சாதி வெறி சாதித்தது என்ன? | Caste fanatics against Kausalya sankar: what did they achieve? - Ananda Vikatan | ஆனந்த விகடன்

வெளியிடப்பட்ட நேரம்: 06:00 (21/12/2017)

சாதி வெறி சாதித்தது என்ன?

சுகுணா திவாகர், ஓவியம்: கார்த்திகேயன் மேடி

ட்டப்பகலில் பலர் முன்னிலையில் நடந்த படுகொலை... ஜாமீனே இல்லாமல் ஓராண்டுக்கும் மேல் தொடர்ந்து நடந்த வழக்கு விசாரணை... ஆறு பேருக்குத் தூக்குத் தண்டனை என சங்கர் - கெளசல்யா ஆணவக்கொலை வழக்கு தமிழ்நாடே பேசும், விவாதிக்கும், கருத்து மாறுபடும் ஒன்றாகியிருக்கிறது.

இதில் குறிப்பிட்டுச் சொல்லப்பட வேண்டியது கெளசல்யாவின் துணிச்சல். தன் காதல் கணவனைச் சாதிவெறிப் படுகொலைக்குப் பலி கொடுத்தபிறகு அவர் விரக்தியில் ஓய்ந்துவிடவில்லை. சங்கரின் குடும்பத்தையே தன் குடும்பமாக ஏற்றுக்கொண்டு, அவர்களுடன் வாழ்ந்துகாட்டுகிறார். அதேநேரத்தில் சங்கர் படுகொலைக்குக் காரணமான தன் பெற்றோர் உட்பட உறவினர்களுக்கு எதிரான சட்டப் போராட்டத்தையும் மேற்கொண்டார். இதைத் தனிப்பட்ட இழப்பாக மட்டும் எடுத்துக் கொள்ளாமல், இதற்கு அடிப்படையான சாதியை ஒழிப்பதற்கான அரசியல் நடவடிக்கைகளிலும் தன்னை ஈடுபடுத்திக்கொண்டார். ஒருவேளை இந்தப் படுகொலை நடக்காமல் இருந்திருந்தால் கெளசல்யாவும் ஒரு சராசரிப் பெண்ணாகவே வாழ்ந்திருப்பார். ஆனால், அவரை அரசியல் உணர்வுகொள்ள வைத்ததும், போராளி ஆக்கியதும் சங்கரின் படுகொலைக்குக் காரணமான சாதிவெறிதான். தன் கணவனின் மரணத்துக்கு நீதி கேட்ட கண்ணகியை நாம் படித்திருக்கிறோம்; கெளசல்யாவை நாம் பார்க்கிறோம், பாராட்டுகிறோம். கெளசல்யாவுக்குத் துணைநின்ற முற்போக் காளர்களும் மனித உரிமை ஆர்வலர்களும் பாராட்டத்தக்கவர்கள்.

நீங்க எப்படி பீல் பண்றீங்க