ஜென் Z - வாட்ஸ்அப்பை மிரட்டும் அலோ!

ஞா.சுதாகர்

லகின் தற்போதைய நம்பர் 1 மெசேஜிங் ஆப்பான, வாட்ஸ்அப்புக்கு கிலிபிடிக்க தனது புதிய தயாரிப்பான `அலோ’வைக் களம் இறக்கியுள்ளது கூகுள். இதுவும் அடிப்படையில், ஒரு மெசேஜிங் ஆப்தான். மற்றவற்றில் இருப்பது போன்ற வாய்ஸ் மெசேஜ், ஸ்டிக்கர்ஸ், இமேஜ், வீடியோ என எல்லா அடிப்படை வசதிகளும் அலோவிலும் உண்டு. பிறகு... என்னதான் அலோவின் ஸ்பெஷல்?

வேலைக்காரன்: ஆர்ட்டிஃபீஷியல் இன்டெலிஜென்ஸ் மூலமாக இயங்கும் கூகுள் அசிஸ்டன்ட்தான், அலோவை மற்ற மெசேஜிங் ஆப்களில் இருந்து வேறுபடுத்திக் காட்டுகிறது. இந்த விர்ச்சுவல் அசிஸ்டன்ட் மூலம், உங்கள் அலோ ஆப்புக்குள்ளேயே, பிரவுசரைத் திறக்காமல் விக்கிப்பீடியாவைப் பயன்படுத்த முடியும்; உங்களுக்கு அருகில் இருக்கும் ஹோட்டல்களைத் தேட முடியும்; அன்றைய செய்திகளைப் படிக்க முடியும்; விமான, ரயில் நேரங்களைக் கண்டறிய முடியும்; காலண்டர், மெயில், அலாரம் என பல விஷயங்களை இந்த அசிஸ்டன்ட் மூலமாகவே செயல்படுத்திக்கொள்ள முடியும்.

 எந்த விஷயம் தெரிய வேண்டுமோ, அதை @google என டைப் செய்தால் போதும். பதிலுடன் ஆஜராகிவிடுகிறார் இந்த `கூகுள் அசிஸ்டன்ட்’.

தானே அழிப்பான்: நாம் சாட் செய்யும் மெசேஜ்களைக் குறிப்பிட்ட நேரத்துக்குப் பின் டெலிட் செய்துகொள்ளும் வசதி இதில் உண்டு. ஐந்து விநாடிகள் முதல் ஒரு வாரம் வரை இதற்கு டைம் செட் செய்துகொள்ளலாம். அதன் பிறகு நமது மெசேஜ்கள் தானாகவே அழிந்துவிடும். டெலிகிராம் செயலியில் இருக்கும், Self Destruction Time போலவே இது செயல்படுகிறது.

கூகுள் ஆல்: கூகுளின் மேப்ஸ், மெயில், காலண்டர் என எல்லா சேவைகளையும் அலோவுக்கு வெயிட் ஏற்றுவதற்காகப் பயன்படுத்தியுள்ளது கூகுள். இதனால் வாட்ஸ்அப்பைவிட எளிதாக, அழகாக இருக்கிறது அலோ. கூகுளின் எல்லா சேவைகளையும் இது பயன்படுத்திக் கொள்வதால், நமக்குப் பயன்படுத்தவும் எளிதாகவும் சௌகரியமாகவும் இருக்கிறது.  கூகுளின் ஆல் இன் ஆளாக `அலோ’வை வடிவமைத்துள்ளது.

பிரச்னை: வாட்ஸ்அப், ஃபேஸ்புக் போலவே இதிலும் பிரைவசி பிரச்னைகள் இருக்கின்றன. நாம் அனுப்பும் மெசேஜ், தேடல்கள் என எல்லாவற்றையும் கூகுள் அசிஸ்டன்ட், அதன் சர்வரில் சேர்த்துக்கொள்கிறது. நம் சொல்பேச்சு கேட்கும் கூகுள் அசிஸ்டன்ட், நம்மை உளவு பார்ப்பது ரொம்பவே நெருடல்!

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்