இயற்கை விவசாயம்! - வழிகாட்டும் `அக்ரி எக்ஸ்போ'

ஆர்.குமரேசன், படங்கள்: வீ.சிவகுமார்

தோ ஒருவகையில் நாம் அனைவரும் விவசாயி வீட்டுப் பிள்ளைகள்தான். நமது அப்பாவோ, தாத்தாவோ, அதற்கு முந்தைய ஒரு தலைமுறையோ நிச்சயம் விவசாயம் செய்தவர்களாகத்தான் இருப்பார்கள். தலைமுறைகள் இடைவெளி இருக்கலாம். நிலத்தடியில் ஓடிக்கொண்டே இருக்கும் கண்ணுக்குத் தெரியாத நீருற்றுபோல, இன்னமும் நம்மில் பெரும்பாலானோர் நினைவுகளில் ஈரமாகவே இருக்கிறது விவசாயம் தொடர்பான எண்ணங்கள்.

சென்னை போன்ற பெருநகரங்களில்  மாடியில் விவசாயம் செய்யும் பழக்கம் வெகுவேகமாக அதிகரித்துவருவதும், ஊரெல்லாம் ஆர்கானிக் மற்றும் சிறுதானிய உணவுகள் மீதான வரவேற்புமே இதற்குச் சான்றுகள். இப்படி விவசாயத்தின் மீது புது வெளிச்சம் விழத்தொடங்கியிருக்கும் நேரத்தில், இதில் ஈடுபடும் பலரும் சரியான வழிகாட்டுதலும் ஆலோசனைகளும் இல்லாமல் தவிக்கிறார்கள்.

அவர்களுக்காக பல்வேறு தலைப்புகளில் பயிற்சிகள், கருத்தரங்குகள்... நடத்திவருகிறது `பசுமை விகடன்’.

அந்த வகையில் வேளாண்மை தொடர்பான அனைத்துச் சந்தேகங்களுக்கும் ஓர் இடத்தில் விடைகிடைக்க வழிசெய்யும் விதமாக, பசுமை விகடன், கடந்த ஆண்டு செப்டம்பர் மாதம் ஈரோட்டில் அக்ரி எக்ஸ்போ கண்காட்சி மற்றும் கருத்தரங்கு ஆகியவற்றை நடத்தியது. விவசாயிகளிடம் பலத்த வரவேற்பைப் பெற்ற ‘அக்ரி எக்ஸ்போ’, இந்த ஆண்டு பிப்ரவரி மாதம் திருச்சி மாநகரிலும் சிறப்பாக நடந்தது. இதைத் தொடர்ந்து வருகிற செப்டம்பர் 9-ம் தேதி முதல் 12-ம் தேதி வரை ஈரோடு, வ.உ.சி.பூங்கா மைதானத்தில் ‘பசுமை விகடன் அக்ரி எக்ஸ்போ 2016’ நடைபெற உள்ளது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்