறார். இந்த அதிரடி ட்ரீட்மென்ட்டில் தன் குறையை மறந்து சிரிக்கிறார் நாகார்ஜுனா.

படம் முழுக்க அத்தனை க்ளோஸப், அத்தனையையும் அப்படியே தாங்குகிறது நாகார்ஜுனாவின் நடிப்பு. அந்த விரக்தி சிரிப்பும், ஒரு துளி ஆனந்தக் கண்ணீரும் தான் அசத்தல். தனது டிரேட்மார்க் கலாட்டாக்கள்தான் என்றாலும், கார்த்திக்கு இது கம் பேக் படம். இருவரின் பெர்ஃபார்மென்ஸில்தான் படமே நிற்கிறது. தமன்னா, பிரகாஷ்ராஜ், ஸ்ரேயா, அனுஷ்கா என தமிழ், தெலுங்கில் மார்க்கெட் இருக்கும் எல்லோருமே ஆஜர். அனுஷ்காவை, நாகார்ஜுனா பார்க்கும் இடத்தில் டூயட்டா என பயந்தால், `இது தெலுங்கு படம் அல்ல, பிரெஞ்சு படம் பாஸ்’ என்கிறார் இயக்குநர். `தி இன்டச்சபிள்ஸ்’ என்ற படத்தின் உரிமையை வாங்கி, ரீமேக் செய்திருக் கிறார்கள்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்