ஒரு நாள் கூத்து - சினிமா விமர்சனம்

கோடம்பாக்கத்தில் இது `பெண்கள் ஸ்பெஷல்' சீஸன்.

அப்பாவின் பிடிவாதத்தால் திருமணம் தள்ளிப்போகும் மியா ஜார்ஜ்...
 
மீடியா வேலையால் மாப்பிள்ளை கிடைக்காமல் அல்லாடும் ரித்விகா... காதலனின் தாழ்வுமனப்பான்மையால் முடிவெடுக்க முடியாமல் தவிக்கும் நிவேதா பெத்துராஜ்... திருமணம் என்னும் ‘ஒரு நாள் கூத்து'க்காக இந்த மூவரின் வாழ்க்கையையும் குழப்பிவிடும் மூன்று ஆண்களின் கதை.

தமிழ்ச் சமுதாயம், திருமணத்தின்மீது தீராக் காதல்கொண்டது. இங்கே ஒருவரின் வாழ்க்கையின் அடிப்படை, திருப்புமுனை, காரணம் எல்லாமே திருமணம்தான். அதன் எதிர்மறை விளைவுகளை முதல் படத்திலே பேசத் துணிந்த இயக்குநர் நெல்சன் வெங்கடேசனுக்கு வாழ்த்துகள்.திருமணம் தள்ளிப்போக எடுத்துக்கொண்ட மூன்று காரணங்களிலும் வித்தியாசமும் யதார்த்தமும் ரசனை.

அறிமுகம் நிவேதா பெத்துராஜ், நடிப்பில் குறையொன்றுமில்லை. அப்பாவை மீற முடியாமல் திணறும்போது க்ளாஸ் மியா ஜார்ஜ், நம்பிப்போனவன் சறுக்கியதும் வீடு திரும்பிய பின்னர் பேசும் ஒற்றை வசனத்தில் மாஸ். ஆர்.ஜே என்றால் செலிபிரிட்டி என்ற மாயையை உடைத்து, யதார்த்தத்தை அட்டகாசமாகப் பிரதிபலிக்கிறார் ரித்விகா. இந்த மூன்று பேருக்கு முன்னால் திணறிப்போகிறார் `அட்டகத்தி' தினேஷ்.

ஆர்.ஜே-வாக வரும் ரமேஷ்திலக் மட்டும் ரேடியோ தன் தாய்வீடு என்பதால் மிளிர்கிறார். பால சரவணன், `சாப்பாட்டுராமன்' செந்தில் விஜய்யின் காமெடி அதிரடி.

பெண்கள் கதாபாத்திரத்தில் இருக்கும் தெளிவு, ஆண்கள் விஷயத்தில் இல்லாமல்போனதாலே ஏமாற்றம் வருகிறது. க்ளைமாக்ஸ் நெருங்கும் வேளையில் தன் கவலையைச் சொல்லும் தினேஷ், முன்னரே ஏன் சொல்லவில்லை? ரித்விகாவை மனதார விரும்பும் ரமேஷ், திடீரென அந்த முடிவை எடுக்க என்ன காரணம்? மியா ஜார்ஜின் அப்பா ஏன் திருமணத்தைத் தவிர்த்துக்கொண்டே இருக்கிறார்?

ரியாக்‌ஷன்களை சரளமாகச் சொல்லும் திரைக்கதையில், அதற்கான ஆக்‌ஷன் பக்கங்கள் இல்லாமல்போனதுதான் பிரச்னை. அழகான மலைச்சாலையில் அழைத்துச் சென்று பாலைவனத்தைக் காட்டியதுபோல் இருக்கிறது அந்த ட்விஸ்ட் வெறி க்ளைமாக்ஸ்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்