சொல்வனம்

யிர்க் கடிதங்கள்
அணிலொன்று இரைதேடி
குறுகுறு கண்களால்
சுற்றும் முற்றும் பார்த்து
உள்ளிருந்து வெளியேறியது,
சிறு குருவியொன்று
சாம்பல் நிறச் சிறகோடு
கொஞ்சம் மேகம் சுமந்து
வெளியிலிருந்து உள்நுழைந்தது...
உயிர்க் கடிதங்கள் நிரம்பிய
இந்தச் சிவப்புப் பெட்டியை
இன்னமும்
காலிப்பெட்டியெனப் பரிகசிப்பவரும்
அஞ்சல்பெட்டியென உச்சரிப்பவரும்
இரண்டு அற்புதக் கணங்களைத்
தவறவிட்டவர்கள்.

- கார்த்தி

நிழலில் உறைபவன்
எந்நேரமும் ஏதேனும் ஒரு
சிந்தனையில் இருக்கும் அவன்
இடையிடையே
இடது காதில் செருகியிருக்கும்
பறவையின் இறகால்
காது குடைகிறான்
அந்நேரம்
அகக் கண்ணில்
சிறகடிக்கும் பறவைகளை
புன்முறுவலால் வெளியேற்றும்
அவன் அடிமனதில்
ஆயிரம் மரங்களின் நிழல்.

- மகிவனி

ரியான இடத்தில் வைத்தல்
ஒற்றை வெள்ளைப் பூண்டுகளை
உரித்து வைத்திருந்தாள்
அம்மா.
அதை
படத்திலிருந்த பாட்டியின்
பொக்கைவாயில்
பற்களை முளைக்க
வைத்துக்கொண்டிருந்தது
பாப்பா.

- நாகராஜ்


நிழலோவியம்
ஒரு பறவையும்
வந்தமரா நாளொன்றில்
நெடுஞ்சாலையோர
மரக்கிளையொன்று
சூரியனின் துணைகொண்டு
தகிக்கும் தார்ச்சாலை மீது
நொடிக்கொருதரம்
வரைந்து வரைந்து
அழித்துக்கொண்டிருக்கிறது
வெவ்வேறு பறவையின்
விதவிதமான நிழல்களை.

- கே.ஸ்டாலின்

ன்றுமில்லை
கைப் பிடித்து
கண்ணீர் மல்கினார்
அந்தப் பெரியவர்
நான் எந்தப் பேருதவியும்
செய்துவிடவில்லை
அவருக்கு.
சற்று அவர் பேசுவதைக்
கேட்டுக்கொண்டிருந்தேன்.

- ரமணி முருகேஷ்

று தொலைத்த ஆறுகள்
கொண்டுவந்த
லாரித் தண்ணீர் உபயத்தில்
ஆற்றில் இறங்கியும்
மேலுக்குக் குளித்துவிட்டு
கருவறைப் புழுக்கம் போகாது
மேடேறும் தீர்த்தவாரி உற்சவரும்
வேண்டியிருக்கக்கூடும்
மனதுருக
மழைவேட்டல்.

- கார்த்தி

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்