ஜென் Z - ஸ்டைலா... கெத்தா... ஸ்பீடா!

வீட்டுக்கு வரும் ஃப்ரெண்ட்ஸுக்கு காபியோ, கோக்கோ கொடுப்பது Gen Y விருந்தோம்பல். wifi பாஸ்வேர்டும் சார்ஜரும் கொடுப்பதுதான் Gen Z ஸ்டைல். சலூனில் இருந்து பப் வரை இளைஞர்களை இழுக்கும் விளம்பர டெக்னிக் `Free Wifi’தான். எத்தனை MBPS வேகம் தந்தாலும் `too slow dude’-தான் என்பவர்களுக்கு சர்ப்ரைஸ் தர வருகிறது `Li-Fi’

#Li-Fi

இருட்டில் டார்ச் லைட் அடிக்கும்போது, அந்த ஒளி செல்லும் ரூட்டில் பல நுண்ணியத் துகள்களைப் பார்க்கலாம். அதுபோல, டேட்டாவை ஒளி மூலம் கடத்துவதுதான் Li-Fi டெக்னாலஜி. wifi டெக்னாலஜியில், வீடு வரை கேபிள் வழிவரும் டேட்டா, வொயர்லெஸ் மோடம் மூலம் ரேடியோ அலைகளாக மாறுகிறது. ரேடியோ அலைகளில் டேட்டா நமது மொபைல் அல்லது லேப்டாப்புக்குக் கடத்தப்படுகிறது. அங்கே அந்த அலைகள் டீ-கோட் ஆனதும் தேவையான தகவல்களாக ஸ்கிரீனில் தெரிகிறது. இந்த ரேடியோ அலைகளின் வேகம்தான் wifi-ன் வேகத்தை முடிவுசெய்கிறது.

Li-Fi-ல் டேட்டா, ஒளியின் மூலம் கடத்தப்படுவதால் ஸ்பீடு அதிகம். wifi-ன் வேகத்தைவிட 10 மடங்கு அதிக வேகத்தில் டேட்டா பயணிக்கும். 

#Howitworks

பல்புக்குச் சீரான மின்சாரம் கிடைக்கும்போது அது போட்டானை வெளிப்படுத்தும். அந்த போட்டானைத் தான் வெளிச்சம் என்கிறோம்.

லோ-வோல்டேஜில் மின்சாரம் வரும்போது அந்த ஒளி குறைவதைப் பார்த்திருக் கிறோம். பல்புக்கு வரும் மின்சாரத்தின் அளவைக் கட்டுப்படுத்தினால் பல்பும் அதற்கு ஏற்றதுபோல ஃபோட்டானை வெளிப்படுத்தும். Li-Fi வசதி இருக்கும் மொபைல் அல்லது லேப்டாப் அந்த சிக்னலை டீ-கோட் செய்து டேட்டாவைப் பயன்படுத்திக்கொள்ளும்.

#FOUNDER

ஜெர்மனைச் சேர்ந்த பேராசிரியர் ஹெரால்டு ஹாஸ் என்பவர்தான் Li-Fi-ன் காட்ஃபாதர். 2011-ம் ஆண்டு ஒளியால் டேட்டாவைக் கடத்த முடியும் என்ற தியரியைச் சொன்னார் ஹெரால்டு. அடுத்த ஆண்டில் இந்தத் தொழில்நுட்பம் பற்றி பல ஆண்டுகளாக ஆராய்ச்சி செய்துவந்த சிலரை ஒன்றுசேர்த்து `Pure Li-Fi' என்ற குழுவை உருவாக்கினார். இவர்கள் இதுவரை Li-Fi-ல் இயங்கும் இரண்டு புராடக்ட்களைத் தயாரித்திருக்கிறார்கள்.

#Plus

100 MBPS-க்கே நம்ம ஊர் நெட் நொண்டியடிக்க, 10GBPS சோதனையில் வெற்றிபெற்றிருக்கிறது Li-Fi. wifi சிக்னலை ஒரு குறிப்பிட்ட எல்லைக்குள் சுருக்க முடியாது. அதாவது நமது வீட்டைத் தாண்டி சிக்னல் போகாமல் பார்த்துக்கொள்ள Li-Fi-ல் வழி உண்டு. ரேடியோ அலைகளோடு ஒப்பிடுகையில் சுற்றுச்சூழலுக்குப் பாதுகாப்பானது. வீடுகளின் கூரைகள் மீது பொருத்தப்பட்ட சோலார் தகடுகள் பிராடுபேண்ட் ரிசீவர்களாகச் செயல்படும் சாத்தியங்களும் இருக்கிறது. அதாவது நம் வீட்டுக்கு வரும் இணைய கேபிளுக்கும் குட்பை சொல்லிவிட்டு, நேரிடையாக அருகில் இருக்கும் டவரில் இருந்து இணையத்தைப் பெற முடியும் என்கிறார்கள்.

#Minus

Li-Fi என்பது wifi-க்கு மாற்று கிடையாது. ஒளி நாம் போகும் எல்லா இடங்களுக்கும் வந்துவிடாது. இதை இன்னொரு வொயர்லெஸ் தொழில்நுட்பமாக மட்டுமே கருத முடியும். ஆனால், விலை குறைந்த, எந்தப் பாதகமும் இல்லாத எளிமையான, வேகமான தொழில்நுட்பம்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்