வெறுமை, ஏழ்மை, தனிமை! - பரிதவிக்கும் செம்மஞ்சேரி

வெ.நீலகண்டன், படங்கள்: ப.சரவணகுமார்

கஸ்ட் - 22, சென்னைக்கு ஹேப்பி பர்த்டே.  377-வது பிறந்த நாளைக் கொண்டாடத் தயாராகிவருகிறது சென்னை மாநகரம். சென்னையின் அடையாளங்களாக இருக்கும் கட்டடங்கள் வண்ணவிளக்குகளால் அலங்கரிக்கப் பட்டுவருகின்றன. ஆனால், அந்தக் கட்டடங்களைக் கட்டுவதற்கு வியர்வையும் ரத்தமும் சிந்தியவர்கள், சென்னையை சிங்காரச் சென்னையாக்கவும், பெருவழிப்பாதைகள் அமைக்கவும் இடம்கொடுத்த அடித்தட்டு மக்கள், இன்று சென்னையில் இருந்து 30 கிலோமீட்டருக்கு வெளியே வாழ்க்கையைத் தேடி அலைந்துகொண்டிருக்கிறார்கள்.

பழைய மகாபலிபுரம் சாலைக்கு அருகே, அடுக்கிய தீப்பெட்டிகளைப்போல இருக்கிறது செம்மஞ்சேரி குடியிருப்பு. 6,774 வீடுகள். ஆங்காங்கே குளமாகத் தேங்கி நிற்கிறது சாக்கடை. பெரும்பாலான ஆண்களின் விழிகள் மயக்கத்திலேயே உள்ளன. எல்லா பகுதிகளிலும் அடர்ந்த இறுக்கம்.

சாதிய ஒடுக்குமுறைகளுக்கு அஞ்சியும், தொழில் தேடியும் தமிழகத்தின் பல்வேறு மாவட்டங்களில் இருந்து சென்னைக்கு வந்தவர்கள், சாலையோர வியாபாரிகளாக, மூட்டை சுமப்பவர்களாக, கட்டுமானத் தொழிலாளர்களாக தங்கள் வாழ்வாதாரத்தை அமைத்துக்கொண்டு, நதியோரங்களிலும் சாலையோரங்களிலும் ஒடுங்கிக் கிடந்த இந்த எளிய மனிதர்களின் வாழ்க்கை, தலைமுறை கடந்தும் மாறவே இல்லை. வாய்ப்புகளை உருவாக்கித் தந்து, இவர்களின் வாழ்க்கையை மேம்படுத்தவேண்டிய வர்கள், கழிவுகளாகக் கருதி மொத்தமாகக் கொண்டுபோய் இந்தப் பகுதியில் கொட்டப்பட்டிருக்கிறார்கள்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்