தங்கத்தின் பேரானந்தம்!

திரைப்பட இயக்குநர் சார்லஸ்

மீபத்தில் நடந்த 88-வது ஆஸ்கர் விருது விழாவின் சர்ப்ரைஸ், ஆஸ்கர் வின்னர் லியோனார்டோ டிகாப்ரியோ மட்டும் அல்ல; தனது 87-வது வயதில் ஆஸ்கர்  வென்று உலகத்தின் பார்வையையே தன் பக்கம் திருப்பிய இத்தாலிய இசைமேதை எனியோ மோரிகோனேவும்தான்.

2015-ம் ஆண்டு ஆஸ்கர் மற்றும் கோல்டன் குளோப் விருதுகளை `தி ஹேட்ஃபுல் எயிட்' படத்துக்காகப் பெற்றிருக்கிறார் எனியோ மோரிகோனே. 50 வருடங்களாக 500 படங்களுக்கும் மேலாக இசையமைத்து, உலகம் எங்கும் பெரும் தாக்கத்தை உண்டாக்கியவர் இவர். ஹாலிவுட் படங்களுக்கு பிஸியாக இசையமைத்துக் கொண்டிருந்த காலத்தில்கூட, தன் சொந்த நாட்டையும் பிறந்த ஊரான ரோம் நகரையும்விட்டு வெளியேறாத எனியோ மோரிகோனேவுக்கு இப்போதும் ஆங்கிலம் பேசத் தெரியாது.

இதற்கு முன்னர் இவர் இசையமைத்த ஐந்து படங்கள் ஆஸ்கர் பரிசீலனைப் பட்டியலில் இருந்தும் அவருக்கு அந்த விருது கிடைக்கவில்லை. ஆனால், 2007-ம் ஆண்டு அவருக்கு வாழ்நாள் சாதனைக்கான சிறப்பு ஆஸ்கர் விருது வழங்கிக் கெளரவித்தது ஆஸ்கர் கமிட்டி. அப்போது விழா மேடையில் பேசிய எனியோ `இந்த விருது எனக்குத் தொடக்கம்தான். இதே உத்வேகத்துடனும் ஊக்கத்துடனும் இசைப் பணிகளைத் தொடர்வேன்’ என அவர் சொன்னதை எல்லோரும் வழக்கமாகச் சொல்வதுதான் என எடுத்துக்கொண்டார்கள். ஒன்பது ஆண்டுகளுக்குப் பிறகு, `தி ஹேட்ஃபுல் எயிட்' படத்தின் இசையமைப்புக்காக இந்த ஆஸ்கர் விருதைப் பெற்று ஆச்சர்யப்படுத்தியிருக்கிறார் எனியோ.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்