ரஷ்யப் புரட்சி 100 | 100 years of Russian Revolution - Ananda Vikatan | ஆனந்த விகடன்

ரஷ்யப் புரட்சி 100

ரீ.சிவக்குமார், ஓவியம்: ஹாசிப்கான்

1917 -ம் ஆண்டு நவம்பர் 7, பூமிக்கு மேலே ஒரு பூகம்பம் நிகழ்ந்த நாள்; மக்கள் எழுச்சி, மகத்தான மாற்றத்தை நிகழ்த்திக்காட்ட முடியும் என நிரூபித்த நாள்; ‘உலகத் தொழிலாளர்களே ஒன்றுபடுங்கள். நீங்கள் இழப்பதற்கு எதுவும் இல்லை, உங்கள் கைவிலங்குகளைத் தவிர. ஆனால், உங்களுக்காக ஒரு பொன்னுலகு காத்திருக்கிறது’ என்ற கார்ல் மார்க்ஸின் வார்த்தைகளுக்கான நம்பிக்கை விதைகள் விதைக்கப்பட்ட நாள். ஆம்... அதுதான் `நவம்பர் புரட்சி' என அழைக்கப்படும் ரஷ்யப் புரட்சி நடந்த நாள். இந்த ஆண்டு நவம்பர் 7-ல் இருந்து, நவம்பர் புரட்சி நூற்றாண்டு தொடங்குகிறது.

புரட்சிக்கு முந்தைய ரஷ்யா, பழைமைவாதத்தின் பிடியிலும் பட்டினிக் கொடுமைகளிலும் சிக்கித் தவித்தது. ரஷ்யாவை ஆண்டுவந்த ஜார் மன்னனின் அலட்சியத்தாலும் அதிகாரத் திமிராலும் எளிய மக்களின் வாழ்வு சின்னாபின்னமாகிச் சிதைக்கப்பட்டது. ஒரு ரொட்டித் துண்டுக்காக ஒருவரை ஒருவர் அடித்துக் கொள்ளும் நிலை நிலவியது. நிலக்கரித் தட்டுப்பாட்டால் தொழிற்சாலைகள் மூடப்பட்டன. ரஷ்ய அதிகார வர்க்கத்தின் அரண்மனையோ, ரஷ்புடின் என்கிற சாமியாரின் சொல்பேச்சு கேட்டு, ஆடாத ஆட்டம் ஆடியது. மக்களின் நிலை குறித்து கவலைப்படுவதற்கு ஜார் அரசுக்கு, நேரமோ மனமோ இல்லை. போதாக்குறைக்கு முதல் உலகப்போரில் மற்ற நாடுகளைவிட, ரஷ்யா சந்தித்த இழப்புகள் ஏராளம். அவ்வப்போது ஜார் ஆட்சிக்கு எதிராகக் கிளர்ச்சியாளர்கள் தோன்றாமல் இல்லை. ஆனால், அவர்கள் உடனடியாகக் களையெடுக்கப் பட்டனர். ஜார் மன்னனுக்கு எதிராகச் செயல்பட்டதால் தூக்கிலிடப்பட்டவர்களில் ஒருவரான அலெக்ஸாண்டர், லெனினின் அண்ணன். அவர் கொல்லப்பட்டபோது லெனினுக்கு வயது 17.

Do you like the story?

Please Appreciate the Author by clapping!

Editor’s Pick