ஆயிரம் சூரியன் ஆயிரம் சந்திரன் ஒரே ஒரு பூமி - 8

இத்தொடரின் மற்ற பாகங்கள்:
ம.செந்தமிழன், படம்: ப.சரவணகுமார் ஓவியம்: ஹாசிப்கான்

ரு சமூகத்தில் நியாயமான நடத்தைகளை அவமதிக்கும் வழக்கம் அதிகரித்துவிட்டால், அந்தச் சமூகம் அழிவை நோக்கி விரைகிறது எனப் பொருள். மஞ்சள் பை, சொம்பு, கூஜா ஆகிய சொற்கள் எல்லாம் நவீனச் சமூகத்தில் இழிவானவை. ஏறத்தாழ 30 ஆண்டுகளுக்கு முன்னர், மேலே குறிபிட்ட பொருட்களின் மீது அவமரியாதையான போர்வை போத்தப் பட்டது. மஞ்சள் பை வைத்திருப்பது கேவலம், சொம்பு தூக்குதல் அவமானத்துக்குரியது, கூஜா எடுத்துச் செல்வது வேடிக்கையானது போன்ற மதிப்பீடுகளை நவீனம் உருவாக்கியது.

இந்த மூன்றும் அன்றாட வாழ்க்கை நடைமுறைகளுக்குத் தேவையான கொள்கலன்கள். மஞ்சள் பைகளை, நெகிழிப் பைகள் (பிளாஸ்டிக் பைகள்) அழித்தன. சொம்பு, கூஜாக்களை நெகிழிப் புட்டிகள் (பிளாஸ்டிக் பாட்டில்கள்) ஓரங்கட்டின. தமிழ்நாட்டின் எந்த நகரத்தில் நீங்கள் வசித்தாலும் பரவாயில்லை, உங்கள் வீட்டில் இருந்து வெளியே வந்து தெருக்களின் ஓரங்களைப் பாருங்கள். எங்கு பார்த்தாலும் நெகிழிக் குப்பைகள் கிடக்கின்றன. வீட்டுவாசல்களில், வீதிகளில், சாக்கடைகளில், கால்வாய்களில், வயல்களில், ஆறுகளில், பேருந்து நிலையங்களில், கடைத்தெருக்களில், கோயில்களில்… இன்னும் எல்லா இடங்களிலும் நெகிழிக் குப்பைகள்.

வயிறு புடைத்த மாடுகள் நெகிழிப் பைகளோடு சேர்த்து அவற்றில் அப்பியிருக்கும் இட்லியையோ,  ஒட்டியிருக்கும் சாம்பாரையோ விழுங்குகின்றன. பல மனிதர்கள் நெகிழிப் புட்டிகளில் செடி வளர்த்து இன்புறுகிறார்கள். பிள்ளைகள் யாவரும் நெகிழிப் புட்டிகளில்தான் பள்ளிக்குக் குடிநீர் தூக்கிச் செல்கின்றனர். பெரும்பாலான பிள்ளைகளின் உணவுப்பெட்டியே நெகிழியில் தயாரிக்கப்பட்டதுதான்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்