“மீண்டும் எம்.ஜி.ஆர் ஹீரோ, ஜெயலலிதா ஹீரோயின்!”

நா.சிபிச்சக்கரவர்த்தி, படம்: சொ.பாலசுப்ரமணியன்

எம்.ஜி.ஆர் தயாரித்து, இயக்கி, நடித்த பிரமாண்டமான படம் ‘உலகம் சுற்றும் வாலிபன்’. இந்தப் படத்தின் தொடர்ச்சியாக ‘கிழக்கு ஆப்பிரிக்காவில் ராஜு’ என்ற படத்தை எடுக்கத் திட்டமிட்டிருந்தார் எம்.ஜி.ஆர். ஆனால், முதலமைச்சராகிவிட்டதால் அவரால் அந்தப் படத்தை எடுக்க முடியாமலேயே போனது. அந்த `கிழக்கு ஆப்பிரிக்காவில் ராஜு' படத்தைத் தற்போது அனிமே‌ஷனில் தயாரிக்க முடிவு செய்திருக்கிறார், எம்.ஜி.ஆரின் நண்பர், மறைந்த ஐசரி வேலனின் மகன் ஐசரி கணேஷ்.

``நான் இப்போ இந்த அளவுக்கு இருப்பதற்கு முக்கியமான காரணம் எம்.ஜி.ஆர்தான். எங்க அப்பா இறந்தபிறகு எங்க குடும்பம் ரொம்பக் கஷ்டத்துல இருந்தது. அப்போ அவர்தான் என்னைக் கூப்பிட்டு உதவி செஞ்சார். அந்த உதவியை வெச்சுதான் நான் வேல்ஸ்  கல்லூரியையே தொடங்கினேன். இந்த 25 வருஷத்துல 25 நிறுவனங்களை உருவாக்கியிருக்கேன். ரொம்ப நாளாகவே தலைவருக்கு ஏதாவது பண்ணணும்னு நினைச்சுக்கிட்டிருந்தேன். எம்.ஜி.ஆர் நூற்றாண்டுவிழாவை முன்னிட்டு இந்தப் படத்தைப் பண்ணியே ஆகணும்னு முடிவு பண்ணினேன்.  தலைவர் எம்.ஜி.ஆரை மீண்டும் அதே உற்சாகம், துறுதுறுப்போடு திரையில் பார்க்கலாம்.

Do you like the story?

Please Appreciate the Author by clapping!