சரிகமபதநி டைரி 2015

வீயெஸ்விபடங்கள்: கே.ராஜசேகரன், சொ.பாலசுப்ரமணியன், பா.காளிமுத்து, மா.நிவேதன்

டிசம்பர் சீஸனுக்காக மியூஸிக் அகாடமி வெளியிட்ட முதல் பட்டியலில் `சூப்பர் சிங்கர்’ ஆஸ்தான நீதிபதி பி.உன்னிகிருஷ்ணன் பெயர் ஏனோ இடம்பெற்றிருக்கவில்லை. சீஸன் ஆரம்பமாகும் சமயம் 30-ம் தேதி மாலை 4 மணி ஸ்லாட்டில் இங்கே பாட ஒப்புக்கொண்டிருந்தவர் ரத்துசெய்துவிட, காலியான இடத்தை நிரப்ப உன்னிகிருஷ்ணனை அணுகியிருக்கிறார்கள். ‘தேதி இல்லை...' எனச் சொல்லி பின்வாங்கிவிட்டாராம் அவர். கேன்டீனில் காபி குடித்துக்கொண்டிருந்த போது காதில் விழுந்த தகவல் இது!

வயலினில் மாயாமாளவகௌள ராகம் வாசிப்பது கேட்க சுகம். குறிப்பாக, அந்த ராகத்தில் ஸ்வரங்கள் வாசிக்கக் கேட்பது சுகமோ சுகம். தியாக பிரம்ம கான சபாவில் இதனை அனுபவிக்கச் செய்தார் சாருமதி ரகுராமன். அன்று மாலை மயங்கும் நேரம், உன்னிகிருஷ்ணனுக்கு பக்கவாத்தியமாக வயலின் வாசித்த சாருமதியின் Tonal quality எப்போதுமே அசத்தல். கே.வி.பிரசாத் மிருதங்கம், வைக்கம் கோபாலகிருஷ்ணன் கடம்.

தொடர் கச்சேரிகள், பயணங்கள் காரணமாக பாடகர்களுக்குத் தொண்டை மக்கர்செய்வது இயல்பு. ஆனால், மேடை அனுபவம் துணை நின்றால், தொண்டைக்கட்டலையும் மீறி, சுருதி குறைத்துப் பாடி சமாளித்துவிட முடியும். உன்னிகிருஷ்ணன் சமாளித்தார். அதுவும், பூர்விகல்யாணியில் ‘சற்றே விலகி இரும் பிள்ளாய்' என அவர் கேட்டுக்கொண்டது, வில்லங்கம் செய்த இந்தத் தொண்டையைத்தானோ!
கௌரி மனோகரிக்கும் கர்ணரஞ்சனிக்கும் `ஹலோ’ சொல்லிவிட்டு, தோடியை விரிவாக அலசி ஆராய்ந்தார் உன்னிகிருஷ்ணன். மேல் ஸ்தாயிக்கு முயற்சித்து, தடுக்கிவிழாமல் சங்கதிகளை ஒரு மாதிரி நடுவாந்திரமாகப் பாடிக் கவர்ந்தார். பாபநாசம் சிவனின் பிரபலமான ‘கார்த்திகேய காங்கேய...' பாடலை எடுத்துக்கொண்டு, ‘குறுநகை தவழ் ஆறுமுகா... விரைவு கொள் மயூரபரி...' வரிகளில் உச்சரிப்புக் கெடாமல் உன்னிகிருஷ்ணன் செய்த நிரவல் நிறைவு.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்