கலைடாஸ்கோப் - 45

இத்தொடரின் மற்ற பாகங்கள்:
எண்ணம், வண்ணம்: சந்தோஷ் நாராயணன்

ஸ்

ஆய்வுக்கூடத்தின் பளிங்கு வராண்டாவில் சக்கரக் கால்களால் வழுக்கியபடி சென்றுகொண்டிருந்த கணினியன் சொன்னான், “இந்த 31 -ம் நூற்றாண்டிலும் தொல்லியல் துறை நான் விரும்பி எடுத்துக்கொண்டது. ஆயிரம் வருடங்களுக்கு முன்னர் வாழ்ந்த நம் மூதாதையர்களைப் பற்றிய இந்த ஆய்வு எனக்குப் பிடித்திருக்கிறது.”

மெமரியன் தன் சக்கரக் கால்களின் வேகத்தைக் குறைத்தபடி, “அதிலும், அந்தக் காலத்தில் வாழ்ந்த போராளிகள் பற்றிய உனது ஆய்வு சுவாரஸ்யமாக இருக்கிறது” என்றான்.

“ஆமாம். உலகெங்கும் வாழ்ந்த போராளிகள் பற்றிய ஆய்வு. பல்வேறு தொல்லியல் படிவங்களைச் சேகரித்துவிட்டேன்” - படிவங்கள் இருந்த அறைக்குள் நுழைந்தபடி சொன்னான் கணினியன்.
“க்யூபா, பொலிவியா முதல் கிழக்கு ஆசிய நாடுகள் வரை வாழ்ந்த போராளிகளின் தொல்லியல் சான்றுகள் கிடைத்திருக்கின்றன எனக் கேள்விப்பட்டேன்” என்றான் மெமரியன்.

“ஆமாம் நண்பா. ஆனால், எனக்கு ஒரு விஷயம் மட்டும் புரியவில்லை. இதோ பார், தமிழ்நாட்டில் இருந்து கிடைத்த ஏராளமான வலது கை எலும்புகள்.” விரல் எலும்புகள், உள்ளங்கை நோக்கிச் சுருண்ட நூற்றுக்கணக்கான கை எலும்புகள் குவிந்துகிடந்தன.

`` `இவை எல்லாம் போராளிகளுடையவை' என்கிறார்கள். ஆனால், அவர்கள் என்ன புரட்சி செய்தார்கள் என்பதை அறிய முடியவில்லை” என்றான் கணினியன்.
“அந்தக் கால நைந்துபோன குறிப்புகளையும் புரட்டிவிட்டேன். இவர்களை `ஃபே...புக் போராளிகள்' எனக் குறிப்பிட்டிருக்கிறார்கள். அழிந்துபோன அந்த எழுத்தை அறிய முடியவில்லை” என்றான் கணினியன்.

மெமரியன், அந்தக் கை எலும்புகளைப் பார்த்தபடி நின்றான். அவற்றின் கட்டைவிரல்கள் மட்டும் ஒரு கணம் உயர்ந்து அடங்குவதைக் கண்டான்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்