“லவ் பண்ண நேரம் இல்லை!”

பா.ஜான்ஸன், படம்: தி.குமரகுருபரன்

‘நீதான் வேணும்... கல்யாணம் பண்ணிக் கிறியா?’ - `மெட்ராஸ்' படத்தில் மெர்சல் செய்த கேத்ரின் தெரசாவை அவ்வளவு சுலபத்தில் மறந்துவிட முடியாது. விஷாலுடன் ‘கதகளி’ ஆடிவிட்டு, இப்போது அதர்வாவுடன் ‘கணிதன்’ பட ரிலீஸுக்காகக் காத்திருந்தவருடன் ஒரு ஸ்வீட் சேட்டிங்...

``தமிழ், தெலுங்கு, மலையாளம், கன்னடம் என, பல மொழிகளில் நடிப்பது எப்படி இருக்கிறது?''

``எனக்கு இதுவே கம்மின்னு தோணுது. மொழிங்கிறது எந்தக் கலைக்கும் தடை கிடையாது. இங்கே கிடைக்காத ஒரு ரோல் அங்கே கிடைக்குது; அங்கே வராத ஒரு ரோல் இங்கே வருது. தமிழ்ல எனக்குக் கிடைச்ச ரோல்ஸ் ரொம்பப் பிடிச்சிருக்கு. `மெட்ராஸ்' கலையரசி, `கணிதன்' அனு... ரெண்டுமே ரொம்ப எனக்கு ஸ்பெஷல். இனி இப்படி முக்கியத்துவம் இருக்கும் கதாபாத்திரங்களைத் தான் தேர்ந்தெடுக்கணும்னு இந்த அனுபவத்தில் இருந்து கத்துக்கிட்டேன்.''

`` `கணிதன்' படத்தில் என்ன ஸ்பெஷல்?''

`` `மெட்ராஸ்'க்குப் பிறகு நான் கமிட் ஆன படம். ஆனா, மூணாவது படமா ரிலீஸ் ஆகுது. இயக்குநர் சந்தோஷ், கதை சொன்ன விதமே நல்லா இருந்தது. ஃப்ரெஷ்ஷான கதை. ரிப்போர்ட்டரா நடிச்சிருக் கேன். `ஒரு சீன்ல, என் தலையை மீன் தொட்டிக் குள்ள மூழ்கவெச்சு எடுக்கணும்'னு சொன்னாங்க. ரொம்பவே பயந்து நடுங்கி, ஒரு வழியா அந்த ஷாட் எடுத்து முடிச்சோம். அந்த சீனை பார்க்கிறதுக்காகவே படத்தை ரொம்ப ஆவலா எதிர்பார்க்கிறேன்.''

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்