“அப்பா நடிக்கலை... தம்பி பேசலை!”

ம.கா.செந்தில்குமார்

‘‘நாங்க தமிழ் சினிமாவை ஆக்கிரமிச்சிட்டதாவும், இங்கே இருக்கிற தியேட்டர்களை வளைச்சிட்டதாவும் அப்போ பொய்ப் பிரசாரம் பண்ணினாங்க. ஆனா, இப்ப சினிமாவை உண்மையில் யார் ஆக்கிரமிச்சிருக்கா..? லக்ஸ் தியேட்டரை மிரட்டி வாங்கினது யார்னு எல்லாருக்குமே தெரியும். லக்ஸ் ஸ்கிரீன்கள் விற்பனைக்குப் பிறகுதான், வடபழநி `பளாசோ’ தியேட்டருக்கு அனுமதியே கொடுத்தாங்க’’ - டாப் கியரில் ஆரம்பிக்கிறார் உதயநிதி ஸ்டாலின். ஒரு பக்கம் அப்பா ஸ்டாலின் தேர்தல் ஃபீவரில் ‘முடியட்டும்... விடியட்டும்!’ என தமிழ்நாட்டை வலம்வர, உதயநிதியோ சினிமாவில் சின்ஸியராக இருக்கிறார். ‘மனிதன்’ பட ஷூட்டிங்கில் இருந்தவரைச் சந்தித்தேன்.

‘‘ `மனிதன்' என்ன மாதிரியான படம்?’’

‘‘ ‘பெரிய வக்கீல்னு நிரூபிச்சுக்காட்டுறேன்’னு  சண்டைபோட்டுட்டு பொள்ளாச்சியில் இருந்து சென்னைக்கு வர்றான் ஹீரோ. இங்கே சின்னச் சின்ன வழக்குகள்கூட கிடைக்காமக் கஷ்டப்படுறான். அந்தச் சமயத்துல பெரிய வக்கீல்களை முக்கியமான ஒரு விஷயத்துக்காக எதிர்த்து நிக்கிறான். அது என்ன விஷயம், அவன் எதிர்கொள்ளும் பிரச்னைகள், அதை எல்லாம் அவன் எப்படிச் சமாளிக்கிறான் என்பதே ‘மனிதன்’. ராதாரவி, பிரகாஷ்ராஜ்னு சீனியர்ஸ் இருக்காங்க. இந்த லெஜண்ட்களுக்கு நடுவுல நாமளும் இருக்கோங்கிறதே சந்தோஷம்!’’

‘‘ ‘ஒரு கல் ஒரு கண்ணாடி’க்குப் பிறகு ஹன்சிகா காம்பினேஷன்ல நடிக்கிறீங்க. என்ன சொல்றாங்க?’’

‘‘ `நீ உண்மையாவே தேறிட்ட, நல்லாவே நடிக்கிற'னு அவங்களும், `ஆரம்பத்துல உங்களுக்கு லிப் சிங்க் ஆகவே ஆகாது. இப்ப பெர்ஃபெக்டா நடிக்கிறீங்க'னு நானும் ஒருத்தருக்கு ஒருத்தர் மாறி மாறிப் பாராட்டிட்டே இருக்கோம். இதுல முதல் பாதிக்கு ஹன்சிகான்னா, ரெண்டாவது பாதிக்கு ‘காக்கா முட்டை’ ஐஸ்வர்யா ராஜேஷ். ரிப்போர்ட்டரா வர்றாங்க. அவங்களும் செமயா நடிச்சிருக்காங்க.’’

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்