10 செகண்ட் கதைகள்

ஓவியங்கள்: செந்தில்

மகான்... மகிமை!

``எங்களுக்காக வாயில் இருந்து, லிங்கம் எடுத்தார்; குங்குமம் எடுத்தார்; விபூதி எடுத்தார். எங்களால்தான் அவரை ஜாமீனில் எடுக்க முடியவில்லை’’ - வருத்தத்தோடு சொன்னார் பக்தர் ஒருவர்.

- சி.சாமிநாதன்

புலம்பல்

``லஞ்சம் வாங்குற வரைக்கும் இந்த நாடு உருப்படாது. பாரு...

ஐந்நூறு ரூபாய் வாங்கிட்டான்’’ - லைசன்ஸ் இல்லாமல் வண்டி ஓட்டி டிராஃபிக் போலீஸிடம் பிடிபட்ட ராமன், தன் நண்பனிடம் புலம்பினான்.

- பிரேமானந்த் குமார்

ரிலே ரேஸ்

ஓடாத கடிகாரம் ஓடிக்கொண்டிருக்கிறது, மாறி மாறி பல ஃபங்ஷன்களுக்கு... கிஃப்ட் பார்சலின் உறையை மட்டும் மாற்றிக்கொண்டு!

- பாப்பனப்பட்டு வ.முருகன்.

ஃபாரீன் சரக்கு

வெளிநாடு போய் வந்த நண்பனிடம் எல்லோரும் கேட்டார்கள்... ``சரக்கு கொண்டுவந்திருக்கியா மச்சி?’’

- பெ.பாண்டியன்

தாய் வீடு

மூச்சுக்கு முந்நூறு தடவை, `என் அப்பா மாதிரி வராது’ என்றவள், ஒரு சண்டையில் `நான் அம்மா வீட்டுக்குப் போறேன்’ என்றாள்.

- அபிசேக் மியாவ்

அக்கறை

``போன முறை பார்த்ததுக்கு இந்த முறை ரொம்ப இளைச்சிருக்கீங்களே!’’ - கரிசனத்தோடு டாக்டரை விசாரித்தார் பேஷன்ட்!

- கே.லக்ஷ்மணன்

நல்லவன்

போலீஸ் இன்ஸ்பெக்டரிடம் மாமூல் கொடுத்து, நல்ல பெயர் வாங்கியிருந்தான் வழிப்பறித் திருடன்!

- பெ.பாண்டியன்

தீரா வலி

வெயிலின் கடும் தாக்கத்தில் அவஸ்தையோடு, தாலுகா ஆபீஸ் வாசலில் நின்றுகொண்டிருந்தாள் முனியம்மா, வெள்ள நிவாரண நிதிக்காக!

- கணேசன்

பாலிசி

டூ வீலர் இன்ஷூரன்ஸை ரெனியூவல் செய்யாமல் டிராஃபிக் போலீஸிடம் பிடிபட்டான், லைஃப் இன்ஷூரன்ஸ் ஏஜென்ட்!

- பாப்பனப்பட்டு வ.முருகன்

அறியாதது

எல்.கே.ஜி படிக்கும் மகனிடம் ``நீளமான ட்ரெயின், ஒரு பெரிய மரவட்டை மாதிரி இருக்கும்பா’’ என்றேன். ``ட்ரெயின் தெரியும், `மரவட்டை'னா என்னப்பா?’’ என்று கேட்டான் அவன்.

- எஸ்கா


அதிகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு ` 500. உங்கள் கதைகளை 10secondstory @vikatan.com என்ற ஐ.டி-க்கு அனுப்பலாம்!

Do you like the story?

Please Appreciate the Author by clapping!

Editor’s Pick