உணவு நல்லது வேண்டும்!

உச்சி முதல் உள்ளங்கால் வரை

தலை முடி: வைட்டமின் சி - நோய் எதிர்ப்பு சக்திக்கு மட்டும் அல்ல... தலைமுடி, சருமம், நகத்தில் உள்ள கொலாஜன் என்கிற ஒருவகையான புரதம் உற்பத்திக்கு உதவுகிறது. ஃப்ரீ ராடிக்கல்ஸ் பாதிப்பு காரணமாக முடி பிளவுபடுதல், உடைதலைத் தடுக்கிறது. ஆரஞ்சு, புரோகோலி, பப்பாளி, ஸ்ட்ராபெர்ரி போன்றவற்றில் வைட்டமின் சி நிறைவாக உள்ளது. வைட்டமின் பி3, பி7, பி12, வைட்டமின் ஏ, இ, ஃபோலிக் அமிலம், இரும்பு, துத்தநாகம், மக்னீசியம், புரதம் உள்ளிட்டவை ஆரோக்கியமான முடி வளர்ச்சிக்கு அவசியம்.

காலிஃபிளவர் - துவரம்பருப்பு சூப்

தேவையானவை: துவரம் பருப்பு - கால் கப், காலிஃபிளவர் - ஒரு கப், பெரிய வெங்காயம் - ஒன்று, தக்காளி - 2, பச்சைமிளகாய் - 3, மிளகுத்தூள் - 2 டீஸ்பூன், நசுக்கிய பட்டை, சோம்பு - சிறிதளவு, வெண்ணெய், சோள மாவு, அரிந்த புதினா இலைகள் - தலா ஒரு டேபிள்ஸ்பூன், உப்பு - தேவையான அளவு.